جيتك من أقصاي .. وأنا صدري شمالي

البارت الثالث

.

.

.
دخل سند يعاون ابوه مع العمال والواضح انها عزيمة كبيرة وكان معه عبدالله ومشاري ورعد
و داخل البيت البنات كلهم يدهم وحدهم وبعد مده لحقوهم وفاء ومؤيد وما قصرو
<بعد المغرب>
رمت نفسها على السرير:واخييييرًا
نجد:اول مره في حياتي اشتغل قد كدا
شدن:وربيي تعب منججد باقي بروح البيت بجيب اغراضي
منيره:ماعلييه جبتها كلهاا
شدن:كفوو ياميمييي وربي انك محزميي
نجد لفت راسها لشهد:اسمعي ملابسي بالفندق ودحين بدخل لدولابك وبأخذ لي
شهد:حلالك بنات انا بأغفى نص ساعه عشان اصحصح اوكيه؟
شدن:تمام خلينا نطلع
شهد:لالا خلوكم عشان ما اسحبها نووومه لبكرة
عدلت سدحتها وغطت نفسها باللحاف ونامت تجهزوا البنات وجهزوا اغراض شهد وهي اساسًا طلعت فستانها

~بعد ساعتين تحديدًا الساعه|٨:٠٠~

نجد:شهودي يلا يحبيبي قومي الحريم وصلوا
شهد:زين زين بقوم بلحقك بعد ما اخلص

طلعت نجد وقامت بكسل غسلت جسمها سريع وطلعت تمكيجت مكياج نوود راقي وخلت شعرها ياخذ راحته على ظهرها رشت عطرها على الفستان وبعد مالبسته تبخرت طلعت من الغرفه الا بوجهها سند بيدخل وحالته حالههه
شهد بصوت ناعس وهادئ:وش بلاها ملابسك؟
سند التفت بفزع:يمممه متى جيتي انتي لي ساعه اناديك وطلعتني امي وشفيه صوتك ؟ تعبانه؟
شهد:لا مافيني شيء كنت نايمه وتوني اقوم وبصحصح بعد شوي تبي اطلع لك شيء؟
سند:ايه الله يعافيك بدخل اتروش سريع جهزي ثوبي والعوده
شهد:من عيوني خلني بس انزل اجيب الفحم لان اللي عندي خلص
نزلت وأخذت الفحم وجت بتطلع واستوقفها صوت امها:وينك يبنتيي الحريم وصلوا
شهد:اسففه ماما لكن نمت شوي وسند الحين يبيني بشغله اخلص واجي واصلا انا جاهزه
قمراء:عجلي الله يهديك
شهد:ابششري يا جنتي.-طلعت مستعجله وسند يلبس ثوبه-
رد وهو يضحك:ادري ما تأخرت
شهد:لاا وييين~تقدمت تبخره~والله ما قدرت انزل
باس راسها بقووه:معليه يروحي عشان امي واقري اذكارك لا تنسين تراك تهبلين،-وطلع-

ابتسمت وكآنه عطاها طاقه ونزلت بحماس ودخلت وانخرشت من العدد الهائل لكنها ارتخت ملامحها يوم شافت جدتها وخالتها وزوجة خالها بدت تسلم عليهم وقربت من خالتها لين وضمتهها:وحشتيييينيي يالينييي
لين:يحماره اكثثر روحي كملي وبعدين تعالي يالموت الحمرر
شهد بخجل:يلا منااك-قربت من جدتها وباست راسه وحضنتها-،يمه غزيل وشلوننتس
غزيل بصوت حنون وكبير:هلا يبنيتي بخير ياامتس بخير بشوفتس ~باستها في خدها~بسم الله يحبيبتي الله يحفظتس ويستر عليتس ويحميتس من كل عين تأذيتس
شهد بلططف:امييين يامال الجنه يايمهه
وكملت على الباقي وجلست بين خواتها وخالتها اللي كانوا آيه في الجمال
<وصف لفساتينهم>
لين•نبذة عنها اول شيء،عمرها ٢٦ خالة شهد الصغيره وتعتبر اعز صديقاتها•كانت لابسه فستان كُحلي الى نص الساق ساده لكن مميزه الأكسسوارات وانحناءات جسمها
شدن:فستان أسود حرير طويل ماسك وفتحه للفخذ وشعرها مرفوع نصه بشكل رسمي
نجد:فستانها لونه أخضر مريح للعين لفوق الركبة وماسك بدون اكمام ولابسه كعب بوت اسود وشعرها البني استريت مفتوح كله