جيتك من أقصاي .. وأنا صدري شمالي

البارت الرابع

.

.

.
عبدالله:الحمدالله يااخوك الحمدالله والله لا يفرقنا
سالم:العيال انسجموا مع بعض -حط يدينه على فخذ صالح وعبدالله-،يلا استأذنكم بنروح للفندق
صالح فز :لا والله ما تروح للفندق وبيوتنا موجودة
سالم بنفي:تكفى يا رجال ماله داعي
عبدالله ضربه بمعكازه:اقول اذلف قد قلناه انا وصالح انت وحَرمك في بيتي والعيال هِنا عند سنيـّد ورعد
سالم بحرج:بالله دون كلافة زايدة
عبدالله بعصبيه:امش امش قال وش دون كلافة مامن كلافة تطمن
طلعوا من المجلس ونطق صالح:ياالرعد
رعد فز:سم يبه
سالم بحنيه:سم الله عدوك ياولدي لو ما تهون ناد لي ام سلطان
رعد قام:ابشر
عبدالله:سلطان
سلطان:هلا يعم
عبدالله:دامك متزوج خذ حرمك ودها لبيتي واخوانك عند سند ورعد
سند ضرب فخذ مطلق:يسس وانت معنا ياقلبي
مطلق:شدعوى برجع للبيت
سند:سد حلقك بسس
قام سلطان ونطق :بشوف وضعها واقولك -اتصل عليها وقال لها تطلع اي مكان عشان يشوفها-
البندري:شهودي حبيبي سلطان يبي يكلمني
شهد بفهاوة:يكلمك ليه تستأذنين مني
شدن ضربت راسها بحسرة:الله يخلف البندري روحي للمجلس وماحولك احد
البندري ضحكت وراحت للمجلس وعلمّته دخل براسه:البندري؟
البندري ببتسامة عريضة:لبيه تعال
دخل وبان عرض جسمه تقدم لها وحضنها:تدرين اني اشتقت لتس
البندري بادلته:يحبيبي حتى انا
سلطان حط راسه في رقبتها يشم ريحتها اللي مدمنها ونطق بتخدير:لا بالله مب كثري
البندري ارتفعت حرارتهاا من حركاته واستحت:سلطان وش بغيت
سلطان ابتسم من عرف انها تصرفه ونطق وهو ماسك بخصرها:ابد ابوي يبينا نروح معاهم بيت عمي عبدالله ننام هناك شرايتس
البندري تلعب بدقنه:اللي يريحك
سلطان:انتي وش ودتس طفشتي ؟
البندري هزت بنفي:لا ابدًا مره يهبلوون يا سلطاني
سلطان ارتاح:اوكي اذا ودتس تنامون عندهم اجل عادي
البندري:لا بجي معك قلنا يهبلون لكن ما بتفتك مني
سلطان ضحك:ومن قال افتك منتس خلاص اجل بعدين نروح انا مع العيال ان بغيتي شيء
البندري باست دقنه:ابشر يحبيبي انبسط
تقدم منها وأخذ قبلته منها وطلع ،هي صنمت مكانها معرفت تتحرك وبعد ماراح ضحكت بخجل ان حد شافها ورجعت، نجد نطقت بعفوية:افف يبنتي ليه وجهك احمر كدا
البندري بحرج:مافيني شيء يروحي
جت شهد وقالت:البندري امي جهزت لكم غرفة هنا عشان تكونين معانا طول الوقت
البندري حضنتها:يحبيبييي
كل وحده جلست بمكان لحظة الصمت اللي كلهم على جوالتهم والسرحان وكانت شهد عند رجول جدتها تهمزها ،وطقتها:انتي يأم سيقان
شهد بصدمة:يمه غزيل وش فيتسس
غزيل:وراتس لابسه ذاك الفستان المزلط ظلوعتس كلها برا يامال الوجع استغفرالله
شهد بورطة التفتت للين:يمه ليه تهاوشيني لوحدي ولين لاا حتى هي لابسة مزلط على قولتس
غزيل خزّت لين وشهد:زين فيكم ،قومي جيبي الراديو وتقلعن من قدامي
نجد تقدمت تبوس راسها:افاا يا تيتا كلنا نتقلع
غزيل:اي كلكم ما تصدقون يجون حريم وتتفصخون الله يهداكم ماله داعي تلبسون اللي عندتس عندهم
شدن ماتت ضحك وهي تلبس عبايتها:وصلت وصلت ياجدة جعلك بالجنة
لين تخـّز شهد :انا اوريتس يحماره.. -ناظرت لشدن -وانتي بعد بتروحي
شدن :بروح اغير ملابسي واشوف امي واجي
لين:ايه زين
شهد جابت الراديو:يمه الله يعافيتس قصري الصوت ماله داعي يسمع اخر جار
غزيل طقتها بالمعكازة في ظهرها:انقلعي عني
مشت شهد تفرك ظهرها بآلم وقالت للبنات:بنات خلونا نطلع غرفتي البندري تقدرين؟
البندري:ايه يرووحي
ارسلت لسلطان باللي حصل وقالت يجيب شنطتها مع اي احد من الخدم