MINE [ Completed ]

MINE-24

" ဂျွန်ဂျောင်ကု! အဲ့တာမင်းလွန်လို့ဖြစ်ရတာ..
ဂျီမင်းကိုဆို မင်းက အမြဲမစာမနာ အနိုင်ကျင့်တာ..ကလေးကိုပါ ဖျက်ချဖို့ပြောလိုက်တော့ ဟိုကစိတ်တိုမှာပေါ့.."

" သွားတော့ထယ်ယောင်း... အကူအညီမရပဲ ဆရာလာလုပ်နေမယ်ဆိုပြန်တော့.."

" ကျေးဇူးကန်းတဲ့ကောင်..! ဂျီမင်းရေပြန်မလာပါနဲ့ ယောင်္ကျားသာယူနေ! "

" သေချင်နေတာလား! ကင်မ် ထယ် ယောင်း!! "

" သွားပြီ! "

ဟာကွာ! ဒုန်း!!

၈လ...  အခုဆို ၈လရှိနေပြီ..ဂျီမင်းပျောက်သွားတာ...  ဂျောင်ကု လူတွေသုံး၊ ငွေတွေသုံးပြီး ကြိုးစားကာရှာနေပေမယ့် အစအနပင်ရှာလို့မရခဲ့ပါ...

ကိုယ့်ကို အရမ်းများစိတ်ဆိုးသွားတာကလေးရယ်... ကိုယ့်ကို ဒီလောက်ပဲ အပြစ်တွေပေးပါတော့ကွာ...

ဂျောင်ကု ထိုကောင်လေးပျောက်သွားပြီးကတည်းက သူ့ပုံရိပ်လေးတွေ..သူ့အသံလေးတွေကို ခဏခဏကြားယောင်ကာ လွမ်းရသည်။ သူ့ရဲ့ချွဲချွဲနွဲ့နွဲ့အသံလေးတွေကို ကျွန်တော်ဘယ်လောက်ထိလွမ်းလဲဆို..ပြောမပြတတ်အောင်ပါပဲ...

ကျွန်တော်မသိလိုက်ခင်မှာပဲ သူ့ကိုသိပ်ချစ်မိသွားခဲ့တာကိုး... ရင်ဘတ်ထဲကအနက်ရှိုင်းဆုံးနေရာထိဝင်ရောက် တွယ်ငြိသွားခဲ့တာ..

ကိုယ် မင်းကိုသိပ်ချစ်ကြောင်းတောင်မပြောလိုက်ရပါလား..ကလေးရယ်... ကိုယ်ဘယ်လောက်အထိချစ်တယ်ဆိုတဲ့အကြောင်းကို ပြောပြီး မင်းနဲ့အတူမိသားစုဘဝလေးကို ကိုယ်ဖြတ်သန်းချင်တာပေါ့... ကိုယ့်ဆီပြန်လာပါတော့ကွာ...

ဂျောင်ကု ဖုန်းမှန်ပြင်တွင် wallpaper ထားတဲ့ပုံလေးကိုကြည့်ကာ မျက်ရည်ကျမိပြန်သည်။ ထိုကောင်းလေး ဖျားနေတဲ့အချိန် ကိုယ့်အခန်းထဲအိပ်နေတုန်း အသဲယားစွာရိုက်ယူထားတဲ့ပုံလေး... ဂျောင်ကုလက်က သူ့ရဲ့ခပ်ရဲရဲနှုတ်ခမ်းလေးကိုဖျစ်ညှစ်ထားသေးတာဖြစ်သည်။

ကိုယ်မင်းကိုအရမ်းလွမ်းတယ်....

ထိုဖုန်းမှန်ပြင်မှာ ရှိနေတဲ့ ထိုကောင်လေးရဲ့ပါးပြင်နုနုကို အနမ်းပေးလိုက်သည်။ ကိုယ်မင်းရဲ့ပါးပြင်နုနုကို ထပ်ခါထပ်ခါ အနမ်းတွေပေးချင်သေးတာ ကလေးရဲ့...