- 64 -
ضَـــاجَـــعَنِي جَـــــهْراً...
الـفصـل الـثالـث :
" جِراحكِ النازِفَة انَا خَالقُها و انَا شَافِيها تَجردِي دَعينِي اُشفِيكِ... 🥀"
كان واصل لواحد الدرجة مقووووو//دة د لعصاب كان عارف راسو لا زاد شويا غيصفيها ليها ... كيجيوه بين عينيه لقطات دموية هو كيقت// ل فداك حمادة بديك الطريقة المروعة ولكن ما برداتش ليه الحرقة ديما غتبقا بين عينيه كيفاش كانت كتصيفط ليه تصاورها و هي بحوايج خفاف تصاور لي أنتييييم بزاف ...
راعا لأنها بنت مراهقة و بنادم كيغلط ولكن عمر نساها او غينساها لدرجة بلاما يحس قال ليها ديك الهضرة و هي جاوباتو بهضرة ما كثر ... عارف راسو هو الغالط الكبير فهاد لافير كاملا...
كون من الأول ما فتحش ديك الرسالة الخطية لي صيفطات ليه مريم ما عمرو كان غيحن فيها او فبنتها كان غيختار انو يتجاهلها و يكمل حياتو عادي ولكن وقع العكس و قرا ديك الرسالة و مصير جرهرة كان بين يديه ... حماها من كلشي ولكن واش حماها من راسو ؟
جات قدامو غير ديك الجليسة كيفاش مقادا و كيفاش كان هو متخيل هاد النهار و كيفاش خرج ليه ... ريب ديك شي كااااامل هرسو ما خلاش فيه ما يتجمع... واصل لقمة أعصابو... هبط لتحت دالباطو خدا باطو صغير و خرج راسو و خلاها هي تماك مع ليكارد عارف الدنيا مطوقة و ما كاين لي يآديها هاد الساعة من غيرو لا بقا معاها فنفس لبلاصة ...
غادي بسرعة شاق لبحر لأول يابسة غادي مرفووووع منضرو كيخخخخلع عينيه حمرين جمرااات و العافية كتحرق فصدرو جات بين عينيه فلحضة يصفيها ليها على ديك الهضرة لي قالت ولكن ختار طريق أخرى ما يزيدش يآديها كثر و ما يزدش يآدي راسو حتى هو ...
فاليخت... كانت باقا طايحا فين خلاها و كتبكي بحرقة و تغوت كانت منهااارة فوق لقياس داك الإنهيار لي ما نهارتوش فاش ما//تت مها و فاش تعدا عليها طه نهااارت دابا و كلشي مجموع عليها قلبها علين يطرطق كتبكي بواحد الحرقة كبيرة لدرجة بكات دوك المساعدات لي كان جايب طه يعاونوها فمريم...
نسات انو بنتها كانت كتبكي كنت غير طايحا و كتبكي عياااات بزاااف عاشت بزاف د لحوايج خايبين فسن صغيرة... ضطرات تكبر فوقت قصير و تعيش حوايج ماشي قد سنها .. حيت لي فسنها يالله تبسمو للحياة و كيقراو و يحلمو اشنو خاص يديرو فحياتهم ... ولكن هادي هي الدنيا تا شي حد ما لقها كيف بغاها ...
طاح الضلام و هي باقيا على ديك الحالة وصلات عليها وقت نعسات منها لسما و هي فديك الحالة ...
طلات عليها وحدة من المساعدات و نطقات بأسف : مسكينة باينا فيها صغيرة و هو دار ليها هاكدا ... شوفي كيفاش نعسات من بعد داك لبكا ... يخ من الرجال و ما يجي منهم ...
أنت تقرأ
ضاجعني جهرا ( النسخة الأصلية و الوحيدة )
Romanceهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
