جيتك من أقصاي .. وأنا صدري شمالي

البارت الخـامِس والثلاثون

.

.
<آستغفر الله>

احمد دخل مراد السيارة وسكّر الباب:هيا انقلع وتلايط بمكانك نتقابل عند عمي هيا اخلص

ابراهيم فز لـ لين يشيلها للمستشفى ومعه الرّيم ومطلق

سند التفت على اهله طالعين قال بضحكة:الله وش فيكم ؟؟ خلصت حفلتكم
غزيل:وين خالتك؟؟
سند:خذاها ابراهيم وراحوا للمستشفى
قمراء:ادخل اتفق مع العمّال وحن راجعين مع البنات
نايف تقدم:معليش ياخاله اعذرونا عاللي صار
قمراء التفتت له وبحنية:معليك يوليدي حصل خير

نواف:ترى يا خاله هي كذا مرَة عمي عوباا وجهها هي وعيالها مب وجه طلعات يجيبون المِر
قمراء ضحكت:جب اهلك لعندنا البيت يا ولدي مساكين ما تهنّوا
نايف:خيرها بغيـرهـ....

سند هبده:اقول لا يكثر شل اهلك انت والحق سيارة خواتي والباقي يبقون يساعدوني

طلعوا كلهم وتقسمّوا في سيارة شدن وشهد ونجد

<سيارة نجد>
نجد:افف دحيين انا عروسه ليه حصل كدا
وفاء ابتسمت:معليك يا امي ان شاء الله العرس يكون احسن

<سيارة شهد>

غزيل :يمه ودينا للمستشفى عند بنيّتي
هيلة:ايه يمه تكفين
شهد:كيف أوديكم وحن كذا كاشخين و اهل الجنوب ورانا
غزيل:وصلينا دون تنزلين
شهد:وهم يلحقونا للمستشفى؟ مايصير ..
غزيل :وقفي على جنب وعلّميهم ان وافقوا كان بها وان رفضوا نوصلهم ثمًا تودينا

شهد وقفت وهي مستحيه

<سيارة نايف>

نايف باستغراب:وراها وقّفت
مناهل:مدري
مَلك :وقف وخلني اشوفها
نايف بضحكه:طيب يا مالك
ملك بقرف: كل تبن مانيب مالك الله يشله

نايف وقف السياره لجهة ملك

ملك بابتسامة : امري شهود
شهد بخجل: حبيبي ما يأمر عليتس عدو اسمعي امي غزيل وخالتي هيلة يبون اوصلهم للمستشفى ثمًا نرجع حن للبيت اسألي اخوتس تلحقونا نوصلهم ولا نوصلكم بعدين اوصلهم؟

مناهل فتحت الدريشة:لا يمه امشي وحن نسير وراش ما بيصيدنا شيء وحن اللي متسببين بكل شيءء
شهد بنفي: لا ياخاله مالتس دخل بشيء وحصل خير -ضحكت- لقينا شيء عشان تجون لنا

مناهل التفتت على نايف:ها شقلت؟
نايف ناظرهم بنص عين:انتو قررتوا وخلصتوا خلها تمشيء للمستشفى
مناهل ضحكت : خلاص امشي للمستشفى
شهد:يلا اجل بس يعرف اي مستشفى؟

نايف بعلو صوت: المستشفى *****
شهد :تمام-سكرت الدريشة ومشت-

مناهل لفّت لولدها: الا نايف اقولك
نايف:سمّي
مناهل: انت تعرف اخوها شلون هم؟
نايف باستخفاف: لونهم ذهبي مع رمال نجد العذية
ملك:يا سخفكك
نهى:ايييه مرره سخييف
نايف:انتو اسكتو لا الحق بكم اللي بالمستشفى
نهى بتهديد:حرام ماتقدر تلمسني حتى كذها-تأشر على كتفها- والله لـ يدعسك نوافي وخليه يعلمك كيف ان الله حق