#Unicode
Kim Taeကို အိမ်မှာသာပိတ်လှောင်ထားပြီး Jungkook ကတော့ အလုပ်ဖြင့် တခြားတစ်နိုင်ငံကို ရောက်ရှိနေခဲ့သည်မှာ ၃လကျော်လောက်ရှိခဲ့ပြီဖြစ်၏ ။အိမ်ကအလုပ်သမားတွေကို Kim Taeအကြောင်း မေးတတ်ပေမယ့် Kim Taeနှင့်တော့ အဆက်အသွယ်မလုပ်ဖြစ်ပေ ။ ဒါကလည်းKim Tae အတွက် အချိန်လိုအပ်သည်ဟု Jungkook ယူဆတာကြောင့်ပင် ။ Kim Tae ခေါင်းအေးအေးထား၍စဥ်းစားနိုင်ရန် အခုလိုလုပ်ထားပေမယ့် လွမ်းတဲ့စိတ်ကို မဖျောက်ဖျက်နိုင်တာကြောင့် တစ်ခါတစ်ရံ Vd call ခေါ်မိသည် ။ သို့ပါသော်လည်း Kim Taeက သူ့ကို လျစ်လျူရှုထားခဲ့သည် ။ Jungkook စိတ်မဆိုးနိုင်သေး ၊ ဘာပဲဖြစ်ဖြစ် ဒါတွေက တဒင်္ဂပါပဲ ။
"အခြေအနေဘယ်လိုရှိလဲ"
တပည့်တစ်ယောက်အား Kim Taeရဲ့အခြေအနေကိုလှမ်းမေးလိုက်သည် ။ အရာအားလုံး ပုံမှန်အတိုင်းပါဟု၍ ပြန်ပြီးဖြေ၏။
"ဆက်ပြီး စောင့်ကြည့်ထား။ တစ်ခုခုဆိုရင် ငါ့ကိုအမြန်သတင်းပို့"
Jungkook လေပူတွေကိုမှုတ်ထုတ်၍ ခြေပစ်လက်ပစ်ထိုင်ချလိုက်သည် ။ သူကိုယ်တိုင်လည်း အတော်လေးပင်ပန်းနေပြီဖြစ်၏ ။ အလုပ်ကိစ္စ အရှုပ်အယှက်တွေကတစ်မျိုး ၊ အိမ်ထောင်ရေးကိစ္စက တစ်ဖုံ ။
သူ့အတွက် စိတ်ချမ်းသာစရာရယ်လို့တောင်မရှိ။
"အရင်တုန်းက Kim Taeကို ဦးငယ်သိပ်ပြီးလွမ်းတာပဲ"
ဘာမဆို နာခံတတ်ပြီး ၊ ရိုကျိုးတဲ့Kim Taeကိုလွမ်းသည် ။
ပြန်ပြောလေ့မရှိဘဲ ဟုတ်ကဲ့ဟုဆိုကာ စကားနားထောင်တတ်တဲ့ကလေးကို သတိရသည်။
ဦးငယ်အပေါ်နားလည်ပြီး ချစ်ပေးနိုင်တဲ့ အရင် Kim Taeကို တမ်းတမိသည်။
လိမ္မာတဲ့ကလေးလေးကို Jungkook ပြန်လိုချင်ပါ၏ ။
"ဦးငယ်ကိုယ်တိုင်လည်း အေးစက်စက်အိမ်ထောင်ရေးကို အလိုမရှိပါဘူး Kim Tae"
နားထင်ကိုဖိ၍ တိုးတိတ်စွာရေရွတ်လိုက်မိသည် ။ သူကိုယ်တိုင်က အေးစက်နေခဲ့ပေမယ့် အေးစက်စက်အိမ်ထောင်ရေးကိုတော့ Jungkook မလိုချင်ခဲ့ ။
သို့ပေမဲ့ ကိုယ့်ကိုယ့်ကိုယ် ပြင်ဆင်ရတာမျိုးလည်း Jungkook မလုပ်နိုင် ... အရာအားလုံးမှာ ကိုယ့်ကိုယ်ကိုယ်မှားသည်ဟု Jungkook မခံယူတာမို့ဖြစ်၏ ။
အတတ်နိုင်ဆုံး အကောင်းဆုံးဖြစ်အောင်နေထိုင်ခဲ့သည် ။ သို့ပေမဲ့ ဘယ်အရာတွေက မှားယွင်းသွားခဲ့လို့များ အခုလိုတွေဖြစ်နေရလဲဆိုတာ မသိတော့ပေ ။
YOU ARE READING
That Man:Kim Tae's U Nge(Completed)
FanfictionWarning!! - ဒီဇာတ်လမ်းထဲက Jeon Jungkookက တစ်ကိုယ်ကောင်းဆန်ပြီး အတ္တကြီးပါတယ် ။ သူ့ကိုယ်သူပဲကြည့်တတ်တဲ့ပုံစံမျိုးပါ ။သူလုပ်သမျှအရာအားလုံးကမှန်နေတယ်လို့ယူဆတဲ့သူပါ ။ Kim Taehyungကိုချစ်ပေမယ့် အဲ့ဒီအချစ်တွေကိုပေါ်လွင်အောင်ပြတာမျိုးမရှိပါဘူး (တစ်နည်း)အတ္...
