#15
#ضَـاجـعـنِــي_جـهـراً...
الفصل الأول ...
" العين بالعين و انا المغرم التائه "بلعات ريقها و زطمات على الاخر درة من التدد لكبييير لي كان شادها ...ورجعات نقا// بها مهبطات على عنيها لي تا هوما عليهم شبكة... لموهيم تا حد ما يقدر يتعرف عليها ...
و حلات لباب بالساروت لي نساتو خديحة مت طه و خرجات ...غادية وسط الدرب كان وسط النهار لكيالة و الدرب خاااوي.. غاديا و قلبها علاين يفلت من بلاصتو بقوة ما كيضرب.. طرافها بردو عليها بالخلعة و الخوف... تا سنانها بداو يتقرقبو.. غاديا و كتلفت وراها و مع جنابها .. و كتقول.. هنا تحصل لهيه تحصل .. هنا تحصل لهيه تحصل.. كتقرا فالقرآن و دعي سيدي ربي يسترها...
تا وصلات للخرجة د الدرب و هو يبان ليها واقف كيتسناها.. متكي على الحيط بطولتو و تجريدتو لابس توني فالكحل و صنيضيلة سبور فرجليه و داير ساكوشة ...
حمادة كان واقف و عاقد حجبانو كيتسنا فيها بطا عليه امتى يشوفها.. هز راسو و هي تبان ليه جايا كتزرب فخطواتها ...
غير شافها تبشررر و إبتسامتو الجدابة وساعت...و هي غير شافيتو عضات على شفايفها و داك التوتر بدا يتبخرررر .. دازت من حداه و دات ليه اشارة بيدها غا تحت الدف باش يتبعها.. ما بغا حد يشوفهم غاديين بجوج فالدرب حيت غتوصل توصل لطه و ديك ساعة نهارها ما غطلع فيه شمس...
بقا غادي وراها تا خرجو من الدرب و وصلو لوحد الجردة كبييييرة بحال شي غاابة و هي منتزه... بقاو غاديين تا وصلو لواحد الجهة خااوية و هو يجرها من يدها ... و دورها عندو و نطق و هو باغي يشوف دوك العنين الق// تالين عندها : فين غادا بيا الميمة...
جوهرة شافت فيه عويناتها كيلمعو و ضحكات بخفة و نقات بصوتها الأنوثي الناعم: حمادة...
حمادة قوس حجبانو و قرب عندها كثر و مد يدو للنق// اب زااحو على وجها و نطق و هو عنيه كيدورو على ملامحها الفتانة: قلبو د حمادة حياتو د حمادة... توحشتك...
جبدات فيه عويناتها الواسعين عنيكاتها لمطيبزين مزنكين و مهزوزين للفوق بديك الضحيكة لي مزينة فثنة ملامحها: تا انا توحشتك ...
عض على شفايفو مغزز عليها باغيها و حالمق عليها .. ميل راسو و حنى عليها حيت كان طويل عليها و هي قصيورة و مديحدة ... مرادو شفايفها باغي يسقي عطشو بكرزيتهم..
قرب عندها و هي تخلعات دغيا ميلان راسها لجنب مانعاه و نطقات : حمادة لا عافاك حشومة...حمادة تنهد و غمض عنيه و بعد عليها و تبسم ما حملش هاد القمعة ولكن عدرها حيت تا هو زوب عليها : صافي على خاطرك احبي
جوهرة تبسمات بتوتر و هو نطق:ما غتسلميش عليا ..
جوهرة حركات راسها بآه كتضحك بآحراج بااينا فيها متوترة و مخلووعة بزااف .. هادشي جديد عليها عمر دازت منو.. مدات ليه يدها كترجف : ههه اه سلام بعدا لاباس عليك...
أنت تقرأ
ضاجعني جهرا ( النسخة الأصلية و الوحيدة )
Romanceهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...