جيتك من أقصاي .. وأنا صدري شمالي

البارت السـَابع والعشرون

البارت السابع والعشرون
.

.

.
<اللهم استرنا وارحمنا>

طبعًا صقر يوم كان يكلم ذيب طول الوقت وهو مرتااح وكثيير جالس ياخذ السلبية من عنده يسولف ويضحك معاه وينسيه واقعه شوي

صقر ضحك بهستيريه نوم:ذييب
ذيب ابتسم بخفة:سـَم
صقر:سم الله عدوك
ذيب:صقرر استخفييت
صقر: لا بس خلاص نسيت وش كان بأقول
ذيب:ايه احسن
صقر:كم باقي لك؟
ذيب: حوالي ٧٠٠ كذا الحين الساعه٤ الفجر يعني يمكن الظهر بعده قدني واصل
صقر:يلا دَرب السلامة نايف باقي نايم؟
ذيب ناظر نايف:اييه كييس نووم ذا ماخذه يعاوني وطول وقته راقد
صقر بخبث:عندي فكرة
ذيب:اعرفها ذي النبرة ياما لقم منها عيسى"واحد كان معهم في الجنوب"
صقر:اسمع اسمع شغـّل له موضي و ارفع للصوت وحط الجوال عند اذنه

سوا ذيب نفس ما طلب صقر واول ما اشتغلت الاغنية صـَرخ صقر:نااااااااييييف

فـَز نايف بخرشة وهو مو مستوعب شييء ابدًاا بعد يمكن خمس دقايق وصقر وذيب ميتين ضحك
صقر وهو يالله ياخذ نفس:ناايف باقي ما استوعبت

نايف بعصبية سحب جوال ذيب ورماه من الدريشه:هياا افللح يا حماار
ذيب وسـّع عيونه بصدمة وقّف:وش سوييت يا مهبول؟
نايف بعدم مبالاة:تستاهل هيا امش

وقف ذيب ورجع لورا ونزل يدور للجوال بعد ربع ساعه لقاه وركب السيارة :والله يا نايف ان عاد تعيدها ما يحصل لك طيب
نايف:سوق وانت ساكت وصقر انا اعرف كيف اربيه

حـَرك ذيب وارسل رسالة ان سماعة الجوال خربت

<عند صقر>

صقر:ذيب وينك فيه؟
ذيب:لا رد

بعد ما قرا رسالته دخل عبدالرحمن وهو منبطح ويهوجس
عبدالرحمن وسّع عيونه بصدمة:من ذاك الوقت تهوجس؟
صقر ناظره:توني مسكر من ذيب
عبدالرحمن :اشوا
صقر:ليه تأخرت؟
عبدالرحمن جلس عنده بحماس:والله صاارت سالفهه هي تخوف شوي
صقر:وش؟

عبدالرحمن:مب انا رحت مع رعد؟
صقر :ايه؟
عبدالرحمن:لقينا البنات اخت الرعد واهلهم

<نرجع لذاك الوقت>

يتمشون في الواجهة
شهد بتعب:يبنتت اعجلي ياخي تعبت وانا امشي
نجد:يبنات ابغى فُستان لبكرة وماحصلت على ذوقي
لين:والله لو انتس عروس ياخي اعجلي علينا
شدن وهي تطقطق بجوالها:بنات في وحده من صديقاتي هـِنا باسلم عليها تجون معي؟
شهد:انا بأجلس في ذا الكوفي وبأطلب قهوة لاخلصتو تعالو لي
لين:انا مع بنت اختي نجد اعجلي وشدن انتبهي لنفسك

شدن:تمام -مـَشت لعند صديقتها بالجهة المقابلة-
حيوو نوف
نوف بغنج:اهلا حياتي كيفك
شدن :والله تمام انتي كيفك
نوف:الحمدالله كويسه
شدن:امشي من هِنا المكان يقولون مو اوكيه
نوف مسكت في يدها:مشينا
شدن تمشي معها: مع مين جايه؟
نوف:اممم مع اخويا
شدن باستغراب:اييه ويينك مختفيه عن الجامعة
نوف:والله يابنت مالي خلق وكذا
شدن : والله تعب لكن يلا هانت