.
.
.
<لاحول ولا قوة الا بالله>
وصلوا للمحطة، ونزلوا الشيبان للبقالة
قمراء:يمه شهد انزلي انتي ونجد وشدن وروحوا لـ خالتس موضي
شهد:وش تبي؟
قمراء:عشان العيال بيجون هـِنا
شهد:ماما استحي منها طيب
قمراء:اقول خلي عنتس الدلع وانزلي
تقدم صقر وعبدالرحمن لـسيارة صالح ودق دريشة سند
صقر ضحك:سنيـّد امي طردتنا
سند ضحك: اكييد سويتوا فيه بلاء
عبدالرحمن:سلطان بدا بها وحنا اكلناها
صقر:رعد وينه؟؟
قمراء قالت بصوتها الحنون:نايم ورا تعالو يمه اركبوا
شهد وسعت عيونها:ترى باقي ما نزلت
قمراء:انزلي طيب
شهد بتحلطم:خالتي موضي تطرد عيالها وقمرتي تطردني،حاسدينا حاسدينا
نزلت من السيارة والبنات لحقوها من سياراتهم وركبوا عند موضي
موضي:هلا هلا ببنياتي
شدن:هلابك خالتي
نجد:عاد تصدقوا طفشت من عـِند مؤيد قُلت له في المحطه حـ انزل عند شدن وشهد تلحقنا الا شهد تقول بنروح عند خاله موضي وانبسطت
موضي بحب:يعمري انتي والله
سلطان وهو عينه قدام:يبنات تبون شيء معين من البقالة
شدن:مشكور
نجد:لا مؤيد حيجيب لي
شهد:حتى انا قلت لبابا
رجعوا الشيبان ومؤيد جاب اغراض البنات
مؤيد:سلطان افتح الشباك
سلطان:امي ورا
مؤيد خزّه :احللف كيف حالك خالتي
موضي:الحمدلله يولدي سلطان هااو افتح
فتح الشباك وتقدم مؤيد: هذولي لشدن وهذولي لنجدي وحليب الشوكلاته ؟؟
شهد:بدينا طقطقه يا مؤيد عطني اياه
مؤيد ضحك: طيب لك حليب شوكلاته وَ ايش كمان
شهد:طلبت بابا عصير فراولة وشيتوس
شدن:الله يقلب معدتك هذا كله بتشربينه الحين؟
شهد ناظرتها بطرف عين:مالتس دخل
مؤيد:خودي الأغراض وبالعافيه حياتي
شهد:الله يعافيك
ركب سالم السيارة والتفت:حياالله بنيياتي، وين نجد؟
نجد رفعت يدها:هدي انا يا عمي بس ايش رايك
فهم قصدها:تهبلين اسم الله عليتس زين ما سويتي
سلطان:بقى شيء ؟؟
موضي: لا يمه
بدوا البنات يسولفون مع موضي وشهد كانت جالسه عالشباك وهي من النوع اللي تسرح اذا السياره سلرت هدوء وتنام بعد مـُدة ما تقارب ساعه ونصف دخلوا الرياض والبنات نايمين على كتوف بعض يوم وصلوا البيت
موضي:يمه شدون يلا حبيبتي وصلنا
شدن بنعاس:ابشر خالتي
نجد:افف دحيين يجي احلا نومة على سرير شهود
شدن:انا بأروح بيتنا واذا صحيت جيت
نزلوا كلهم وكلٍ دخل بيته وعلطول خمدوا طريق سفر رغم انه مب طوويلل مرره لكن اسم انه هلاك السفر و إرهاقه
<مجلس صالح>
عبدالرحمن:صقيـّر وين رايح؟
صقر:بأمشي شوي برا فيني أرق
عبدالرحمن: تكفى اذ قدك جاي جيب شاحني من السيارة واشحن جوالي
صقر طلع: على خير
أنت تقرأ
جيتك من أقصاي .. وأنا صدري شمالي
General Fictionروايتــِي الأولىٰ ~مُكتملـَة~ كاتبة مبتدئة وييارب تنال اعجابكم وتستمتعون وانتو تقروها.وحفزووني تكفون🤍🤍 "وخيـرَالكلام مَا قَلّ ودَل" الگاتبـَة:نجد آل جسّار ✍🏻🇸🇦
