جيتك من أقصاي .. وأنا صدري شمالي

البارت الأول

البارت الأول:
.
.
.
العصـِر ٣:٤٠م
في غرفته يتجهز لمحاضرته المسائيه وسمع دق قوي للباب استغفر وراح يفتح ولسه الشخص يدق مسك يده والحمار باقي ما استوعب ان الباب انفتح
سند:رعععد وجعاااه يالرعد وشبلااك هااه؟
رعد:اوهه فتحتت تكفى سند
سند بطفش :وش بغيت
رعد:الصدق يعني ابي سيارتك ابوي سحب سيارتي ومتواعد مع العيال نروح الكوفي
سند رفع حاجبه وناظره:وليه ابوي سحب سيارتك
رعد حك حاجبه وضحك: والله يعني...طلعت درجتي وفالحضييض يااخوك
سند:كم يعني؟ ٧٥ ولا٧٠..
رعد:لااا وييين مب لذي الدرجة - بعجلة - ٦٨ تكفى يااخوي ابي السيارة والله ما اتأخر
فتح سند عيونه بصدمة: ٦٨ يالظاالم شكلكك تبي تدخل عسكرية صحح ؟؟-بعصبيه-
قطع كلامهم صعود شدن وهي تتحلطم توها جايه من بيتهم وطالعه لشهد:الله يقلعكك ياشهد كلهه ذااا النوووم لكنن الشرهه مب عليك
سند:خذلك الحين ..الوااحدد يسلم يا شدن
التفتت:سند تبغاني اكمل عليك ولا وش وترى وقسم بالله مب ناقصتكك -فتحت باب غرفة شهد ودخلت وهي توها طالعه من الحمام"اعزكم الله" - :بششري كيف الدشش؟
شهد ضحكت بورطه:والله شدوني راحت علي نومة من امس حتى اهلي ما جلست معهم
تكتفت شدن :بتهديني الحين بسرعه تجهزي وخليني اوديك عندك محاضره واحمدي ربك مدتها نص ساعه وباقي لها ساعه وشيء بسرعه بنزل عند خالتي وخليك تتأخرين.
.
.
نرجع للعيال سند اخذ رعد وراح يوصله عند اخوياه على طريقه سند:رعد ياحبيبي لازم تشد حيلك وانا ما طلعتك لاني عارف ان شاء الله بيرتفع معدلك وتبشرني وانت كانت درجاتك عاليه وش فيك خفيت على اخر سنه في شيء صاير وماقلت لي؟
رعد زفر بهدوء:لا ماعليك بشد حيلي ومو صاير شيء حبيت اخذ بريك بس
سند نزل نظارته :متأكد؟؟
رعد :ماعليك لا تشيل هم -باس رأسه-الله لا يخليني منك يلا تآمر على شيء
سند ضرب كتفه بخفه:لا انبسط بس وباخذك بعد ما اخلص
رجع نظارته بعد ما نزل رعد واتجه للجامعة،

<نرجع لبيت صالح>
نزلت بعجله من الدرج:شددددن اتكنسلت المحاضره وصار عندي يومييين اووف
شدن:بالله؟ يختي انتي حظكك فل الفل سلفيني شوي برييكات
شهد:نطلع كوفي شرايك؟
شدن:والله عندي ميد والحين بقوم اذاكر اذا خلصت دقيت عليك تجين تمام؟
شهد:اوكيي- وراحت تنسدح في حضن امها-قمرااي تدرين انك وحشتينيي ولا؟
قمراء ضربت جبهتها بخفيف:واللي يشتاق لأمه يغيب عنها يوم؟

شهد:والله يماما رجعت من الجامعه دايخه نووم ونمتت يوم اني صحيت الفجر شفت فلم وانا بمكاني بعد ما صليت ونمت الين الحين صحيت
قمراء:وكيف الجامعه عسى مو قاصر عليك شيء؟
شهد:لا يمحبوبتي مو قاصرني شيء بس لو يبعدون هذا الإيهاب انا اكون اسعدد طالبه يماما تخيلي-عدّلت جلستها- يستقعد ليي استقعااد ماقد شفت مثله وهو اللي منقص معدلي عن الخمسه وانا شاده حيلي -ضحكت- الا شوي يعني
قمراء:قد استقعد لـ مؤيد قبلتس لكن شوفيه الحين ماشاء الله متوظف واموره فالسليم لكنتس دلوعه
شهد:يماماا انا دلووعه جرحتيني ماهقيتها منكك ياقمرااي
قمراء:ودراما بعد خليني اقوم اشوف المطبخ واسمعي بقيت لك من الغداء اغرفي لك وكلي -اغرفي لك يعني حطي لك وكذا😭-
شهد تقلب بجوالها: تمام تمام .. -جاها اتصال -يامرحبااا صدق يا نجديي
نجد:هلابك يروحي كيفك انتي؟
شهد:بخير والله وانتي ؟
نجد:دوبني صرت بخيييير..اسمعي عندي لك مفاجئة بعد ساعتين كدا بتصل عليكي تخرجي تمام.!
شهد:اففف ليه تتصلين الحين وتعلمين كان دقيتي بعد الساعتين ذولي
ضحكت نجد:تعرفي ما يقعد الهرج في بطني وبعدين لازم أديكي خبر حتى ما تخرجي مكان يلا حبي سيو
سكّرت منها وقامت على دخولية صالح للبيت نطت في حضنه:هلاا باللي له الخافق يهلي يصويلح قلببيي
ابتسم بوسع ثغر وحاوطها يبوس راسها:هلاا ابووي انتي هلاا يعناقيد البنات-طق اصبعه في جبهتها -بعدين انا صويلح هاا؟واحد من اخويااتس انا