- 63 -
ضَـــاجَـــعَنِي جَـــــهْراً...
الـفصـل الـثالـث :
" جِراحكِ النازِفَة انَا خَالقُها و انَا شَافِيها تَجردِي دَعينِي اُشفِيكِ... 🥀"
عاجبها كيفاش طه تابعها و باغي يرضيها و باغيها تسامح ليه بآي وجه كان ... كان عاجبها كيفاش تابعها فينما مشات .. كيفاش باغي غير راحتها و كتشوف حبو ليها فعينيه فاش كيشوف فيها .. كان مفششها فوق لقياس بليكادو ...
كان اليوم عيد ميلادها 18 كتفكر مع راسها .. فين غيكون طه ... و واش غيدير ليها شي حفلة بهاد المناسبة ... كان عقلها خدام كتحاول تتخايل اشمن كادو غيعطيها هاد المرة ...
ما خلا ما جاب ليها ها دياموند ها الذهب ها لحوايج غير ليمارك... و هي معفرا عليه و منفخا عليه .. و عاااجبها لحال داك للإهتمام و لفشوش ديالو ... فاش كتمرض كتشوف الخوف عليها فعينيه ...
تنهدات كضحك و تعض على شفايفها اي أنثى كيدوبها هاد الإهتمام و هاد الحب كامل .. ولكن هي عاجبها الوضع بحال هاكدا عاجبها ما ترضاش عليه و ما عمر توريه الضو...
كتنتاقم منو بهاد الطريقة حيت شايفاه شحال متلهف عليها وشحال باغيها و لكن هي ما باغاهش او كتحسسو انها ما باغاهش...
داز شويا د الرقت و مريم تقلقات بدات كتبكي و هي تهزها و دخلات لقات خديجة كدوي مع شي وحدة من عائلتها فالخارج... طلعات لفوق لجناها بدلات لمريم و نعساتها ...
كانت علاقتها ببنتها قوية بزااااف متعلقة بيها لوحد الدرجة كتقول لا مشات ليها بناتها اتمشي فيها صافي تا هي ...
باستها بوسة خفيفة على جبتها و هي ناااعسة كانت نسخة طبق الأصل على مها مريم و فيها شويا د الشبه من طه ...
ناضت دخلات خدات دوش كدلع راسها بلي برودوي لحمها رطب كيشعل...
و خرجات لاويا عليها الفوطة بدات كدير روتين لبشرتها و تنشف شعرها و دارت ليه حتى هو الروتين ديالو و و كتتنهد بملل حياتها رجعات روتينية بدات كتحس فيها بداك الملل سيغتو فاش ما كيكونش طه فالدار ...
تفكرات زينة و جوليا و ضحكات كانو صحاباتها حباتهم غير من وقت قصير دوزاتو معاهم ...
مشات لبسات عليها و حطات حدا مريم واحد بحال لميكرو و هي هزات واحد باش فاش تنوض تبكي تسمعها ...
و هبطات تجلس لتحت مع خديجة ما تبقاش بوحديها .. حيت هي من نوع لي كيعجبو طيليفون بزاف ...
داز الوقت و جا طه من بعد سيمانة ما جاش لدار كان باين فيه لعيا بزااف الخدمة كلها هازها هو و واقف عليها بيديه و أي مشكل وقع خاصو يحلو و النعاس ماخاصش ينعس حيت لا غفل طارت عينو .. ما كيتهنا تا كتوصل السلعة لماليها ...
أنت تقرأ
ضاجعني جهرا ( النسخة الأصلية و الوحيدة )
Romanceهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
