جيتك من أقصاي .. وأنا صدري شمالي

تكمـِلة لـ البارت الأخير

.

.

.
<كُل عام وآنتم بخير>

<ملك الرّعد>

كان نازل من بيته وفي يده طفله اللي يبلغ السنتين
صالح بـكبر سِن:حـَي الله سَمي جدّه

صالح الصغير كان يدف نفسه من حضن ابوه عشان ينزل له ويطلع اصوات طفوليه رهييبه
رعد باس راس ابوه وامه:مساكم الله بالخير
صالح وهو ملتهي مع حفيده ردّت قمراء:مسّاك الله بالنـّور يبعد حيي
رعد:وشلونتس يمه وشخباارتس-بعلو صوت-
قمراء بضعف:نحمد الله إلا آقول ياولدي يا رعد
رعد:سمّي يمه
قمراء:تكفى اتصل عـَلى صقر وشهد خلهم يجون والله اني مشتاقه لهم بالحيل
رعد اشر على عيونه :آبشري

نزلت ملك ومعها عصيدة:السلام عليكم
صالح ناظرها:وعليكم السلام وش معنا اليوم؟
ملك ابتسمت:سويت عصيدة زعفران-بحماس- اول مره اسويها اخذت الطريقه من امي
رعد بعبط:كل شيء منتس حلو يا حبيبي
مَلك انحرجت :الله يسلمك
قمراء:قومي يبنتي جيبي تـِرمس القهوة عالطاولة وتعالي

رعد وملك كانت حياتهم مبنيه على البساطه ملك فضّلت انها تعيش معاهم بنفس البيت عشان كُبرهم وهي تحب الاهتمام في كبار السّن ورعد كان مبسوووط انه ما فارقهم وحوله وتحت نظره جميع

<في طريق القصيم لـ الرياض>

غيث بقهر:باابا شوف جـُود
جود :والله ما سوّيت شيء
شهد لفّت عليهم:ايش فيه يا غيث؟
غيث:شالت الشبس وآكلته حقي طيب!!
صقر:خلاص يابابا انا شريت لكم واجـِد..
جـُود تقدّمت تبوس خد صقـِر:بابتي
صقر ابتسم:عيون بابتس آمريني
جـود ضحكت بخجل وضمّت رقبته:وين بنروح؟
صقر: بنروح عند ابوي صالح
غيث بحماس:يعني بنشوف صالح-برجا-يارب خالو مطلق يجي
جـود ببراءه:اييه وحشني عزيز
شهد ضحكت: لاعب بحسبتها ولد اللـين
صقر مسك يدها:وانتي لاعبه بحسبتي وجيتـِك من أقصاي وانا صدرِي شمالـِي يا منـَا روحي وقلبي
شهد بخجل :ياحبيبي يا صقري الله لا يحرمني منك
صقر ضحك يبوس يدها:ولا منتس يالخجولة
شهد ضحكت بخفـّه:صقر وغيث وجودِي معي لكم هديـّه
غيث بحماس:خذيتي لي السيارات اللي طلبتها!!
شهد ضحكت وهي تشغّل جوالها عـ مسجل السيارة:لا والله
صقر عقـّد حواجبه: وش هي
جـود:مامي وش وشش
شهد :مستعجلين اصبروا..جاهزيينن؟
كلهم:اييه

اشتغل الصوت في السيارة : بابا صقـِر و أخـوي اللي كان بمثابة خيـر المطر لـ ماما وبابا غيث ولمّا اشتدّت العطايـَا قَدمت الجـُود ،آبشركم انا امكّم يا نظر عيوني بيجينا ضيف جديد في البيت وينضم لنـَا ويصير صديقنا او صديقتنا
صقر بعد استيعاب:شهههددد؟؟؟!
شهد مسكت يده:لبّيه؟
صقر وقّف على جنب ولـَف عليها:عطيني جوالتس-آعطته وفتح على المقطع وسمعه آكثر من مره-شهودي تكفين منجد
شهد ابتسمت بفرح:والله منججد -لفّت على توأمها-ها غيـّوثي و جـُودي وشرايكم في الهدية
غيث :ماما ما فهمت كثير!
جـُود:ايوا ماما حتى انا-ببراءه-مُمكن تفهمينا؟
صقر لف عليهم وناظرهم شوي:يا حبايبي بيجي نونو جدييد لناا
جُود صرخت بحماس طفولي:الله ماماا صدقق
غيث برجا:ياارب ولد ياارب
جُود:لييه بنوتته احسن
غيث بتفكير:تصدقين توأم عشان واحد معتس واحد معي
-