[ 46 ]
ضَـــاجَـــعَنِي جَـــــهْراً...
الـفصل الــثاني :
" و يبقى ذنب الجميلة أن عيناها في الحزن فاثنة، لا أحد يصدق خيبتها 💔 "
عندي .. زينة و البوص ...
كان الليل مناصص... و الهدوووء فداك الجناح لكبييير ... كيتسمع غير صوت صبعانو كيتلاقاو مع لكلافيي ديال لماك بوك ديالو خدام الأمور لي موالف يغيزهم طه .. رجع شادهم هو هاد الفترة ...
كانت مجبدة ناااعسة حداه كي شي حوورية ... ضارب فيها داك الضو لخفيف المريح لي شاعل ...
ميل راسو فيها ... و حط دا لماك ... و بقا كيشوووف فيها ...
شعرها طويل سالف كيلمع مزلع على جنبها و ملامحها مرخيين بالنعاس ... نوفيها مخنوق حيت مروحة حالا شويا فمها هو كتتنفس منو ...
مد يدو حطها وجها ... كيدوزه طراف صباعو على ملامحها بحالا باغي يرسمها ... ملامحو جااامدين غير عينيه الحادين لي متبعين خطوات صبعانو ...
بعد عليها ... ناض خرج لبالكون كما و رجع تاني ... سد لماك و قرب عندها جرها عندو و نعس ... داتو عينو دغيا من لعيا...
نهار جديد... و دار روتيني ما فيهش شي جديد غير انو جوليا حلفات لا هي مشات تشوف طبيب نفسي لي متبع حالتها ... و البارون شد ليها الخاطر هاد المرة ...
و داز داك النهار و جات ليلة أخرى ... ليلة ما كانتش كيف كاع الليالي ... خدات زينة دوا ديالها د القلب و تكات فوق الناموسية و ردات عليها لحاف و داتها عينها مشااات حيت مرييضة مروحة... و ملاك معاها دايرا راسها مقابلاها ... ما باغاش تخليها راسها معاه كدير لي فجهدها باش تفارقهم...
داز الوقت و الليل تناصص ... دخل للجناح غيحيد فلافيست دخل و هي تبان ليه ملاك جالسا حدًا زينة فوق الكرسي و شادا طيليفونها لابسا بيجامة قصيرة و طالقا شعرها ...
شاف فيها بعنيه الحادين و حنحن و هي توقف قافزا بحالا ماشي هي لي كانت عليا عليه غا امتى يدخل بانش دير هاد التمثيلية كاااملا و نطقات بصوت أنوثي : سيدي ما سمعتكش فاش دخلتي ..
البوص طلعها و هبطها : اش كديري هنا ...
ملاك هزات فيه راسها كتسبل فعويناتها و نطقات : زينة .. بغيت نقول لالة زينة مريضة و ما عطاتنيش خاطري نخليها بوحدها ... احم انا نبقا معاها هاد الليلة نقابلها و نت غير رتاح اسيدي ...
البرص تخطاها مشا عند زينة و نطق ببرودة : خرجي ...
ملاك بلعات ريقها مفقوووصة من لقمعة لي عطاها و نطقات : واخا اسيدي ...
و خرجات عارفا راسها ما خاصش تزيد معاه الهضرة حيت عارفاه كيفاش داير ...
حط يدو على جبين زينة كيقلبو كيلقا حرارتها مرتافعة ... قرن حجبانو و حط شفايفو على جبهتها يتأكد واش سخانتها تستدعي تشرب دوا ... اسيدة طااايبة حرارتها مرتافعة بزاااف ...
أنت تقرأ
ضاجعني جهرا ( النسخة الأصلية و الوحيدة )
Roman d'amourهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
