جيتك من أقصاي .. وأنا صدري شمالي

البـَارت السّابع والخمسـُون

.

.

.
<ياارب كل ما نتمنى>

<يوم الجُمعه الظهر >

الممرض:خالتي لازم تطلعين انتي وبنتك حامل فـ ما ينفع تبقى
وفاء لفّت على نجد: نجد يبنتي ارجعي البيت الممرض صادق
نجد بدموع:طيب بأسلم عليه قبل اروح؟
المُمرض اللي ناظر سند وآشر له طيب: خلاص امشي بس لا تتأخرين

دخلت نجد وشافت تدهور حاله اليومي حبّت راسه ومسكت كفـَه بكفوفها ونطقت:مؤيد ارجوك اذا كُنت تسمعني حرّك أي شيء ترى والله وحشتني لاتروح عن الدنيا وانت ما شفت طفلي يكفي انهم بيكونون بدون جد ابو امهم ويكونون بدون خال وخصوصًا انت -ناظرته وشافت دمعه تسيل من عينه بس وجهه جامد مسّحت دمعته وباست راسه-حتوحشنيي كثيير

طلعت نجد ومسكت في كتف سند:خلينا نرجع
قمراء:ارجعوا وحن بنبقى مع وفاء
سند:يلا اجل

وهم راجعين بالسيّاره
سند:حبيبي يا نجد تبين نرجع بيتنا ولا بيت ابوي؟
نجد بتعب:ابغى عند البنات
سند:ابشري طيب تبيني اشتري لتس شيء؟ النونو خاطره بشيء؟
نجد نـَفت:والله يا سند ماودي ولا بـ حاجه
سند وهو يلطف الجو:حتى انا ما تبيني يا ام عيالي؟
نجد ناظرته ومسكت يده:والله اللي مصبّرني لحد دحين وجودك معي
سند باس يدها:وتأكدي اني دايم مععتس

<وصلوا للبيت>

كانوا العيال متجمّعين في المجلس دخلت نجد للبيت وسند للمجلس
سند:السلام عليكم
صقر:وعليكم السلام
مطلق:ارحب ياقِبلتي
سند ابتسم:البقى يا مطلق-ناظر عبدالرحمن اللي مكّتم لف على صقر-اخوك وش فيه
صقر ناظره وضحك:تهاوش مع المَدام البارح
سند:والله؟
صقر:والله بس خلّه يستاهل عرفت له
سند :بنت عمي عبدالله عن مية رجال
مطلق ضحك:انشهد انك صادق
سند قام:دحمي قوم ابي احاكيك

قام سند ولحقه عبدالرحمن:سم يا سند وش بغيت؟
سند:متهاوش مع شدن؟
عبدالرحمن:هي ولا صقر معلمينك؟
سند ضحك:معليك من اللي علّمني واعرف اني مالي دخل بس اهدا وفكّر بالموضوع كلّه بهدووء وارجع شوف تصرفاتكم وتكلّموا مره ثانيه-حط يده على كتفه- عبدالرحمن الايام ذي مره صعبه ولازم توقفون مع بعض وتأكد ان ذي الفتره هي اللي بتحدد معدنكم لبعض
عبدالرحمن ابتسم: مشكور يا سند وتأكد ان كلامك كله عنـَى لي كثيير
سند :حق يا عبدالرحمن ولا تزّعل شدن منك تراها زعوولهه
عبدالرحمن ضحك:والله اني داري وتفجّر فيك في اول ثانيه
شدن وهي ماشيه سمعته وناظرت فيه: احسن وتأكد انك بتحصل زود
عبدالرحمن لف بصدمة وضحك:سمعتي
سند ناظرها تطنشه:شدن.!!
شدن لفّت :خير؟
سند:رجلتس يحاكيتس ماهيب من سلومنا تطنشينه
شدن: يستااهل في ذمّتي لا عـَرف خطاه ولا عنده تبرير يصدقه العاقل يجي يتكلم وبأسمعه برحابه صدر واررجووك يا سند-دخلت-
عبدالرحمن بصدمة:يعني كلامي مايصدقه العاقل؟؟
سند ضحك:ياخي انتم بزران والله