[ 32 ]
ضَـــاجَـــعَنِي جَـــــهْراً...
الـفصل الــثاني :
" و يبقى ذنب الجميلة أن عيناها في الحزن فاثنة، لا أحد يصدق خيبتها 💔 "
داز داك النهار و جا الليل تاني ... داخل لفيلا راسو ثقيل عليه بالشراب..
شاف فالمساعدة و نطق بصلابة صوت الرجولي : فين زينة ..
المساعدة تبسمات بلباقة و نطقات بإحترام : راها لفوق فالجناح اسيدي كتوجد راسها كانت كتتسناك تجي عاد تمشي هي راه الشيفور كيتسناها برا ...
البارون عض على باطن حنكو و زاد بخطواتو ناحية الدروج و هو طالع نطق : قولي ليه ما بقات غادا فيه ....
المساعدة حركات راسها بواخا : واخا اسيدي ..
و زاد هو طلع لفوق وهي بقات متبعاه بعينيها كتتفكر مدى الحماس لي و الفرحة لي كانت فعينين زينة و هي كتجمع فحوايجها و تشري فالكادوات لمها و لباها و لخوتها باش تعيد معاهم ... تنهدات بحزن على هاد زينة لي زهرها طيحها مع واحد بحال لبوص .. و تفكرات كيفاش كانت نهاية لي قبلها ...
الفوق ... كانت كتقاد فالباليرات و متحمسة لابسا كسيوة صيفية خفيفة و مستورة و لابسا طالون كلاس و شيك فنفس الوقت .. و جامعا شعرها ضفيرة طوييلة و مخرجا شي زغيلات للقدام .. و مطراسيا شفايفها و بارزااهم بعكر حمر.. و دايرا غير ماسكارا وافعة ركوشها الطوال و ماشطا حجبانها اما بشرتها صااافية كتلمع بلا حتى شي حاجة غير بمرطب ...
غير بان ليها داخل مع الباب دالجناح و كيناضرها بزرقة عيونو الهادية تبسمات تا برزو دوك جوج سنينات لقداميين درنيبة عندها و نطقات : جيتي .. علا سلامتك ...
البارون ما حدو كيقرب عندها و يشوفها فكااامل اناقتها و بداك الستيل الهادي لي كيسطيه عليها و هي كضهر ابتسامة على شفايفو مزينة ملامحو الرجولية ... عنيه معسلين باين فيهم السكرة... قرب منها كثررر و جرها عندو من يدها و شدها من خصرها علاها من الأرض و نطق بنبرة ثملة و عنيونو كتحوم حولين شفايفها : فين غادا رنيبة ...
زينة حطات يديها على كثفو و نطقات : راه العيد بقات ليه غير يومين .. خاص نمشي لدارنا نعيد معاهم .. ياك قلتي غتخليني ...
البوص حطها بالشويا و عنيه فعويناتها لي كيلمعو و نطق : لا .. ما بقا مشيان..
زينة ابتسماتها بدات كتتلاشا و حجبانها تقوسو : حرام عليك ... نت واعـ...
قاطعها فاش حط صبعو الشاهد على شفايفها مسكتها ونطق : شششش ...
بعد يدو على فمها و هاد المرة هبط خشا راسو وسط عنقها كيستنشق ريحة لحمها لي كانت ادمااانو ... و هي نطقات بصوت رقيق باينا ليه تنغنيغة د البكية : حرام عليك ...
أنت تقرأ
ضاجعني جهرا ( النسخة الأصلية و الوحيدة )
Romanceهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
