#8
#ضَـاجـعـنِــي_جـهـراً...
الفصل الأول ...
" العين بالعين و انا المغرم التائه "
زاد قرب عندها مخلي ريقها يوحل فجوفها و اللون يتخطف من وجها .. والصمت ما نطقات بحتى كلمة.. و هو كيشوف فعويناتها لمشفرين لي كترمش بيهم بالزربة .... بعد عليها مخلي ليها مجال فين تاخد نفس و بعد و نطق: رتاحي انا جاي ...
حركات راسها بواخا و هو دار خرج و هي تحط يدها على صدرها تتنفس الصعداء: فففف و اخيرااا سلكت منها ناري كان يحساب ليا غيدفني هنا ساعا ما عاقش بيا...
داز شويا دالوقت شي نص ساعة هاكداك مشا هو عند الدكتور شافو التحاليل ديالها و عطاه لورضونونس د الدوا الجديد لي غتبدا تاخد ... خرج عطاه للكارد يجيبو ليها ...
زينة .. بقات جالسة هاكداك كتقول هادا فين مشا تعطل ... تا دخل تاني عليها .. بهدوء كيف العادة شاف فيها و نطق : غنمشيو من هنا ..
زينة شافت فيه و نطقات بتسأل: فين ..
ما جاوبهاش بعد لغطا من على رجليها و دار يدو تحت ركابيها من لتحت و يدو الثانية على ضهرها و زرب عليها هزها و هي تعلق فيه مطوقة عنقو بيديها و حادرة عنيها من عنيه حشماانة خدودها حمااارو و هو كيشوف فيها كيفاش كتتصرف و كيشوف فيديها لي على عنقو ... خرج بيها من ديك اشومبر هازها هاكداك قدام الناس و هي غاارقة فحوايجها من الحشمة كتشوف كيفاش الناس كيشوفو فيهم و يتهامسو ... قربات عند ودنو و نطقات : عافاك غير حطني نقدر متمشى على رجليا ...
الصمت ما صورات منو لا حق لا باطل : صافي هبطني قلت ليك نقدر نمشي على رجليا ...
البوص شاف فيها شوفات سكتوووها و نطق بصغة الأمر : سكتي ...
بلعات ريقها و معاه لسانها و سكتات ما عاوداتش معاه الهضرة ... وصلو لطوموبيل حطها فالقادم حداه و بدا كيقفل ليها فحزام الأمان و هي تنطق تاني بعد تردد: فين غنمشيو ...
البوص هز فيها عنيه وجهو قريب من وجها بزااف و شاف فعينيها و قرب ليها عنيه على شفايفها و نطق : تسكتي ولا غنسكتك بطريقتي ...
بلعات ريقها و بالزربة و بحركة لا ارادية قلبات وجها و غمضات عنيها خايفة لا يدير و يسكتها نيت و هو بعد عليها سد الباب و مشا لجهة لخرى .. ركب و ديمارا ... و مرة مرة يلوح ليها العين هي .. شويا لقاها نعسااات تنهد و شد الطريق تا الوصل لواحد الحي راقي .. ارقى حي فالمدينة .. جاي طال على لبحر...
وقف قدام باب واحد الفيلا كبييييير قدو قداش فالكحل .. كتحل اطوماتيكمون بالسكة.. لي كارد غير شافوه تصدمو وقفو بالزربة شي كيزطم فشي حلو ليه الباب و كيعطيوه التحية بكل إحترام و حادرين راسهم ... متعجبين كيفاش غاتا جا هو لي كثر من 5 سنين دابا ما جا لهاد الفيلا ... مخليها خاويا مقابلينها غا الخدم و حارسينها ليكارد...
أنت تقرأ
ضاجعني جهرا ( النسخة الأصلية و الوحيدة )
Roman d'amourهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
