جيتك من أقصاي .. وأنا صدري شمالي

البـَارت الخمـســُون

.

.

.
<الحمدالله>
شهد نزّلت النظارة: اسمعي يا طويلة العمر
سند صغّر عيونه:لحظة انتي يا طويلة العمر هذي نظارة مين؟
شهد ضحكت:نظارتك
سند رفع حاجبه:احلفي؟؟
شهد:الحين اصه خلني اكمّل - لفّت على نجد- نجدي قام يقول ذاك انه ادرس معه طيران ميداني والجامعة حق اللغات والترجمة قبلتني وانا محتارة ايش اختار

نجد ضحكت يوم قالت ذاك وعرفت انها مستحيه تقول اسمه: طيب اسمعي
شهد :سمّي يا عروق قلبي
سند وسّع عيونه: بنتت
شهد:يالييل يا سندد
نجد: انتي ايش درستي؟
شهد: طيران في ارامكو
نجد:وظيفة صقر ايش؟
شهد: طيران عسكري ودكتور في الطيران حق ارامكو
سند :وبيرقونه عشان يصير طيّار ميداني فيها
شهد وسّعت عيونهاا:كذااااب
سند انخرش :يممه اييه -هبدها- لاعاد تبقبقين عيونتس كذذاا
شهد عضّت على شفتها لحظات وشافت ابوها جاي من برا ضحكت بصوت عالي وقامت له: عرفتت جوابي
سند ناظر امّه :هذي شفيها مطيوره كذاا؟
قمراء ضحكت :والله يامّك مدري عنها
صالح:وش هو جوابك
شهد :بما اني كنت ادرس طيران فخلاص بأكمّل طيران ميداني
صالح صغّر عينه: عشانه؟
شهد بخجل: لا بس عشان احب السّماء
سند : تسذووبهه اصلًا من متى تقولين-قلّدها-السمّاء دايم تقول سماء ولا عشان الغيوم
شهد لفّت عليه:وانت وشفيك اليوم علَي
سند ضمّها:من حبك سبّك
شهد:الله لا يعوده
صالح:جهّزي نفستس ملكتس يوم الخميس
شهد وسّعت عيونها:ياارب تمززح
صالح ضحك:لا والله ما امزح
شهد جلست تحسب:باقي اربع أيام
قمراء:يماما اهدي مو الخميس هذا الاسبوع اللي بعده
شهد : بابا تتوقع بيمدي؟
صالح: يمدي يمدي بكرة -خبط كتف رعد- يقوم معتس الشيخ وتجهزون سوا
رعد :انا مانيب شيخ وليه مو توأمها؟
سند:ترى شوف انت تداوم انا ادوام كلنا نداوم
شهد :ماما ونجد شرايكم ناخذ خاله شيخة وشدن ونجهّز سوا ب سياارااتناا
نجد ضحكت: تصدقي فكرة تجنن
قمراء:ايه والله
رعد وهو متشّفق على شهد انها بتتزوج: لا لا خلاص بوديتس انا ودي اجهز معتس
شهد ضمّته:حبيبي انتت
سند بغيرة:افف حتى انا والله ما يُهون علَي-ضمها وهبدها-تسلبهه
شهد باستهم:شكرًا

-

خلال الأسبوع الأول كلٍّ مشغول في تجهيز اغراض ملكته ومشغولين عن بعض

-
<في السّوق>
العنود والرّيم كانوا مبسوطين انهم يجهزون سوا لملكتهم

مطلق وهو يشوف الرّيم العنود ولين:اقولكم وش شعوري الحين؟
لين ضحكت:تكفى مطلق كل شوي نصيح على بعض لا شكرا
العنود وهي تاكل الكريسبي:اتفقق
الرّيم مسكت كتفه:معليك منهم انا ابغى ابكي
مطلق ضحك:والله شعوري لا يوصف بناتي حولي وثنتين منهم بيتزوجون انتو اللي ربيتكم وتمرجلت عشانكم واللي كنت اجلس عندها قبل تنام لان حضرتها تبي تسولف ولا الثانيه عندها طريقة جديدة للشعر وتجي تطبّق على شعري ولا يوم تتفقون ثلاثتكم على طبخة واجي اذوقها