جيتك من أقصاي .. وأنا صدري شمالي

البـَارت الواحـِد والخمسـُون

.

.

.

< في نفس اليوم>

جت المصورة و جسـّدت الذكريات الحلوه اللي صارت في هذا اليوم المليء بالمشاعـِر وكانت افضل الليالي بالنسبة لـ عبدالرحمن &شدن لحد الآن

<الساعة٢:٣٧ صباحًا | عند القاعة>

الكل رجع لبيته

ركبت السيارة:سلاام
مطلق باستغراب:مضيعه؟
لين ضحكت:سيارة زوجي؟؟
مطلق:الا
لين:كيف مضيعه؟
مطلق:تبين اوصلتس عند اهلتس السيارة ما وسعت لتس؟؟
لين: لا والله بغيت اعـوّد معاكم عشان اساعد البنات بكرة بيحتاجوني
مطلق ابتسم ابتسامة واسعه: حيااتسس تنورين الدار

ركبوا البنات ولين رجعت ورا عشان مقرن وكان طريق الديره صمتت وكل وحده متكية على الثانية نايمة

وصلوا
هيلة:يمه يابنات قوموا
مطلق لف وشافهم ضحك وصوّرهم:خليهم بشيلهم
مقرن ابتسم:يايبه ماعدهم مثل اول
مطلق:يبه هذا طبعي من الأول وانهم عادهم صغر بعيني -نزل وشال وحده وحده فيهم ينزلهم في فراشهم رجع وشاف لين تاخذ شنطتها بتنزل وكانت بتطيح سرّع خطواته وثبتها- وشفيتس؟
لين بدوخه:مطلق عاوني احس الدنيا تدور في عيني

مطلق شالها ودخلها لغرفتهم ابعد كعبها وعبايتها سدّحها على فخذه ومسـّح لها مكياجها،وساعدها في تبديل ملابسها

راح بدّل ثوبه ولقاها جالسة ومرتكية بظهرها
مطلق بقلق:لين يقلبي تحسين بشيء؟
لين ابتسمت له: لا حياتي بس عشاني ما اكلت زين وشربت قهوة كثير
مطلق بحدة:شاطره صرااحه وليه ما اكلتي حضرتك؟؟
لين:ماكان لي خلق
مطلق:مو بكيفتس بأروح وبأجي لا تنامين
لين:تكفى لا تطلع ولا مكان مو مشتهية
مطلق:قلت اللي عندي

طلع مطلق ودخل المطبخ رفع ثوبه يربطه على خصره ويبحث عن شيء يطبخه لها سوّا لها مكرونه على السريع وحط معها قطع دجاج وجابه لها

لين ضحكت:الله الله عالدلع
مطلق تربـّع عالسرير: يلا سمّي بالله وكلي
لين: بسم الله-اخذت لقمه-لذييذ بس مطلق
مطلق: سمّي
لين:شوف هو والله حلو مره بس حطيت ملح؟
مطلق صفق راسه بنسياان:يوووه نسسيييت
لين ضحكت:يلا مايخالف عشان الضغط ما يرتفع

اكلت وخلصت رفـّعه ورجـّع كل شيء انسدح على سريره تتوسط حضنه لين وناموا ....

< اليوم التالي| قبل المغرب>

الرّيم ضحكت بعلو صوت لدرجة طاحت على ارضية المطبخ: عنووود خلاااص
العنود وهي تضحك زيها:والله العظييييم تفششل

لين جت على صوت ضحكهم وضحكت:مساء الخيير.. بناات ضحكوووني وش العلمم
العنود جلستها بجنبها على الارض: تخيليي من ضافني وتهاوشت معه يحسبني شهد