جيتك من أقصاي .. وأنا صدري شمالي

الثامـِن والأربعــُون

البارت الثامـِن والأربعون
.

.

.

< بسم الله >

<غرفة شهد>

طلعت من عند عبدالرحمن علطول لغرفة شهد وجلست طرف السرير وماسكة جوالها سوّت له بلوك بيدين راجفة وهي خاافت كثيير ماتدري من اييش وبنفس الوقت فرحاانه

شهد حسّت بأحد على فراشها قامت بخفيف:شدن؟؟
شدن مسحت دموعها: هلا حياتي صحيتي؟؟
شهد :ايوه وشفيتس تبكين؟
شدن ناظرتها وقامت تضمها وانهارت تبكيي شهد ضمتها بخوف وبصدمة:شدوني ياقلبي وشفييتس ليه الدموع فيه احد مسوي لتس شيء فيه شيء يوجعتس
شدن هزّت براسها و وردّت بين دموعها: اوجعته بردة فعلي اوجعتهه
شهد بعدم معرفة:اوجعتيي ميين
شدن جلست قدامها وسكتت
شهد عرفت انها خايفه مسكت يدها: شدن يحياتي تكلمي والله محد يسوي لتس شيء خايفه من ردة فعلي..
شدن هزّت راسها بإيوه
شهد ضمتها تطمنها: تطمنيي ردة فعلي بتكون عادي -غمضت عيونها بعبط-يعني يمكن يمكن انفعل شوي
شدن هبدتها بخفيف: شههد
شهد ضحكت:احح امزح معتس قولي اوجعتي مين
شدن عضت على شفتها:عبدالرحمن
شهد بعدم استيعاب:عبدالرحمن؟ كيف
شدن سكتت شوي وعلمتها بكل شيء: وصدمني يوم قال لي كلّمت ابوي بخطبك احسني خفت طيب ودراستي؟
شهد كانت تسمع بصدمة: احمدي ربّك
شدن:كـ. كييف؟؟؟
شهد:احمدي ربك وهو قال بيخطبك وعلّم اهله وانتي كان عندك عادي تكلمينه حتى تتخرجين؟ وتدرين انه قليل اللي يسوون فعلته ويوم جاء يقولك بديتي تستوعبين انه خطأ وطلعتي بردة فعل غبيه

شدن بحزن: انا من اول اعرف انه غلط بسس يا شهد كل مره نتفق انه نبعـّد عن بعض ما نحـس إلا وحنّا غرقانين بهمومنا سوا
شهد بتفكير:مين اللي دايم يبادر ويجي؟
شدن بصدق: الصراحه كلّنا لكن الاكثر هو
شهد:مين اللي كلّم أول وبدا تواصل
شدن:هو
شهد:واعترف؟؟
شدن: ايوه
شهد سكتت للحظات:قومي توضـّي وصلّي
شدن باستغراب:اصلي ايش؟
شهد:استخاره يماما قومي يلا

قامت شدن وتوضـّت عشان تستخير في موافقتها عليه وشهد قامت تحوس في مكانهـَا تفكّر بطريقة لـ الردّين سواء موافقه او لا

<بعد ساعة تقريبًا |عند الرجال>

صقـِر:مدري رمى جواله وطلع
نايف: صقر اخوك طلع مع سند وهو مبسوط رجع لحاله ومتنكّد صدقني لها دخل
صقر فكّر بكلام نايف: صحيح
سالم جاء من برّا :يا صقيّر دحمي وينه؟
صقر بربكة: والله يبه مب هنا
سالم:دق عليه وخلـّه يجي
صقر: بس جواله هـنا
سالـم باستغراب: غريب مخلّي توأمه
نايف: يمكن انه قريّب -قام-بأروح ادوّر له
سالم:طيب
صقر قام:بجي معك

قدهم طالعين جاء سند:على وين؟
صقر:بنشوف دحيم وبنجي
سند:تم لا تبطون نبي نطلع
صقر :تمام

طلعوا وركبوا السياره
صقر:تتوقع وش صار..
نايف وهو يسوق:اكيد شيء كدّره مـ..-سكت شوي-ولد ما كأنها سيارة دحمي
صقر انقبض قلبه وما يبغى يلتفت:تكفى لاتقول في السيارة شيء مب طبيعي
نايف بعصبية: لا مابه شيء والولد صافط هنيّا-وقف ورا السيارة -انزل