#Unicode
Kim Tae အားနေတာကြောင့် ဦးငယ်ရဲ့Companyကိုလိုက်လာခဲ့လိုက်သည်။ ကျောင်းနှင့်အိမ်သာ ကူးသန်းပြီးအချိန်ကုန်နေရတဲ့ Kim Taeအတွက် ဦးငယ်ရဲ့ Company ကိုရောက်လာရသည်က စိတ်လှုပ်ရှားဖို့ကောင်းသည် ။ Kim Tae ရင်တွေခုန်နေမိ၏ ။
"အာ အစ်ကိုလေး Kim Taehyung ... မင်္ဂလာပါရှင့်"
Kim Taeကိုသိနေပြီးသား ဝန်ထမ်းမလေးက နှုတ်ဆက်သည် ။ Kim Taeလည်း အလိုက်အထိုက်ပင်ပြုံးကာ တုံ့ပြန်ပေးလိုက်သည် ။
"ဦးငယ်ရှိလား "
"ရှိပါတယ် Bossက ရုံးခန်းထဲမှာပါ ။ လုပ်ငန်းရှင်တစ်ယောက်နဲ့ ဆွေးနွေးနေပါတယ်"
"အင်း ။ ဒါဆိုရင် ကျွန်တော် ဒီကပဲထိုင်စောင့်လိုက်ပါ့မယ်"
Kim Tae အနှောင့်အယှက်မပေးလိုတာကြောင့် ငြိမ်သက်၍သာစောင့်နေလိုက်သည် ။ အတန်ကြာတော့ ရုံးခန်းထဲကနေ ဦးငယ်နှင့်အတူ အမျိုးသမီး တစ်ဦးထွက်လာ၏။ ထိုအမျိုးသမီးကို Kim Tae ကောင်းကောင်းမှတ်မိသည် ။ နိုင်ငံခြားသူ Lily ဆိုတဲ့အမျိုးသမီးဖြစ်၏ ။
Lily က ဦးငယ်ကို ပွေ့ဖက်နှုတ်ဆက်ပြီးမှ ထွက်ခွာသွားသည် ။
ထိုမြင်ကွင်းကြောင့် Taehyung ကြောင်အသွားခဲ့သည် ။ Lily ဆိုသောအမျိုးသမီးအတွက် ပွေ့ဖက်နှုတ်ဆက်တာက မထူးဆန်းဘူးဆိုရင်တောင်မှ ဦးငယ်အတွက်တော့ ထူးဆန်းသည်မဟုတ်လား ။
"Kim Tae ရောက်နေတာလား"
ဦးငယ်ရဲ့အသံကြောင့် Kim Taeရဲ့အတွေးတွေ ရပ်တန့်သွားခဲ့သည် ။ Kim Tae အလျင်အမြန်ပင် ပြုံးလိုက်ပြီး
"ကျွန်တော်ပျင်းလို့ လာခဲ့တာ"
"ဘာဖြစ်လို့ ဦးငယ်ကိုကြိုမပြောတာလဲ"
"ကျွန်တော်လာခဲ့တာက အနှောင့်အယှက်ဖြစ်သွားလို့လား ဦးငယ် ။ ကြိုမပြောရင် လာခွင့်မရှိတော့ဘူးလား"
Lily ဆိုသောအမျိုးသမီးကြောင့် Kim Tae စိတ်တွေမကြည်မလင်ဖြစ်လို့နေသည်။ ဒီကြားထဲ ဦးငယ်ကစကားများနေတာကြောင့် ဘောက်ဆတ်ဆတ်သာပြန်ပြောလိုက်မိသည်။
"အထဲဝင်"
ဦးငယ်က ထိုမျှသာပြော၍ ရုံးခန်းထဲကိုဝင်သွားသည် ။ Kim Taeလည်း ဦးငယ်ကိုအမီလိုက်လာခဲ့လိုက်သည် ။
YOU ARE READING
That Man:Kim Tae's U Nge(Completed)
FanfictionWarning!! - ဒီဇာတ်လမ်းထဲက Jeon Jungkookက တစ်ကိုယ်ကောင်းဆန်ပြီး အတ္တကြီးပါတယ် ။ သူ့ကိုယ်သူပဲကြည့်တတ်တဲ့ပုံစံမျိုးပါ ။သူလုပ်သမျှအရာအားလုံးကမှန်နေတယ်လို့ယူဆတဲ့သူပါ ။ Kim Taehyungကိုချစ်ပေမယ့် အဲ့ဒီအချစ်တွေကိုပေါ်လွင်အောင်ပြတာမျိုးမရှိပါဘူး (တစ်နည်း)အတ္...
