جيتك من أقصاي .. وأنا صدري شمالي

البـَارت الواحـِد والأربعـون

البارت الواحـِد والأربعين

.

.

.
<استغفرالله>

ابراهيم :قطعت شيء مهم؟
لين انحرجت من ابراهيم وتحمد ربها جاء الحين ولا قبل كانت ساكته وتناظر الارض مسك يدها مطلق

مطلق:ابراهيم تقلّع
ابراهيم بغموض :لازم نعدّل العلاقة ابي منك شيء
-لين ناظرته ضحك- اشتغل عرق اللقافه
لين بفشلة:خير هيمو خير؟
ابراهيم:مُمكن يا حـُلوه تسوين لنا قهوه؟ وتجيبينها
لين رفعت حاجبها قامت وسحبته:ابراهيم وشتبي منه؟
ابراهيم:ابيه يطلقتس
لين شهقت وضربته:فال الله ولا فالك صددق وش تبيي
ابراهيم:ابيه يخطب لي اخته
لين وسّعت عيونها:منن؟؟
ابراهيم بهياام :مدري شسمها بس اللي كانت معتس منهي؟
لين ضحكت:خير بتخطبها وانت ما تعرف اسمها؟
ابراهيم: تكفين شسمها..
لين :اقول لك بس كل شيء له مُقابل حياتي
ابراهيم:لين انا اخوتس وش مقابله الله يصلحتس
لين: مالي دخل
ابراهيم بعبط:خلاص بأروح واقول ابي البنت اللي شفتها وبكيفتس بتنحرجين معه
لين تمثل انه عادي:روح
ابراهيم جاء بيدخل سحبته:خلااص افف
ابراهيم رفع حاجبه:شسمها؟
لين:العنود
ابراهيم كأنه تذكر شيء وصرخ:هيي اللي دايم نتلااعن اناا وهي؟؟
لين ضحكت وسكرت على فمه:ااصصص يااخي اييه هيي
ابراهيم صفّر:ماهيب بهيّنه والله خلاص روحي اذلفي باروح اقول لمطلق
لين :ابراهيم تكفى تكلّم بالهداوية
ابراهيم:ولا يهمتس

<دخل لـ مطلق>
ابراهيم بترحيب:هلاا بمطلق
مطلق يناظره:انت صاحي؟
ابراهيم طارت عيونه:خير وش انا امسوّي؟
مطلق:مدري عنك احسك مب طبيعي وش تبي؟
ابراهيم عدّل جلسته:..

<بيت صالح>

جت مستعجلة ودخلت المجلس لان امها قالت انه رعد بالمجلس وهي نست من صقر

شهد بعجلة:رعدد مفتااح السيااره ويين؟
رعد بعدم استيعاب انها كاشفه:هاتسس-رماه-
وش عندتس؟؟
شهد جلست عالعتبه وتلبس الشوز وانتو بالكرامه وجت تعدّل نقابها: عندي اختباار ونمت ونسييت
رعد:خلاص شوي شوي سوقي
شهد:تممام-قامت بسرعه راحت ورجعت- رعد فلوس معك؟
رعد حط يده بجيبه:لا والله ما معي
شهد:اففف بابا مو موجودد وابغى كااش ضروري

كلهم ناسيين وجوده اصلًا الا بعد ما نطق وهو فاغر في وجهها: هاتس -مد ١٠٠٠ريال-

لفّوا عليه
تحاول تتدارك نفسها قامت:مشكور
رعد خذ الفلوس:شهود خذيها الين بعدين وارجعها له
صقر :ماهو راجع ريال تاخذها واللي بيننا اكثر من كذا يارعد
شهد ناظرت فيه لوهله وهو آشر لها تآخذها:شكرًا
-خذتها وطلعت بعجله-

صقر في نفسه:استودعتس الله التي لا تضيع ودائعه

طلعت مستعجله تحاول تختصر قـَد ما تقدر عشان توصل للجامعه هي خذت غفوه لكنها صارت نومه لمدة ساعتين بدؤوا يختبروا لان موعده جاء من نص ساعه قطعت الاشارة من دون قصد التفتت لليمين حاولت تضغط بنزين زياده بس..!