جيتك من أقصاي .. وأنا صدري شمالي

البارت السـّابـِع

البآرت السابع

.

.

.
<*اللهم صل وسلم وبارك على نبينا محمد*>
صالح حس بصداع من اللي سمعه وكيف ان بنته كان بتروح منه بلحظة: والحين وش السواة
صقر :معليك يعمي توقعت انه بيرفع بلاغ فأخذت تسجيل من كاميرات عمي عبدالله وبيشوفونه دفاع عن النفس
سند التفت عليه: والله انك كفو
صقر :داري اني كفو وانا أخو دحييم
سند:انقلع-التفت على مطلق-وانت يا خواف انا خويك المفروض توقف معي
مطلق حك راسه:انت خويي واخوي لكن وربي ابوك خرشني
صالح نزل من السيارة:سند امسك نفسسك منتت ببزر تنفلت حنا بمركز شرطة
سند استغفر:ابشر يبه
-
دخلوا المركز وصارت نقاشات لا نهائيه وطلعوا انهم يقدرون يخلون التسجيل اللي معهم لصالح سند لكنهم مضطرين يخلونه بالتوقيف للصبح ،طلب سند اغراضه وكتبه عشان يذاكر لمّا يخلص الظهر عنده اختبار
-
وصلوا صالح للبيت ونطق صقر:معليك يعمي بتتيسر
يوم دخل البيت لقى شهد وامها ورعد جالسين بالصالة راح بسرعة وضم شهد وهي فهمت انه عرف وانفجرت تبكي،:لا باااس يرووح ابووتس لا بااس يعنقود البنات

قمراء:بسم الله وش فييه ياا صالح
شهد:يبهه ويننه سنند قلبيي ناغزني والله انه ضاايق ويننهه
صالح باس راسها بحنية:معليتس يحبيبي اجلسوا باقولكم شيء

قمراء وقلبها ناغزها على ضناها وهي من اول حاسه ان فيه شيء: الله يستر
صالح بهدوء وقال كل السالفه:وبكرة الصبح المحاكمة وان شاء الله ماعليه خلاف
رعد وهو صار اخس من سند لاعصب:شييين وقووواة عييين جعلهه المااحي
قمراء ببكاء:يوييلي على ولددي لحالهه هنااك
صالح:استهدي بالله يا قمراء ولدتس بخير وانا محرّص عليه اعتبريه عند مطيليق ولا صقر

شهد قالت بهدوء غريب:كله بسببي طيب شلون بانام بأكون خبيثه لو كذبت على نفسي انه عندهم وبخير وانا قلبي ناغزني انه متضايق تعشى ولا لا وبكره عنده اختبار سندد اعررفهه مستحيل يذاكر كوويس وهو شايل هم شييء يبه ما اقدر والله ما اقددر

رعد ضمها بحنية:معليه يا اخوتس سند تراه رجّال وحن ورااه وبعدين لو ما نمتي بيفيده؟ لا بيطلعه؟؟هم لا بعدد ،وبيزعل لو درا انتس ما ذاكرتي وانتي عندي اختبار يلا يحبيبي روحي ارتاحي
شهد بدموع:رعدد تعاال معي يالرعد باكذب علي وعليك لو قلت اني باسمع الكلام
-
طلعوا لغرفة شهد وصالح طلع ينام وقمرا طلعت الغرفة لكن فرشت سجادتها وجلست تطلب وتدعي ربي ان يحفظ ولدها من كل شيء يؤذيه ويبعده عن طريق السوء وعن اصحاب السوء.
-

<المدينة|بيت ماجد>

طلعت من غرفتها ونزلت وهي قررت تعلم امها واخوها باللي حصل معاها لان مو قادره تطلعه من راسها
مؤيد:مسسااء الليل يبنتتي
نجد ابتسمت ابتسامة مزيفة:هلا، ابغى اقولكم حاجة صارت لي اليوم
وفاء:اهرجي يبنتي انا شلت هم من طلعتي لغرفتك المغرب
نجد :فيه واحد جاء مكتبي بعد ما خلص القضيه وقال انه صديق ..-سكتت وهذي تقريبًا اول مره تنطقها من بعد ما كبرت وعرفت انه ابوها ميّت-