جيتك من أقصاي .. وأنا صدري شمالي

البارت السـّادس والأربعون

البارت السادس والأربعون

.

.

.
< بسم الله الرحمن الرحيم >

شدن بحماس: اففف يبناات اجمل مكااان في بيت عمي صالح كذا السقف skylight
ملك: وشهو ذا؟؟
لين ضحكت:: نفس ردت فعلي
نجد: هذي يحبيبتي السقف يكون شفاف وتشوفين السماء ويكون حلو لو كان فيه غيوم ومطر
ملك ضحكت: اييه قولوا كذا من اول اجل يلا نروح

قاموا كلهم للمجلس الخلفي واخذتهم السواليف من ضحك وسواليف

وبعدها نادتهم قمراء عشان يحضّرون الغداء وبالفعل كان المطبخ مليء بالبنات والحريم يساعدون في تقديم الغدا

ملك: لا يادبشه مب كذذااا
شدن ضحكت: خييير كيف طيب
ملك: واه كبديي اسمعي هذي الحيسيه كذا يقولون بها- وكانت تهرسها بالطريقة الجنوبيه-
شدن: اجل اسمعي انتي كمليها بروح لثلاجات بطلع الغازيات
ملك بسخرية:يكون احسن

راحت لقسم الثلاجات تطلع الغازيات بكيسة كبيره وتتحلطم: وش يعرفني في ذا وانا عمري كلها صينيات وباستا وذي العلوم وتجي تقول ذي حيسيه وش ذا الاسـ..ـم- سكتت بصدمه من شافته متكّي على الفريزر الارضي ومبتسم بعذوبه -

عبدالرحمن: اشغلوتس
شدن بلعت ريقها ونطقت بحياء: صـِد
عبدالرحمن ضحك : والله اني احاول بس ماش وجهي عنيد الله يسلمه وش ذا الزين يبنت عبدالله تبين تجيبين أجَلي
شدن: عبدالرحمنن
عبدالرحمن : عيونه واهله
شدن: شلونك!
عبدالرحمن: والله كنت معصب من ثواني بس الحين كوييسس وفوقق السسححب
شدن ضحكت بسخرية:وليه معصب ان شاءالله؟
عبدالرحمن:لان العيال ابلشوني مثل ما ابلشوتس دحيم جب دحيم شل مع رعد

شدن بحزن: يعمري عليكمم حتى رعـّود مسكين توه جاي يشكي من سند
عبدالرحمن احتدت نظرته ونبرته: وش وداتس عند الرعد؟
شدن وهي فهمت نبرته وابتسمت بالخفاء: عادي رعـّودي اخوي الصغير
عبدالرحمن: يبنتت شتقولين انتيي رعد قده رجـّال تكفيين يا بنيّة الظبي لا تقابلينه وتحرقين قلبي
شدن توسّعت عيونها من شافته يعبر لها بالصرييح: تراه حلاال يبن سالم حلال لا تخاف ما نرضى بالحرام

نادتها ملك:شدوون وينش تأخرتي انفداش-بعلو صوت-

شدن ناظرت لـعبدالرحمن اللي منتظر تكمّل احجيتها الناقصه: باروح اكمّل شغلي اشغلتني الله يسلمك
عبدالرحمن بسخرية: روحي روحي تحسبيني بأخليتس في حالتس لا بالله
مدّت له علبه البيبسي الباردة: رضاوة اشربها عالغداء وترا انا مسويه صينية الشاورما- دخلت-

ثبت للحظات بمكانه وطلع للرجال

ملك ناظرت في شدن المرتبكة:انتي وشفيش كذا؟
شدن ناظرتها وتمثل الهدوء: مافيني شيء يلا مشينا
ملك: اصلًا يحترونا جبتي الغازيات؟
شدن صفقت براسها وضحكت:جبتها بس نسيت الكيسه عند الثلاجة
ملك ناظرته وبابتسامة : الله يخلف عليش يا بنت شيخة