جيتك من أقصاي .. وأنا صدري شمالي

البارت التـاسِع

البارت التاسع
.

.

.
< العصر |باقي بـ بريدة>

رجع عبدالرحمن ومعه كيس أدويه ولقى أمه والبندري بالصالة
موضي:السلام عليكم يا دحيم
عبدالرحمن بإرهاق:هلا يمه وعليكم السلام شلونكم
موضي:بخير
البندري:دحوم احط لك غدا
عبدالرحمن:لا يعطيتس العافييه بروح انام

طلع ابوه من دورة المياه:هذا انت يا برا البيت يا نايم ما منك لا فايده ولا عايدة
عبدالرحمن استغفر:يمه تبين شيء
سالم:مافيه نووم وينك من صباح ربي
عبدالرحمن ألتفت بهدوء:كنت عند حمد وداني المستشفى وتوني راجع اي اوامر آخرى؟
سالم :ليه وش فيك
عبدالرحمن بسخرية:والله لأن لي يومين ما طلعت من شركة ابوووي والمكيفات ما ترحم والجو بارد وانا ما معي شيء-قالها وطلع-
موضي بحدة:ارتحت الحييين؟وش فايدة هالتعامل الله لا يعودها من تربية-قامت ورا عبدالرحمن-

سالم جلس وحس انه زودها وهو بس كان وده يعلمه لكن مجرد ما انه يشوفه كانه يشوف نااار
البندري:تبغى شيء يا عم اجهز لك شيء؟
سالم:لا يبعدي بروح الدكة

طلع والبندري ملاحظة تصرفات عمها الغريبة

<الرياض | مجلس عبدالله>

دخل مشاري ومعه صحن القهوة والشاي والتمر
عبدالله:سلمت يبه خلاص روح وناد لي عمك صالح
مشاري:ابشر

راح مشاري ولقى في وجهه مطلق وسند
سند:هلااا مشااري ويننك باخي
مشاري:موجود بغرفتي ولا مع اخوياي.. اسمع ابوي يبي عمي بالمجلس
سند :تمام الحين بيجي-قام-مطلق بروح اناديه وآجي
مطلق :تم
~~
راح ينادي ابوه وكانوا البنات جالسين بالصاله يخططون مكان يطلعونه، سند بعلو صوت:يبه عمي يبيك بالمجلس
صالح قام:جاي جاي
شدن ضربت راسها:يووووه خالتيي
قمراء:وراتس هبدتي راستس
شدن باحراج:والله ماما قالت نادي خالتك قمراء ونسيت
قمراء قامت تضحك:يامال العافييه توتس صغيره على النسيان -راحت لبيت عبدالله-
نجد :والله انك هبله ..اسمعوا بما أن ما عندكم حاجة بكرة خلونا نروح المالية
شهد :ايييه عااد الجوو رهييب
شدن:امشواا

قاموا لبسوا عباياتهم ونقابتهم ماعدا نجد ضبطت حجابها وطلعوا ولقوا سند ومطلق جالسين عالدرج
سند لف عليهم:ماشاءالله على ويين؟
شهد:نتمشى
نجد بوعييد: والله ما تروح معانا
سند ضحك:افااا لييه
نجد:مانسيت حركتك المره اللي فاتت يلا يبنات-سحبت عليه وهو ميت ضحك عليها وراحوا

مطلق يناظر فيه نظرات غريبه:سند
سند التفت :يممه ورااك تناظرني تسذا؟؟
مطلق :متى تحكي؟
سند :عن وش؟
مطلق :انت ابخص يا سند ،لامنها طارت لا تنَدّم بعدين واقول ياليتني
سند :مو فاهم ولا ودي افهم
مطلق:والله انت بكيفك انا نصحتك، اسمع
سند: وشش؟
مطلق حك حاجبه:يولد ودي اعرس
سند :عجيييب والله بتعرس قبلي يا مطيليق؟
مطلق : والله مثل ما سمعت خلاص باقي ترم واتخرج والوظيفة الحمدالله موجودة والبيت موجود بقى هي والصراحه ودي أناسبكم
سند صغّٰر عيونه: والنعم لكن ببالك شخص معين؟
مطلق حك راسه: لا والله بس ودي منكم وفيكم
سند :بشوف لك ، تدري فيني فضول اعرف وش صاير
مطلق : وش العلم يا ام زكي
سند: انقلع بسس ،امي قالت لي ان مؤيد وخالتي صايرتن لهم سالفة ويبون ابوي وعمي يساعدونهم