جيتك من أقصاي .. وأنا صدري شمالي

البَارت الثّامن والخمسـُون

البارت الثامن والخمسون

.

.

.
<اللهم اغفر لنا ما تقدم من ذنبنا وما تأخر>

قامت جُمعه وشلّتها: نعم؟؟
سند بعصبيه:نعامه ترفس العدو - بوعيد- يميين لي يا أهل ناصر ان ما كفّيتوا اذاكم وامنعتونا من قروشتكم لا أفجر فيكممم
لين اشرت لـ شهد:قولي له
شهد خزّتها:مو وقته
سند سمعهم والتفت عليهم:وش تقول ان كان عليهم حراام ما سلمواا
شهد بربكة: لا لا ولاشيء
سند :العلم ياصلكم ويتعداكم ان سمعت نفسس زياده بيتنا يتعذركم وان به نقد فـ وجه ابوي ابيض ولا قصّر مع قصيرين العمر النقد بيكون لي
وانتي يا العوباا -يقصد تسنيم- قسم بالله ان عاد مدّيتي يدتس على شهد لأكسسررهااا لتتس

تسنيم:هيي اللي طقتني وترى اقدر ارفع عليها قضيه لانها طيّحتني وفقعت راسي
سند بسخريه: الله والفقعه ابك تستااهليين في ذمتي انتس تستاهليين
شهد نطقت بحرقه على كذبها: وتبغين ترفعين قضيه ارفعيي يالقشررا حراام مايروح فيها الا انتي-ضحكت بسخريه-لاتلعبيين بالنار يابنت امتس تسمعيين ترااتس في ذي لعبه خسراانه ومعي ادله وش كثرها فـاقضبي ارضتس وسدّي بلعومتس

مطلق ضحك:خلااص يااعاالم سنند امشش عمي يدعينا
سند لف مره اخيره:قلت اللي عندي ومو من صالح حد لو صار ترى-نزل لنجد-اهدي واتصال واحد افجّرهم
نجد باسته :الله يديمك ليّا
سند:امين

طلع سند وهو كاتم ضحكته:ياخي نااس بليدة
مطلق بسخرية :لا عاد انت اللي ابو المشااعر
سند بقهر:والله احرقوني والظاهر انك سمعت حكي نجد
مطلق:اي بالله سمعت الله ياخذهم اصلًا وش جابهم؟
سند:تأديه واجب
مطلق:وانا مو متحمّلهم الا عشان نايف واخوانه
سند:انشهد انهم رجال حتى فارس وفهد
مطلق:اما الباقي امححق

دخلوا محل العشاء
صقر رفع يده:هنا يا سند
سند مسك يد مطلق وراحوا:معليش تأخرنا
نايف:بالله وين كنتوا؟
سند علّمهم: ياخي افحموني والعذر يا عيال-ذيب واخوانه- بس شيء لا يطاق
ذيب بطنازه: احسن دقيت خشوم جِـْميعه وبنتها
نواف بغثا منهم: سويت شيء حن ما نقدر نسويه ابوس راسك الصراحه
سند: الله المُستعان الصراحه
صقر:سند بعدين بأحاكيك
سند:ابشر

نايف قام: لابغيتوني دقوا علَي
مطلق وهو عرف وين بيروح: على وين؟
نايف غمز له: اللي خابرها تنتظرني
مطلق:اجلس ماله داعي
نايف بعبط:حبيبي اسف ما استشرتك-وراح-
ذيب ضحك:ضمن نفسه يا مطلق لا تحاول
-

نايف دخل نفس ما قالت له :ياولد؟؟
الرّيم وهي عند المرايا:جايه
نايف شافها جايه:ارحبي يا دهري وغزالي
الرّيم: البقا ياقلبي
نايف ضمّها بقوه:والله انش وحشتيينيي بالحيييل
الرّيم بتعب:الحال من بعضه اخبارك؟
نايف:اخباري زينه ان شاء الله انتي شخبارش وينش غايبه لش فترة مالِش حس
الرّيم:والله تعبانه شوي ومع العزا مافضيت
نايف بقلق لمس راسها:للحين تعبانه؟
الرّيم مسكت يده وابتسمت:شوفتك داوتني
نايف يمثل الانهيار:ياكبديي كبدااه لاتخليني اتهور واشيلش معي من ذا الحين
الرّيم: لا لا لاتتهور
نايف:طيب منجد والله تعبانه اوديش المستشفى؟
الرّيم:لا يحياتي تسلم ما يحتاج
نايف :شوفي ادري انه مو وقته بس عادي نطلع انا وانتي؟
الرّيم :مدري اسئل مطلق
نايف:مَعلي من مطلق انتي عادي؟
الرّيم:مدري-ضحكت-والله مدري احس عادي
نايف حضنها بقوه وفكّها وابتسم يشد على اسنانه:ياخي والله احببش
الرّيم قرصت خدوده بظرافه:حتى انا والله
نايف :انتي وش؟
الرّيم بخجل:ياخي مو لازم
نايف يمثّل الزعل:يالرّيم انا كل ماطلبتش كلمه عيّيتي والحضن بالغصب وتكون صدف لـ متى
الرّيم :يعني الحين تحزني؟
نايف رفع حاجبه:يرضيش زعلي منش؟؟!
الرّيم بتفكير:لاا
نايف:هاه والله ان ذا الشيء يضايقني
الرّيم تقدمت وضمّته بقوه:والحين
نايف شد عليها:طيب تحبيني؟
الرّيم ناظرته وهي محوّطه خصره:امووت عليك رضييت
نايف قرب وباسها من منطوقها بسرعه:رضيينا والله رضيناا
الرّيم بخجل ضربته بخفه: لا تلخمني وتعودها
نايف ضحك:يعني قبل ابوسش اقولش تراني بأبوسش احس تكون بدون مشاعر
الرّيم بطنازه:الله والمشاعر
نايف:شرايش تنادين غيداء
الرّيم بإحراج :لااا
نايف وسّع عيونه:وليه لااا ليه مو اييه
الرّيم:ياخي استحي يوم يكونون معنا حتى مطلق
نايف وسّع عيونه بعجب: هيي تراش زوجتي وكلها شهر ولا شهرين وبنعيش مع بعض للابد
الرّيم ضحكت:بطني يدغدغني طيب
نايف ضحك :احلفي روحي ناديها ولّا اتصل عليها
الرّيم تربّعت عالكنب :لا اتصل والله مافيني اروح