ဒုတိယမြောက်ညတွင် စပျစ်ခြံထဲ၌ သောက်စားပါတီတစ်ခု လုပ်ဖြစ်ကြသည်။
လင်းသုဇော်နှင့် ရဲမင်းသစ်က အသားကင်နေကြပြီး မိန်းကလေးတစ်စုက အမြည်းများပြင်ဆင်ကာ ပိုင်ဇေခန့်နှင့်တခြားသူများမှာ မြို့ထဲသို့ ဘီယာသွားဝယ်လေသည်။
" ကိုရဲ ... အဲ့ဒါ ကျက်ပြီဗျ "
" အာ မကျက်သေးပါဘူးကွ "
" ဟာဗျာ တူးကုန်တော့မှာပဲ ကျက်ပါပြီဆို "
" နေဦး မြည်းကြည့်လိုက်မယ် ဟား အ ပူလိုက်တာကွာ "
"ကလေးလိုပဲဗျာ "
သူတို့နှစ်ယောက် တဟားဟားရယ်မိကြတော့သည်။
" ဘီယာတွေ ပါလာပြီဟေ့"
ခြံတွင်းသို့ဝင်လာသော ဆူဆူညံညံအသံများကြောင့် သူလှည့်ကြည့်တော့ အစ်ကိုနှင့်အကြည့်ချင်းဆုံသည်။ ချက်ချင်းရှောင်ခွာသွားသော မျက်ဝန်းတို့သည် အလိုမကျမှုတို့ စွန်းထင်းနေသယောင်။ သူအမှတ်မှားတာပဲဖြစ်ပါမည်။
အားလုံး စားကြ၊သောက်ကြနှင့် အရှိန်လေးရလာတော့ တစ်ယောက်တစ်ပေါက် ဝိုင်းဖောက်ကြတော့သည်။
" ဟေး အရမ်းတိတ်ဆိတ်မနေဘူးလား "
" ဟုတ်တယ် လိုနေတာ music "
" Dj လား "
" No No ဂစ်တာရှိတယ် မနက်က ငါ ရှာတွေ့ထားတာ နေဦး သွားယူလိုက်မယ် "
" ကိုမင်းတို့လုပ်ပြီ ဂစ်တာလည်းမတီးတတ်ဘဲနဲ့"
သူလည်း အတော်အသင့်သောက်ပြီး ထွေနေပြီဖြစ်သည်။ ရှပ်လက်ပြတ်နှင့်ဘောင်းဘီတိုကပင် သူ့အတွက်ပူလွန်းနေသည်။ ဘီယာရှိန်ဖြင့် ပူထူနေတာသာဖြစ်မည်။
" ဟယ် ... မောင်လေးမျက်နှာတွေ တအားရဲနေပါလား "
ဆူးငယ်ငယ်သွေးက သူ့ကိုကြည့်ပြီး ပြောလာခြင်းဖြစ်သည်။
" အာ ဟုတ်လား မဆူး"
သူ မျက်နှာကိုလက်ဖြင့်တအားပွတ်လိုက်မိသည်။ သူ့ခေါင်းတစ်ခုလုံးလည်း မူးနောက်နေပြီဖြစ်သည်။
" ကဲ ဂစ်တာတော့ရလာပြီ ဘယ်သူတီးချင်လဲ "
နိုနိုကိုက ကိုမင်းလက်ထဲမှ ဂစ်တာကိုယူကာ ပိုင်ဇေခန့်အားပေးလိုက်သည်။
YOU ARE READING
စိမ်းပြာရောင်မျက်ဝန်းတစ်စုံ၏ ညှို့ငင်ခြင်း
Romanceပေါ့ပေါ့ပါးပါး mini story လေးမို့ ဖတ်ပျော်ကြဖို့ မျှော်လင့်ပါတယ်
