#Unicode
"အဲ့ဒီအမှန်တရားကိုသိခဲ့လို့လား Jimin... မင်းပြောင်းလဲခဲ့တာက အဲ့ဒီအမှန်တရားကြောင့်လား"
Jiminက Taeနှင့် မျက်နှာချင်းမဆိုင်ပေ ၊ ဘေးကိုအကြည့်လွှဲပြီးမှ "ဟုတ်တယ်"ဟု ပြန်ဖြေသည် ။
"မင်းကတော့ ငါ့ကိုနားလည်ပေးဖို့ ငါမျှော်လင့်ခဲ့တာ"
Tae ဝမ်းနည်းစွာပြောလိုက်သည် ။ အနည်းဆုံးတော့ Jimin သူ့ဘက်မှာရှိနေပေးမည်ဟု ထင်ထားခဲ့၏။
"ငါကလည်း မင်းကတော့ငါ့ကိုမလိမ်ညာဘူး ၊ ဖုံးကွယ်ထားမှာမဟုတ်ဘူးလို့ ယုံကြည်ခဲ့တာပါ Tae .... Ye Joonရဲ့ DNA စစ်ဆေးပြီး ရလဒ်ကိုသိခဲ့ရတုန်းက ငါဘယ်လောက်တောင်နာကျင်ခဲ့ရသလဲ"
အခင်ဆုံး ၊ အချစ်ဆုံးသူငယ်ချင်းကတောင် သူ့ကိုမယုံကြည်၍ အရာအားလုံးကို ဖုံးကွယ်ထားခဲ့သည်လေ ။ Jimin အတိုင်းမသိနာကျင်ခဲ့ရ၏ ။
"အဲ့ဒီအတွက်တော့ ငါတောင်းပန်ပါတယ် Jimin... ငါတကယ်သတ္တိမရှိခဲ့လို့ပါ ။ မင်းသိရင် ဦးငယ်ပါသိသွားလိမ့်မယ်လို့ထင်ခဲ့မိတာ... "
Taeမျက်ရည်တွေစီးကျလာခဲ့သည် ။ Jimin အထင်လွဲသွားမှာကို Tae စိုးရိမ်မိ၏ ။ အခုချိန်မှာ Taeကိုနားလည်ပေးနိုင်တာဆိုလို့ Jimin တစ်ယောက်တည်းသာရှိသည် ။
"ငါမင်းကို ယုံကြည်ခဲ့တာပါ Taeရဲ့ ... မင်းငါ့ကို ဘယ်တော့မှမလိမ်ဘူးလို့ ယုံကြည်ခဲ့တာ"
Jimin ကိုယ်တိုင်လည်း ငိုကြွေးနေခဲ့သည်။ အမှန်တရားကို စပြီးသိကတည်းက Jimin ကြိတ်ပြီးငိုခဲ့ရတာဖြစ်၏ ။ လိမ်ညာရက်လေခြင်းဆိုတဲ့အသိက Jiminကို ခံစားရခက်စေသည် ။
"ငါ တောင်းပန်ပါတယ်... ငါ့ကိုစိတ်မဆိုးပါနဲ့ Jiminရယ်"
Jimin၏ ခန္ဓာကိုယ်လေးအား Tae ပွေ့ဖက်လိုက်ပြီး တောင်းပန်နေမိသည် ။ အစပိုင်းမှာတော့ Jiminက ဒီအတိုင်းသာငြိမ်သက်နေသည် ။ အတန်ကြာမှ ပြန်လည်ပွေ့ဖက်ပြီး
"ငါ့ကိုထပ်ပြီးမလိမ်ပါနဲ့ ... နောက်တစ်ခါဆို အသေပဲ"
ဤသို့ဖြင့် သူငယ်ချင်းနှစ်ယောက် ပြန်လည်ပြေလည်သွားခဲ့တော့သည် ။
-
-
-
"Kim Tae .. ထပြီးတစ်ခုခုစား။ မနက်ကတည်းက ဘာမှမစားဘူးမို့လား ... အိပ်ရာထဲမှာပဲရှိနေရင် ခေါင်းတွေကိုက်နေလိမ့်မယ်"
YOU ARE READING
That Man:Kim Tae's U Nge(Completed)
FanfictionWarning!! - ဒီဇာတ်လမ်းထဲက Jeon Jungkookက တစ်ကိုယ်ကောင်းဆန်ပြီး အတ္တကြီးပါတယ် ။ သူ့ကိုယ်သူပဲကြည့်တတ်တဲ့ပုံစံမျိုးပါ ။သူလုပ်သမျှအရာအားလုံးကမှန်နေတယ်လို့ယူဆတဲ့သူပါ ။ Kim Taehyungကိုချစ်ပေမယ့် အဲ့ဒီအချစ်တွေကိုပေါ်လွင်အောင်ပြတာမျိုးမရှိပါဘူး (တစ်နည်း)အတ္...
