جيتك من أقصاي .. وأنا صدري شمالي

البارت السـَادس عشـَر

.

.

.
<سبحان الله وبحمده>

مسك عبدالله آذانيهم ونطق بعصبيه:سنـّد ودحيم شلـّو البنات واذلفوا للبيت
سند وهو ماسك الضحكه:ابشر يلا يا بنات
لين بتساؤل:وشدن؟
قمراء: تجي مع ابوها
شيخه :ايه احسن
قمراء:يمه شهد خليتس معها
شهد بنعاس:بس ماما فيني نوم
صالح ضحك يوم عرف انها ما بتقاوم:عشان اختس يبنتي
شهد:عشان شدوني بس

كلهم راحو مع سند وعبدالرحمن بعد لحظات جـاو سلطان وشدن ،كانت شهد حاضنه كنف ابوها ونايمه
صالح:شهودي يبنتي يلا قومي بنمشي
شهد بنعاس وصوت شبه باكي:يبه وراك توني نمت
صالح ابتسم:يلا بس قومي
شدن:شهد خلِ الدلع يرحم لي والدينك
شهد خزتها:انتي انثبري منتظرتس وتحاكيني تسذا
صقر :يلا يا عم منـّاك

اتجهوا للسيارة وانطلقوا راجعين وقف صقر عند بوفيه
صقر:ياعم تبون شيء؟
صالح:شدون شهود تبون شيء؟
شهد:ابي انام
شدن:لا يعمي شكرًا
صقر:يحبون البيض؟
صالح:لا يولدي لاتثقل على نفسك
صقر:مامن ثقل ،دقايق بسس
شهد:هل انا اوفر ولا تأخر؟
صالح لف عليها:اكتشفت شيء
شدن ضحكت:وشو؟! اتحفنا
صالح:شهد يبنتي انتي لو جاتس نوم لسانتس متبري منتس صح ولا
انفجرت تضحك بهستيريه النوم:شدعوى يبه
صالح ابتسم:اسكتي الولد جاء

كانت ماسكة الضحكة غصب ولما ركب لف يعطيهم الاغراض حطت عيونهم في بعض وانفجرت تضحك
شدن بفشلة:الله يقلعك يا شهدد انطميي
شهد:افف عيونه نفس عيوننا
شدن بهمس : وهذا شيء يضحك يعني؟
شهد هزت راسها بالنفي:بس فيني ضحكك
صالح:بس يبنتي بس
شهد شربت مويا:سم يبه

كان صقر مبسوط على ضحكها الهستيري وعصبيتها عليه يوم فصلت ،وصلوا يمكن على الساعه - ٧:٣٠ الصبح -
صالح التفت لهم وكانو نايمات الثنتين:يلا يبناتي قوموا
قاموا بتعب ونزلوا وكانت شهد تمشي وهي بنص عين وفيه قدامها حجر ولا انتبهت لها والكل قده داخل تقدم بسرعه ومسكها
صقر:انتبهيي يالراقده
شهد ناظرت فيه ورجعت ناظرت فـ يده وقالت بنرفزه:والله انت الراقد
صقر ضحك:وشفيك قالبه علي
شهد حطت عينها بعينه وقالت بهدوء مريب:معليش

ومشت بهدوء ودخلت لغرفتها في بيت جدتها ونامت ، اما صقر وقف مكانه للحظات واتجه علطول للخيمه وانسدح على فراشه تحسبونه نام؟؟ ابدًا جلست المواقف تنعاد كلها اللي جمعته معاها وجلس يتذكر الحلم واول موقف حصل لهم في بيته بالقصيم

<نرجع لموقفهم الأول>

راح عبدالرحمن يحضر الشيخ ويطبقون كلام مؤيد وقالو لأبوهم ان جاه ضيف ولما وصلوا
سالم بهمس:ذالحين ذا ضيفكم
عبدالله:ايه واحدٍ من جماعة مطلق
مطلق تقدم وباس راس سالم:العذر والسموحة ياعم جبت ضيفي لبيتك

سالم بحدة:ترا بأهبدك وش العذر والسموحه بالعكس ضيفك هو ضيفي وانا ماكان عندك مكان ابد بيتي ياسعك وياسع ضيوفك افا وانا عمك
مطلق:مشكور ما تقصر