ضاجعني جهرا ( النسخة الأصلية و الوحيدة )

الجزء الثالث و السبعون 🔥

                                     - 73 -

       ضَـــاجَـــعَنِي جَـــــهْراً...

الـفصـل الـثالـث :
" جِراحكِ النازِفَة انَا خَالقُها و انَا شَافِيها  تَجردِي دَعينِي اُشفِيكِ... 🥀"

فلحضة ابتسامتها تبخرات  و تصمرات فبلاصتها واقفا كتشوف وراه مبااااشرة عينيها فعينين الشخص لي وراه هو هاز لفردي مبااشرة ورا طه .. ما لحقاتش تنطق او تنبهو.. كان سبقها و تيرا...  تا تسمع صوت رصاصة مدوية فالأرجاء و معاه صدخة الم من جوهرة خارجا من لأعماق: طـــــــــــه...

صرخات و هي كتشو فطه كيتأوه بالجهد نتيجة الرصاصة  لي حتارقات ضهرو  خلات جسمو كولو يتهز من بلاصتو ... طرافها بردو عليها حسات بحالا روحها كتخرج من كنازتها...

فلحضة طه طاح على ركابيه منهار ما قادرش يوقف على رس ألم رهيب فصدرو كامل .. شاف فيها كيبلع فريقو مقبح ملامحو من شدة لألم لي حاس بيه .. وجهو تعصرر..

جوهرة هبطات لعندو حتى هي على ركابيها قلبها غيسكت ..كتبكي بحرقة ما داتهاش تا فهاداك لي تيرا فطه و هرب ... 

حاوطات وجهو بين يديداتها لي كيترعدو و هو باقي متماسك و واقف على ركابيه محارب مع السخفة لي بدات كيتشدو من شدة النزيف لي كينزف من ضهرو ..
كدوي معاه و تبكي عقلها علين يخرج : طه طه .. شوف فيا انا معاااك انااا معاك ..

طه هز عينيه فيها حمريييين و زييير على فكو متألم و نطق بإسمها بصوت باح و مجيف : جوهرة  ..

فلحضة صافي ما بقاش قادر يزيد يتماسك كثر .. طاح  عليها رامي ثقلو كولو عليها و مغيب بين يديها ...
جوهرة زااادت غوتات بالجهد كتبكي بحرقة غتسطا معنقاه و كتزعزع فيه بداك الشويا د الجهد اي بقا ليها و هو مغيب و طالق يديه :طه لااا لااا لااا طه حل عينيك علهم حااااااااال ...

منضرها و هي معنقاه و قفطانها لبيض تطخ بد مو المغذور كان كيقطع فالقلب .. كانت واقفا مبلونطيا  بعيدة عليهم غير شويا النفس كطلع و تهبط فيها بزز حضرات على الفيلم كاااامل من لأول تا للأخير .. و كانت الصدمة ديالها قوية بزااااف ... لدرجة خلاتها تتصنم فبلاصتها ...

صوت غوات جوهرة و هي كتطلب المساااعدة و هي معنقااا طه بداك الشكل..  وصل للخدم و تريتور لي كانو قراب من ديك لبلاصة ... و سرعانها لخبار داعت و كانت اول الواصلين عليهم هو البارون و البوص... تا هوما خداو حقهم من الصدمة و هوما كيشوفوه بين يديها فديك الحالة  و هي كتغوت ربي لي خلقها و تبكي غتحمااااق...

قرب البارون بالزربة و هي نزيد توضاح الصورة قدامو فاش شاف كمية الد م لي نازلا من ضهر طه ...
شافت فيه جوهرة كتترجاه: عافاك دير شي حاجة دييير شي حاجة عتقووووووه عتقوووووه الله يخليكم عتقووووه ...