جيتك من أقصاي .. وأنا صدري شمالي

البارت التاسع عشـَر

.

.

.
<سبحان الله وبحمده>

وصل الرياض عالساعة سبع ونص الصباح يمكن
ودخل للبيت وهو باقي ماسكر منها
سمع صوت حوسه:يمه عليتس يا لين وراتس نايمة هنيا
لين بصوت ناعس:ولا شيء يمه بس كنت اكلم مطلق وغفيت
غزيل ابتسمت: حبيتيه؟
لين ناظرت فـ أمها:تدرين قلبي حبه من اول ليلة صرنا حلال لبعض وعقلي صارحني الليله انه الشخص الصـح
غزيل:الله يخليه لتس ذخر يبنيتي ولا يصبيه مكروه
لين بحب:امين يمه امين
مطلق تنحنح وهي الفرحه مش سايعته:ليين

لين تلفتت حولها وشافت الجوال بيدها وفيه مكالمة
لين توسعت عيونها:مطلق بعدك معي؟
مطلق:ايه توني وصلت ترى
لين بشك:سمعت شيء طيب؟
مطلق ابتسم:مثل وش؟
لين براحة: لا ولا شيء الحمدالله ع سلامتك
مطلق:الله يسلمتس يلا بأخليتس تنامين
لين:تمام طمني عن جدك بعدين وارسلت لك سنابي
مطلق:من عيوني يلا نوم العافيه
لين:الله يعافيك
سكـّرت منه وانسدحت تنام،

<عند مطلق>
يوم انه دخل البيت وهو يكلم كانت الرّيم موجودة
الرّيم:صباااح الخييير يارومانسي
مطلق انخرش:يمممه يالرييم يمه خرشتيني
الرّيم بضحكة: اسفه اسفه
مطلق ابتسم وضمها:صباح النور شخبارتس يابنيتي
الرّيم:الحمدالله كويسه
مطلق:وين عنودي
الرّيم:نايمه والله وانا ابوي جاني وقال لي ابيتس تروحين معي
مطلق: وينه فيه الحين؟
الرّيم: شوي وبيجي راح غرفته

< نرجع لـ بيت صالح آل قايد>

مـرّت اسبوعين

شهد نزلت وهي تعبانه من مطر امس وفيها صخونه وراحت للصالة..
قمراء بقلق:يمه وش فيتس مانزلتي من أول
ابتسمت بتعب: شوي مصخنه ..
شدن احتدت ملامحها: تستاهلين استغفر الله محد قالك تنزلين للمطر

شهد كانت تآشر لها لان امها ما تدري قامت تتسحب وجت بتطلع للحوش

قمراء صغرت عيونها:شهدد؟؟
لفت بابتسامة بريئة:يعيونهاا؟
قمراء اخفت ابتسامة بنتها الماكرة:البارح نزلتي للمطر؟
شهد غمضت عينها بخفيف: ما اكذب عليتس طلعت بس شوووياا وكنت مع رعد يعني ماهنا خلاف صح؟
قمراء :بالله؟؟. يعني حتى السلقة رعيـّد طلع عاد من زين مناعتس انتي وياه

شهد:اسفه اخر مرره-طلعت بسرعة برا-
شدن :كأني جبت العيد؟
قمراء ضحكت: لا حياتي معليتس
-
يوم طلعت تركض سمعت كلام خلاها توقف في مكانها
عبدالرحمن بقلق: سلطان صقر تعباان مره
سلطان باستغراب: توني مكلمه ومافيه شيء
عبدالرحمن:انا اعرف صووت اخوي ،يقول ان سند ماقد دق عليه ابد
سلطان: مو يسأل دايم عنه وهو يقول عشان ما يشغله
عبدالرحمن: لكن يقول ان يمكن مؤيد قال له الكلام وذالحين زعلانٍ عليه
سلطان بنسيان : اي كلام
عبدالرحمن: يوه يا سلطان ايي كلاام يعني وش سبب روحة صقر للجنوب؟
سلطان بتذكر وفهاوة:اييه يوم سالفته مع اخت السند ويحسب انه مسوي شيء لها
عبدالرحمن ضربه:انت من بعد جات ديم ضاعت علومك
سلطان ضحك: اخخخ ياخي هالبنت جابب آجلي وربي
عبدالرحمن: متى تخلصون؟ نبي نرجع البيت
سلطان:مدري عن امي
عبدالرحمن:والله ان اميمتي عاجبتها الجلسة هنيا مع خالتي قمراء وخالتي شيخه
سلطان:حتى ابوي وحن اكلناها