جيتك من أقصاي .. وأنا صدري شمالي

البـَارت الثامن والعشـرون

.

.

.
<وفقناا يالله>

رجعوا البنات وهم في الطريق
شهد:بنات شدن دخلت قرت رسالتي وطلعت
لين:احسها مو طبيعيه
نجد:لايارب كويسه شوفوها -اشرت انها طالعه مع ابوها-افف عمو عبدالله واضح معصّب

نزلوا البنات
شهد:شدون وش فيتس؟
شدن وهي تحاول تمسك بكاها: ارجع واعلمكم
عبدالله بحدة:تعلمينهم عن سوادة الوجهه انقلعيي قداامي

مشت وركب السيارة والبنات مصدوميين كيف صرخ عليها وهذي مو من عادته يوم دخلو البيت

سند بقلق:تعرفين وش فيها؟
شهد : لا والله خبري فيها امس
سند سحبها:يفوتس سمعنا فجأة عمي عبدالله يصرخ ويكسـّر اشياء
شهد:يعمري عليها
سند: لازم نوقف معاها
شهد :اكيد

دخلوا البنات للبيت وقابلوا خوات مطلق ورحبّوا فيهم
نجد بحماس:الله مبسوطة يبنات انكم حـ تحضروا ملكتي
لين: انتي بديتي بمشروع الزواج
نجد:ايوا خليني كدا الاولى
شهد بابتسامة: والله مرة مبسوطه انك بتجين الرياض
لين بسخرية:هذا هي كل اسبوع عندتس ماتقولين وحشتيني الا وهي بوجهتس
الرّيم :لييه؟
نجد ضحكت:لان الغي اغلب قضايا اللي تجيني لما تكون بالمدينه واخليها بالرياض عشان اجي عند ست الملاح
العنود صفقت:لبى الخوي ما يخلي خويـه
شهد:ريمو جوالتس

الرّيم شالت الجوال ورمته بقرف:افف ياربي
لين بقلق: وش فيتس
الرّيم:ياخي قومي لرجلتس اشغلننييي
لبن ضحكت بفشلة:يوه دق علَي ما رديت
العنود:قومي تكفين وارحمينا
شهد:يعزتي له مطيليق ماخذله وحده بارده
لين تخزّها:اقول اذلفي عنـّي عاد الله يعين اللي ياخذتس

قامت تعدل شكلها وهو دخل دون علمها:حلوه وربي حلوه
لين بخرشة:يمممه
مطلق انخرش وقفّل على فمها:الصووت يابنتت
لين مسكت على صدرها: خرشتني طيب مافيه احم احم
مطلق:اسم الله عليتس من الخرشة
لين:ياحياتي ايه شخبارك؟
مطلق:بخير والله
لين سحبته من يده:تعال-دخلته المجلس-تغديت؟
مطلق ابتسم : لا ناوي اتغدا مع العيال
لين:شوف العيال بيأكلون كبسه وتسذا وش راييك
مطلق رفع حاجبه بابتسامة:ايوه؟
لين ضمت يدينها لصدرها: وانا مسويه صينية تورتيلا انت وش تبي؟
مطلق يمثّل التفكير:اممم احس الكبسه
لين عبّست :احسن ..تبي قهوة؟ لا مافيه اقعد تسذا حتى مويـ...
مطلق ضحك:امزح معتس يا الزعوله جيبي لي من اكلتس خليني اذوق يمين حَرم مطلق
لين قامت بحماس:ما بتندّم

طلعت مستعجله ودخلت للمطبخ تضبطها له وتسخنها طلت براسها:عنودي تعالي
العنود:يووه مالي خلق
لين:يا اخت اخوتس تعاالي قلت لتس
العنود قامت:نعم وش تبين؟
لين:اخوتس يحب الاكل بارد ولا حار؟
العنود:شلون؟
لين:اقصد به فلفل ولا لا؟
العنود:مدري
لين:ما منتس فايدة
العنود:لا تتعبين نفستس ذا دبشه ما يحب الا الرز
لين:هو قال لي حطي لي
العنود وسّعت عيونها: اخس واقططع يا مطلق نجلس نرتجييه ويرفض -ضخمت صوتها- انا رجّال ما اكل الا رز وما يشبعني الا هو
لين ضحكت:وش دخللل المهم مو بكيفه انا ما اكل رز كثير .. طيب يحب الشطة؟
العنود ضحكت:بعد ما ادري انتي حطي له وهو بكيفه
لين شالت الصحن : الحقيني باللبن والبيبسي