جيتك من أقصاي .. وأنا صدري شمالي

البارت الثـَاني والعشـرون

البارت الثاني والعشرون

.

.

.
<اللهم اعفو عنا واغفر لنا ولوالدينا وللمؤمنين اجمعين >

ذيب: الحمدالله اوضاعه تمام بس منتظرين يفوق
عبدالله:متى يفوق يولدي؟
ذيب: والله العلم عند الله لكن نقول ان شاءالله قريب
سند تقدم :بيكون فيه مضاعفات
ذيب:لحد ذالحين ان شاء الله مابه شيٍ

عبدالرحمن طنشهم كلهم وتقدم عند يد صقر ومسكها بقوه ونطق بغصه ذبحتهه:انا عننددك يااخويي جييتك اوول مادرييت

طلعوا كلهم بقو صقر واخوانه
سلطان : دحوم خلاص يحبيبي ان شاءالله بيصحى
عبدالرحمن:مقددر مقدر تكفى ياسلطان بأتنوم معه تكفى
سلطان بقل حيلة:خلاص ياابوي باجيب لك اغراض تبي شيء
عبدالرحمن:بس جيب لي شي اتدفى به وسلك الشاحن
سلطان باس راسه:ابشر واستقوي ياخوك خلك قوي الدنيا تسذا تاخذ اللي يعز علينا

طلع سلطان:بأروح اجيب اغراض لعبدالرحمن بيترقد مع صقر
عبدالله:خله يرجع البيت وانا ببقى يولدي
سلطان ابتسم بتعب:لا ياعم مستحيل يتحرك عبدالرحمن الا بصقر
ذيب:الله يخليكم ويرجال اقلطوا عندي وارتاحوا عندي احسن من الفنادق
عبدالله:ماتقصر يالذيب ونعم الخوي والله بس خلها مرةٍ ثانيه خيرها بغيرها
ذيب:والله اني حلفت اهل الصقر اهلي وانا قد قلت لابوي واخواني عيب تردوني
سلطان:نرجع ونبدل وان شاءالله خير
ذيب:هالله هالله خلاص بارسل اللوكيشن على جوالك وانتظركم
سلطان:ابشر

<عائله الذيب>

حمـَد:والد الذيب مقاول كبييير فالسن،راعي حق وواجب وحبيييب
مناهل:والدته تصغر حمد بكم سنه ،تحب عيالها حبب جنوننيي وحريم عيالها مره تحبهم وطيبببه على نياتها

أحمد:بـِكرهم عمره٣٦ لواء في النطاق العسكري على الحدود الجنوبية متزوج بنت عمه نورة وعنده ولدين .
نايف:ولدهم الثاني يعشششق شيء اسمه خيوول وهو خيال مااهر جدًا وعنده اسطبل خاص فين وعايلته عمره ٢٩سنه*مو متزوج*
نواف: الثالث أكبر مهايطي في الحيااه يشتغل في العقارات مع ابوه متزوج* اخت نورة الصغيره نُهى وعندهم بنت صغنونه عمره٢٨

ذيب:خوي صقر وتم التعرف عنه في البارتات السابقه
جميلة:اختهم الكبير جت من بعد أحمد ،محبوبه لكنها شخصيتها دايم جاده وعقلانييه ،ساكنة بمكة متزوجة من خارج العايله واسمه ماجد وعندها بنت ولد عمرها٣٥.
مَلك:عنقودهم عمرها ١٩ سنه خريجة ثانوي اهبلل وحده بالبيت من بعد ذيب ونواف طبعًا تربيتهمم

<وبس والله>

بضحك ملك:ذيببببووههه
ذيب جاء وجه واضح عليه التعب:هاا ياملك وش فيش
ملك كشرت:لي فترة ما شفتك وتقول عني كذا ارحب فييك انا ارحب فييك
ذيب:والله ياملك حددي تعباان جهزوا المجلس جايين الرجال
ملك:لحووول انت رجالك ما يخلصون تعبت وانا انظف
ذيب ناظرها بنص عين:خلي حريم اخوانش يساعدونش طيب
ملك تقدمت له:ما ابي دبر نفسك
مسكها من اذنها:شوفي باروح اخذ دش وانزل وما القى القهوة والشاهي جاهزين باذبحش تفهمين