جيتك من أقصاي .. وأنا صدري شمالي

البـَارت الـرابِع والخمسـُون

البـَارت الرّابع والخمسون

.

.

.
< اللهم إنك عفوًا فـ عفوا عنـّا>

رعد بعصبية:من متى ومييين؟
شهد فتحت جـَوالها:خذوا واقروا

تجمّعوا صقر ورعد على سند وكان محتوى الرسالة:-

شوفي لو ما يجي الرفض منك آعرف كيف يرفضوك وان وافقتي وعشتي آيامك معاه فـ تأكدي انها بتنهدم حتى لو كان على سبيل شرفك.. وابعدي عن صقر وخليه لأحبابه احسن لك وله
وهذي صور ومحد يقدر ينكرها
أرفقت صور لـ شهد وكأنها مع احد وصور شنيعهه

-
شهد ببكاء:والله انهم كذاابييين وهذي الصوور موو ليي وطلعـ...
سند وعيونه قلبت حمرراا ضمّها بقوه: عاارف والله عاررف انتس اششرف وحده بالدنيا ولا اصدّق فيتس الصغيره عاارف يارووح اخووتس
صقر والنار شبّت في صدره وعروقه برزت قال بصوت مكتوم: في احد شاكة فيه او تمشكلتي مع احد الفترة الاخيرة
شهد بتفكير محدوود: لا ولا احد
رعد لف على صقر:انت كنت على علاقه مع احد؟
سند ناظر رعد:يارعد ارفع علوومك وهذي ماهيب علوم صقر وانت أبخص به
صقر: تأكد يالرًعد مهمـا فعلت ونبّشت من وراي ما بتلقى الا سلـُوم الرجال وفعايلهم ومابه أطباع الردي في قاموسي ولله الفضل والمنـّه.. وانتي يا شهد اعرفي دامتس حرمي وتحت جناحي مب صايبتس أذى وانا صابتس فأني قبلتس -لف ظهره بيطلع-وان شكّيتي بأحد عطيني خبر يا مُناي-طلع-

سند:يا حبيبتي انتي الحين ادخلي وبلّكي الرقم ذا وان جاتس اي شيء عطينا خبر تمام؟
شهد:طيب
رعد:تبين اجي معتس؟؟
شهد ضمّتهم:لا يعمري والله لا يحرمني منكم
-
دخلت شهد وجت امها بقلق:يممه وين كنتي؟
شهد بضحكة مُزيفه:ماما كنت مع صقر ايش فيكم
موضي بخرعه هاوشتها: انتي والغفله اللي معتس اختفيتوا ولا حد درا عنكم
شهد ضحكت:لذي الدرجة وحشتكمم
غزيل:من ما يوحشتس يالخبله
شهد باست راسها: الله لا يحرمني منكم-ناظرت حولها-وين البنات؟
منـَاهل:مجتمعين في غرفتش يمه

شهد طلعت اخذت شهييق عمييق ودخلت:مااشاء الله استغلييتوا غرفتيي؟
لين فزّت تضمها علطوول وبكت:ويييينتسسس خوفتيينيي عليييتس
شهد وهي ماصدّقت تسكت ماتبكي بكت معهاا:يابناات انااا خاييفهه
العنود قـرّبت: اسم الله عليكم يبنات اهدوا
نجد:ايواا عشان ما يسمعوا الكبار و يـِـجوو
لين بعّدت ومسحت دموعها:من ايش خايفه ياروح خالتس
شدن مسكت شهد:اول شيء خلوها تبدّل-ناظرت شهد- شهودي حبيبي روحي غيـّري ملابسك وتعالي

بالفعل دخلت غيّرت ملابسها لـ بجامه مُريحه ومسحت مكياجها ورجعت جلست

ملك بتلطيف للجو:اييوه هذي شهد اللي اعرفها مب قبل شوي كأنش غول اسم الله عليش
شهد ضحكت بإرهاق:يروحي يا ملك
الرّيم:دودي قولي وش فيتس؟
شهد علّمتهم السالفه وبهدوء:ومفبركين صور
فرح:علّمتي احد؟
شهد:ايه سند ورعد وصقر
ملك:طيب صقر وش قال
شهد علّمتها: كذا قال وطلع
نجد ضحكت بخفة: والله يا بنت زوجكك دا هييبه
الرّيم: شكل صقر معناه الهيبه
العنود :لا يبقره المفروض تقولين العكس يعني الهيبه هي صقر
الرّيم:انتي اذلفي بسس
لين بحرقه:عسسى اللي سوا كذاا بالسااحق اللي يسحق ضلوعه ويمحقهاا حسبي الله ونعم والوكيل
الرّيم ناظرت ملك وفرح:تكفين ادعوا دعوتكم الشهيرة
ملك ضحكت وآشرت على فرح:هذي العجوز حافظتها
فرح ضحكت ورفعت يدها: يلا يبنات تجهزوا بأدعي
شدن انصرعت ضحك:يلا يلا-رفعت يدها