جيتك من أقصاي .. وأنا صدري شمالي

البارت الأربعـِين

<قبل فترة>

سند جاه اتصال وكان توّه صاحي من النوم:الو السلام عليكم
زياد:وعليكم السلام معي سند صالح؟
سند باستغراب:ايه تفضل من معي ؟
زياد بخبث:انا واحد معك بالجامعة اسمي زياد
سند جلس: اهلا بس معليش ماعرفتك
زياد:ودي اقابلك وبتعرفني ان شاء الله
سند: بغيت شيء؟
زياد: تعال المكان الفلاني وبتعرف كل شيء يسرك-سكّر-

ناظر بجواله باستغراب وهو يجهل الشخص ذا طلع من غرفته
قمراء:تعال يمه تغدّا معنا
سند:متواعد مع مطلق تامروني على شيء
قمراء:استودعتك ربي
صالح:انتبه لنفسك
باس راس امه وابوه:ابشروا شهود تبين شيء؟
شهد: لاحياتي مشكور

طلع سند و كان مطلق واقف برّا
مطلق:حيالله سند
سند: الله يحييك وشلونك؟
مطلق:الحمدالله
سند: مطلق خلنا نروح عـ ذا اللوكيشن وبأعلمك بشغلة
مطلق:تمام
ارسل له وعلّمه

وصلوا للمكان وقابلوا زياد

زياد:شلونك سند
سند وهو مو مرتاح: الحمدالله بس معليش ماعرفتك ما اذكر اني شفتك
زياد :وش تشرب؟
سند استغرب انه طنّش سؤاله: ما ابي شيء
زياد ناظر مطلق وهو جاهل هويته:وانت؟
مطلق وهو مو عاجبه زياد بكبره:مطلق
زياد:اعذرني عشاني ماعرفت اسمك
مطلق: ما ابي شيء

سند:وترتني وشتبي يا خوي؟
زياد:انتظر الين تجي القهوة ونروّق

كان جلستهم غريبة لحد ما جاء طلبه واخذ كوبه شرب شوي
مطلق:ماهيب علومٍ كويسة دامك تماطل بالحكي تسذا
زياد بكل برود وثقه: طلّق نجد ولا بتندم
سند وسّع عيونه عالآخر:نعم؟؟
زياد: اتهجاها لك؟ ط ل ق ن ج د طلق نجد برضاك
سند عصّب ومسك ياقته:خييير من انت عشان تجيب اسمها على لسانك؟؟
زياد فك قبضه سند وعدل ياقته: انا زياد ولد ضاري ابوي امتلت عينه بالدراهم بس انا عيني ما تمتلي الا بها
سند عطاه بوكس: اخسس واقططع قطعوا لسانك
زياد مسح فمّه: قلت اللي عندي متى تنفذ

سند انجن لف على مطلق اللي مجلوط من زياد:مجنون ذا؟ تسمع وش يقول

مطلق: ياعمي معليك منه امش وخلّه هنا

بعدها فترة لقبل الزواج بيومين او ثلاثه

رايح كوفي بعد ما خلص اشغاله وتأكد من اشياء الملكة نزل وكان فيه مجموعة شباب موجودين وشكلهم مُريب طنشهم وجلس على الكرسي ويشرب بهدوء

جاء شخص لابس كاب وكمامه:سويت اللي قلت لك عليه ؟ ولا صامل يكون بعد بكره؟
سند رفع عينه:عفوًا؟
زياد نزّل الكمامة:ما عرفتني؟
سند تفجر من العصبيه بس متمالك نفسه بالغصب: انت وشتبيي بالضبط طلااق انسى انيي اطلقها تفهم ولا لا؟؟ واكفني شرك ياولد ابوك وقم عنّي
زياد باستفزاز:بتطلقها وانت تضحك البنت لي وقضينا

سند ماقدر يتحمله وهذا كان مُبتغى زياد قاموا تضاربوا بشده وما فكوا بينهم الا اللي موجودين بالكوفي رجع البيت وهو مهلوك