جيتك من أقصاي .. وأنا صدري شمالي

البـَارت الثـَامن عشـَر

.

.

.
<لا إله الا الله>

نجد:شهد بأقولك حاجه
شهد ناظرت فيها:هلا
نجد بغصة:تخيلي مؤيد يوم طلبني اناديكي وسألته ليه صرخ فيني
شهد ابتسمت:عادي حبيبتي
نجد: لا لا مو عادي هو ما صرخ علي ولا مره ليه دحين وبدون سبب
شهد : يمكن كان مضغوط يمكن بعدين بيجي يعتذر منك
نجد: اتمنى ولا والله لا أزعل منه

دخلت شدن ولقتهم جالسين:أيا الخونه جالسين هنا ومخليني لحالي؟؟
شهد:ليه وينهم ماما وخالاتي؟
شدن: راحت خالة موضي عشان يجيبون البندري ومعها خالتي قمرا وماما وخاله وفاء فالبيت يجهزون
نجد:نروح نساعدهم
شدن رمت نفسها على السرير:لاا ماله داعي كل شيء جاهز
نجد:يبنات دحين صقر ما يدرسك في الجامعه
شهد:الا
نجد:طيب كيف راح مهمة في الجنوب؟
شهد:لأنه اساسًا عسكري في القوات الجوية وهذي كوظيفه احتياطيه
نجد:ماشاءلله احسه كذا جنتلل
شدن:ايووا مرره ملامحه غير عن اخوانه
نجد:آسمراني وعيونهه -جلست فجأة وناظرت لشهد-ايوواا يشبه لعيونك
شدن:اييه لكن شهد اسم الله عليها افتحح
شهد بتوتر:طيب ذالحين وش علينا منه ،وانتيي اخوي عندتس لا تحتكين في غيره
نجد بحب:اخخ بسس وانا كيف قلبي يسمح لي واحتك في غيره يبنات اللي عندي ملاااك ملاااك
شدن:صراحه انتي فزتي في سند ماشاء الله طيبب وحنونن
شهد:احسدها الصدق اما حظ ليين فإنه جببااار

شدن:صدق مطلق سمااره رهيب كأنه مسوي تاان
نجد:خلونا ندق عليها
شهد :ثواني

<في الديرة>
غزيل :يمه ليين جوالتس يدق
لين بالمطبخ :يمه ردي انتي

شالت الجوال ونطقت بنرفزه:انا ماعرف لـ هالأجهزة .. آلوو
مطلق باستغراب:جوال لين؟
غزيل بحدة:ايييه جوال اللين وش عندك يالسربوت تتصل على بنياتنا

طلعت لين بسرعه وهي خافت يكون فعلًا ولد :يمه من
غزيل مدت الجوال:شليه وتفاهمي مع ذا السربوت وعلمي عليه رجلتس
لين حطت الجوال : الو؟؟
مطلق بعجلة:لا يمه اناا انا مطلق خطيب بنتس
لين بفشلة:مطلق؟
مطلق ابتسم براحة: يعيونه
لين ناظرت لامها:يمماااه هذا مطلق الله يهدااتس جبتي فيني العييد
غزيل خزتها: يا تسذوب العيد بعده ما جاء
لين بقلة حيلة: الله يسامحتس هذا مطلق
غزيل باستيعاب:ايييه هاتي اسلم عليه
مطلق ضحك بصوت عالي:عطيني عطيني انفدااها
لين:خذها فشلتوني اثنينكم

غزيل:روحي تغدي بس -خذت الجوال-هلا يمه مطلق شلونك
مطلق بحب:هلابتس الحمدالله انتي شلونتس
غزيل:الحمدالله يوليدي معليش بس ماعرفت صوتك من البداية
مطلق:افاا ياميمتي معلييتس والله ما زعلت بالعكس هذا من حرصتس على بنتس
غزيل:الا يمه بأقولك شيء
مطلق:سمـّي
غزيل بصوت اشبه بالهمس:يمه لين تغذيتها مااش ما تاكل الدبشة ودي تكلمها مير تسمع منك
مطلق:على ذا الخشم ابشري بأكلمها كم عندنا غززيل وحددده..
غزيل ضحكت ضحكة الحياء:الله يكثر من امثالك
مطلق:وياتس عطيني اللين لو سمحتي