جيتك من أقصاي .. وأنا صدري شمالي

البَارت الثاني والستين

.

.

.
<اللهم جبرًا اللهم عفوًا>

<صباح يوم التالي>

صحى من النـّوم بحيوية لف لها وشافها باقي نايمة بعمق تقدّم يبوسها في خدها وقام عشان يتروّش

أول ما دخل وسمعته قامت لانها صحت وبعدها بشوي هو صحى وهي تناظر حولها ابتسمت تعض شفتها بخجل:حقيقه!!

اخذت جوالها ترد على اللي يبارك لها وارسلت لأمها ودخلت قروبهم

ملك:وش دخلش ياعروسة روحي لزوجش
شهد:بالحمام يتروّش وانا توني قايمة
نجد:شهد تكفين فهمت اللي قُلتيه لي يوم زواجي
شهد ضحكت وسجّلت صوت:تستاهلين شفتي كيف الدنيا دوّارة

طلع صقر على صوت ضحكتها:ياصباح الخير وصباح صوت الضحكات من معشوقتي
شهد ابتسمت بحب:صباح النور يعيوني نعيمًا
صقر:ينعم عليتس وش مضحكتس!
شهد علّمته:تستاهل بس محزّني انها حامل
صقر:والله قلت لهم ماله داعي لكن عمي صالح الله يهدية
شهد:يحبيبي هو فرحان
صقر:ايه بس تراه مو حبيبتس
شهد رمته بالمخدة:آجل انت!!
صقر انلخم و رَد بصدمة:ومنهوو!!
شهد :اخواني وابوي حبايبي

صقر جاء بيقوم لها وفزت تركض لـ للحمام وسكّرت الباب ضحك عليها وراح يصلّي

بعدة عدّة دقائق جت بتطلع وتوّرطت لان ملابسها برا ناظرت المنشفة لبستها وطلعت مستعجلة مالقته موجود جت عند الشنطة وكانت منزله نفسها عشان تطلع لها ملابِس وفزّت من سمعت صوته رفعت نفسها واخذت ملابسها:انت هناا؟؟

صقر ابتسم:بس رحت اشرب مويا-تقدّم يضمها-يااخيي والله مدري وش اقول
شهد ارتفعت حرارة جسمها:صقر المنشفة!!

صقر وهو ما يبي يضغط عليها ابتعد ودخلت تبدّل لـبست فُستان عودي وطلعت عشان تنشّف شعرها وبدَت تحط لمساتها الفنّية تحت نظرات التآمل

شهد بتركيز:صقر حبيبي المبخرة لاهنت بجيب الشنطة
صقر:هاااه؟؟
شهد:المبخرهه
صقر رجع لواقعه:طيب-طلّعها-معتس بخور؟
شهد:مالقيت معها؟؟-تلبس الحلَق-
صقر باستغراب:لا
شهد جت تدوّر وبقهر:افف لايكون نسيتها
صقر:عادي عيوني معي عوده انتي خلصتي؟

شهد:يب وشرايك؟؟؟-دارت حول نفسها-
صقر حاوط خصرها:كالعادة مُهلكة يا كُل مُنااي
شهد باست خده بعفوية: صقري تتعبني بهذا الكلام المعسول
صقر:والله يعيون صقرتس انتي ما ترحمييين!!
شهد:اجهّز لك شيء؟
صقر:لاحبيبي اغراضي جاهزة بروح ألبس-راح يلبس ورجع يضحك-في دقيقتين
شهد :احسدكم تخلصون بسرعة وتهبلونن
صقر نقر انفها:انتي اللي تهبلين ..مشينا؟؟
شهد:لا قرّب ابي نتصوّر و أبخرك بعد

قرّب منها ولقطوا كم صورة
شهد ناظرت عيونه:تدري الفترة الاخيرة صرت اركّز في عيونك ماشاء الله تجنن ياخي حبيت ان انت عيونك غامقه وانا فاتحة
صقر:اقربي خليني اصورهم -صوّر عيونهم-ها لفّي خليني ابخرتس