جيتك من أقصاي .. وأنا صدري شمالي

البَارت الثالِث والأربعين

.

.

.
<اليوم التالي>

راح صالح وقمراء للمستشفى معهم غزيل ولين وماجد وابراهيم بسس والباقي جلسوا بالبيت لأجل ينظفون ويرتبونه مساعدة لـ قمراء

دخل صالح وهو يشوف بنته مركبين لها جهاز تنفس والشاش ملفوف على راسها وسند جالس يأكلها

شهد بتعب:افف يا سندد خلااص ما ابغى والله
سند :شهد مب على كيفتس شوفي كيف نحفتي اشربي الشوربه لا اصفقتس
حس بصفقه في راسه: حرام ان مديت يدك لا اندمك تفهم ياولد ابووك
سند انخرش :امي غزيل وش جابتس؟؟
غزيل وسّعت عيونها: ياخزياااه تطردنيي
سند :بالغلطط والله بالغلطط
شهد ضحكت بخفه لفّت على امها وابوها

تقدّم وضمها بقووهه واجهش بالبكااء وهذي ممكن اول مره يبكي فيها قدام عياله بذا الشكل :

ظنـيت اني اصبحـَت يتيم الأم الين ربي رزقنِي بتس
تكفيين يا بنت ابوتس واخت اخوانتس لا تخليني
بلا أم مرتين..

محد توقع الكلام اللي بيقوله سند مسح علطول دموعه اللي مو راضيه توقف ماجد وابراهيم ما تحمّلوا وطلعوا علطول ومعهم لين

صالح:فقدتس يا يبه والله فقدتس
شهد شدّت علييه:حتى انا والله العظيم
قمراء تقدمت وباست راسها :وشلونتس يمه ذالحين وش تحسين به
شهد:الحمدالله يمه بخير بس تكفين ابي اعوّد للبيت مليت من هنا
صالح:وش قال لك الدكتور يا سند
سند:قال لازم تجلس لبكرة على الاقل صبح اليوم تطلع التحاليل
غزيل:خليتس يا بنيّتي الين باتسر مب صايبتس شيء
شهد:بس يمه غزيل طفشت
غزيل بمزح:عندتس ذا المهرج مانيب دافعةٍ فلوس على قل سنع
سند وسّع عيونه: يممه ورااتس عليي
غزيل :روح عند خوالك بس

<في البيت>
شدن :الحمدالله صحت
نجد:متى بتطلع؟
شدن:بكره ان شاء الله
الرّيم:والله مشتهية قهووة
نجد بغرابة:تدرون وش مشتهيه؟
العنود ضحكت : سند؟
نجد ضربتها:لا يحماره
شدن:وش طيب؟
نجد :اشتهيت توت ازرق والله
وفاء:سند بيرجع البيت خليه يجيب لك

نجد قامت بتتصل عليه:الو
سند بشوق:هلا حبي
نجد:وينك؟
سند:جاي حياتي تبين شيء؟
نجد:فيك حيل تجيب لي توت ازرق؟
سند ضحك:لازم توت ازرق؟
نجد:ايوا
سند:شوفي بمر محل ان مالقيت خليها وقت ثاني
لاني مهللوووك
نجد:اوكي

-

هيلة:يالرّيم روحي كلمي ابوتس
الرّيم:طيب-قامت للحوش جاهلة باللي واقف بالمغاسل-
مقرن:هلا هلا بزينة البنات
الرّيم باست راسه:وهلاا بشييخهمم
مقرن:وشلونتس يبه
الرّيم:الحمدالله كويسه آمرني وش بغيت
مقرن:يبه ادويتي حق اليوم ناسيها واذكر انتس تشلّين احتياط شلّيتي شيء؟
الرّيم:ايه شلت بشنطتي بأروح اجيبها انت ارتاح وبأخلي حمود يعطيك تمام
مقرن:خلاص يبه متى بس يجي اليوم اللي اشوفتس عروسه
الرّيم ضحكت:دابلتٍ على تسبدك الين الله يفرجها
مقرن:يطول لسانتس-ضحك وراح-