جيتك من أقصاي .. وأنا صدري شمالي

البارت الخامس والأربعون

البارت الخامس والأربعون

.

.

.
<شهر مبارك يحبييني انتوو>

رعد بملل: نجيّد
نجد:اصبر ملك بتدخلين؟
ملك:ايه خلاص
رعد: اعجلوا علَي بطلع فوق
نجد: تعال يا رعد راحت
رعد دخل: بأصارحتس بشيء انتي و زوج الغفلَه حقتس
نجد ناظرته بنص عين: تتكلم عن زوجي قدامي؟
رعد: من زين زوجتس عاد خلاص ما بقولتس شيء بس شوفي لي طريق بطلع لشهد وكلّمي سند يحتريتس
نجد قرّبت بفضول:رعد ايش كان حتقول؟
رعد: انسَـي
نجد ابتسمت بخبث: عشان البيبي طيب؟
رعد بعدم استيعاب:اي بيبي الله يخلـ...- وسّع عيونه باستغراب- لحظه لحظه خليني استوعبب!!
نجد ضحكت: استوعب استوعب يلا روح كلّم اختك ولا تجيب سيرة باقي ما علّمنا احد وقبل ذا كله علمني
رعد :اهدي اهدي فهميني شلون بيبي؟؟؟ يعني انتيي حامل؟
نجد : ايوه
رعد: من سند يعني الورع اللي ببطنتس بيناديني عميي؟؟؟؟
نجد ضحكت:عمي وخالي بعد بعدين يمكن تكون بنوتـّه
رعد بوناسة:يالبيييه على ذي الاخباار الكويسسه عشان تسذا سنيّد فرحاان اليووم
نجد: ايوه بس ما مدانا نتكلم مع تعب شهوده
رعد بوناسه: اجل دامتس قلتي ذا الخبر الحلوو اسمعي انا ابي اعرس
نجد برحابة صدر: ايوه ومين سعيدة الحظ
رعد ضحك بورطة :مدري والله بس من ذي اللي قبل شوي اخت الذيب مغيرهم اهل الجنوب؟
نجد غمزت له: مسوي يعنني ماتعرفها
رعد :يمين بالله ما اعرفها بس لمحتها مرتين يمكن
واحس دخلت مزاجي
نجد: اول شيء بعدين نتكلم في دا الموضوع ابغاك بحاجة ويصير خير ان شاء الله
رعد وهو بيطلع لفوق: ان شاء الله

-

<في غرفة شهد>

شهد وهي تتكلم مع نفسها: مهبولهه انتي وش كان بتقولين له -ابتسمت- لكنه كيووت جاء وتحمّد لي يحلوهه - تطورت ابتسامتها لضحكة سخرية- هالله هالله يا شهد قدتس تفكرين به واستحل تفكيرتس

مسكت على راسها تعوّذت من الشيطان وجلست عالسرير بعد ما اخذت دواها - بعد ساعه-

فزّت على دق الباب: تفضضل
رعد فتح الباب : هلاا والله بروحي وقلبي
شهد ضحكت:هلابكك يعمري شدعوى اشتقت لي
رعد :ههه يعني شوي وراتس ما تنزلين تحسين بألم شيء؟
شهد: صراحه جاني صداع شوي وماقدرت حيل الازعاج
رعد: حرام عشان لين انزلي وشوي واطلعي وانتي وشلتس فوق
شهد وسّعت عيونها: لين وصللت؟؟
رعد ضحك: منزمااان
شهد : الله يقلعها ساندي قلت لها ان جات لين اطلعي وعلميني ولا طلعت
رعد ضحك: بتنزلين؟
شهد : اكيد بس بلبس وبأجهز انت بتجلس هنا؟
رعد انسدح على سريرها: اخخخ فراشتس مُرييحح اكيد بجلس هنا ابلشني سند بطلباته تزوج وعجّز زياده
شهد ضحكت: تمام

دخلت تبدّل ملابسها لـ فستان ناعم لونه بيبي يَلو وفتحت شعرها نص وحطّت بلشر خفيف وقلوس ورسمت ايلاينر يبرز عيونها الخضر