" နည်းတောင်နည်းသေးတယ် ဒီအခြေအနေလေးကို မဖျက်ဆီးချင်ပါဘူး ဘာညာ အော်ချင်ဦးလေ ခု ဟိုက သူများနောက်တကယ်ပါပြီ ကိုယ့်အပြစ်နဲ့ကိုယ် ခံပေါ့ အဲ့မှာ "
အသည်းကွဲလို့ အားကိုးတကြီး သူ့ကိုရင်လာဖွင့်ပါတယ်ဆိုမှ ဆွမ်းကြီးဝင်လောင်းနေသော နိုနိုကိုကြောင့် ပိုင်ဇေခန့် မျက်နှာလည်း ဆီးရွက်လောက်သာ ရှိတော့သည်။
" ကလေးမက အသားညိုစိမ့်စိမ့်နဲ့ ချစ်တော့ချစ်စရာလေးဟ "
" သေချာတယ် ... နင် ဒီတစ်ခါတော့ တကယ်သွားပြီပဲ အဲ့ဒါကြောင့် ငါပြောပါတယ် အဆင့်တက်ကြည့်ပါလို့ဆိုတာကို အချစ်သီချင်းတွေဆိုပြပြီး ကြူးတာကကို တက်မလာဘူး "
ဘယ်ကတည်းကပြောချင်နေလည်းမသိ၊မရပ်မနား တရစပ်ကိုပြောနေလေသော နိုနိုကိုရယ်လေ ..။
"အဲ့တော့ နင်ဘာဆက်လုပ်မှာလဲ ခု "
" သိရင် နင့်ဆီလာနေဦးမလား ကလေးပူဆာရဲ့ "
" လာမယ့် ခရစ်စမတ် နင်တို့ ဘုရားကျောင်းမှာတွေ့ကြမှာမလား အခြေအနေကြည့်ပြီး ဖွင့်ပြောလိုက်တော့ "
" ဘာ !!! ဟိုကလေးမက သူ့ရည်းစားဆိုရင်တောင်လား "
" သဘောကျကြောင်း ပြောရုံပဲလေ စနိုက်ကြော်တာမှ မဟုတ်တာ "
သူ့အလှည့်တုန်းကကျ သူ့မမကို တိတ်တခိုးကြိတ်ငေးရင်း အဆင့်မတက်ခဲ့ဘဲ ကိုယ့်ကျမှ ပင့်နေတာကြီးက အလုပ်မဟုတ်။
" ဟင့်အင်း ... ငါအဲ့လိုမလုပ်ချင်ဘူး "
" နင့်ရှေ့မှာ သာဓကကောင်း ငါရှိတယ်နော် "
" ဒါပေမယ့် ... "
" တရားဝင်သက်ဆိုင်သူမဟုတ်သရွေ့ သူ့မှာရွေးချယ်ခွင့် ရှိသေးတာပဲလေ အနည်းဆုံးတော့ နင့်ခံစားချက်ကို သူ့ကိုပြောပြလိုက်သင့်တယ် "
နိုနိုကိုနှင့်တွေ့ပြီး ပြန်လာသော်လည်း ပိုင်ဇေခန့် စိတ်နှင့်ကိုယ် မကပ်နိုင်ဘဲ နှလုံးသားရေးရာမှာ ဝေဝါးထွေပြားမိနေဆဲ။
ဒီဇင်ဘာ ၂၅ ရက်နေ့သည် မြန်မြန်ဆန်ဆန်ပင် ရောက်ရှိလို့လာသည်။
ဘုရားကျောင်းဧရိယာတွင် ခရစ်စမတ်ပွဲတော်ဆင်နွှဲနေသည့် လူများဖြင့် စည်ကားနေသည်။ လွန်ခဲ့သော ဆယ်နှစ်ကလိုမဟုတ်ဘဲ ဘုရားကျောင်းလျှောက်လမ်းသို့ လှမ်းရာတွင် သူ့နံဘေး သူနှစ်သက်ရပါသော အမျိုးသားငယ်လေးက ရှိနေသည်။
YOU ARE READING
စိမ်းပြာရောင်မျက်ဝန်းတစ်စုံ၏ ညှို့ငင်ခြင်း
Romanceပေါ့ပေါ့ပါးပါး mini story လေးမို့ ဖတ်ပျော်ကြဖို့ မျှော်လင့်ပါတယ်
