بسم الله الرحمن الرحيم :
م اسامح الي يقرا بدون لايك ⚜️:
البارت الثالث عشر:
جالسه جنب امها وتسولف وتضحك لفت لوهج الي م كانت مو منتبهه لهم عقدت حاجبها ووقفت واتجهت له جلست جنبها ودقتها بخفیف واردفت:
شروق :وهج حبيبي شفيك من اليوم وانتي ساكته
لفت لها وبأبتسامه :
وهج :لا مافيني شي ي عيوني
ابتسمت لها شروق: متاكده لان وضعك م يطمن
وهج :ماعليك انا بخير بس عشان ضغط الاختبارات
شروق ؛اها الله يوفقك ي روحي عاد شدي حيلك
وهج :ان شاء الله ...انا بطلع اتمشى شوي
شروق :تمام ي عيوني خوذي راحتك
ابتسمت وهج وطلعت برا جلست ع الاحد الكراسي واسندت ضهرها وهي تتذكر الحادثه الي صارت لها مع اسير بعد م جاء بيعتذر منها هربت لجدتها تنهدت واسندت راسها لغت للجهه الثانيه وفزت وهي تشوفه يجلس جنبها لف لها واردف :
اسیر :لهدرجه اخوف؟
وهج: لا تصدق نفسك بس جيتك كذا بدون صوت خوفتني اسير : اسمعي انا م كنت بوعي واعتذر منك
وهج : احلف شوي وكنت بتضربني كف وش الي ماكنت بوعي
اسير لف للامام ومارد عليها تنهدت وهي تسند راسها للمره الثانيه وسرعان م لفت له لمن اردف:
اسیر :کنت متهاوش معها قبل لاتتوفى عقدت حاجبها ب استغراب ولف لها واكمل :
اسير :امي كنت متهاوش معها قبل لا تتوفى كانت تهاوشني على طلعاتي وتأخيري ب الرجعات
وهج :وانت وش قلت لها ؟
اسیر : انا مو صغير انا كبرت وواعي وافهم تصرفاتي وان مالكم دخل فيني وطلعت برا البيت وضليت ثلاث ايام برا البيت بعدين اتصل علي ابوي وخبرني ان امي ب المستشفى صار لها حادث مع السواق
وهج وكانها بتفتح الجروح : وبعدها؟
اسير :وبعدها جيت وقالوا ان امس توفت والسواق قدروا ينقذونه ولان الضربه كانت من جهة امي فاهي الي توفت وهج ناظرت فيه بحزن وعضت شفتها بندم وبدون شعور قربت له وضمته اما اسير ماكان منه الا يبادلها لانه محتاج احد يطبطب عليه غمضت عيونها وبدت تمسح على شعرها واردفت:
وهج :لا تلوم نفسك ذا قدر الله الله كاتب لها ذا يومها
اسير م كان يرد عليها تنهدت وهي تمسح على شعره
البارت الرابع عشر :
غمضت عيونها بفزع وتوتر من قربه عضت شفتها وهي تحس بأنفاسه تلفح عنقها فتحت عيونها ولفت له بسرعه لمن اردف:
قيس :وش تسوين هنا بغرفتي ؟
هتاف : ءءء انا م كنت اعرف انها غرفتك
قیس بسخريه: داخله الغرفه وواقفه قدام المرايه وتقولين ماتعرفين تكذبين على من
هتاف :والله م كنت اعرف ليش مو راضي تصدقني
قيس :انا ماصدق وحده تراقبني من شباك غرفتها هي وزوجها كل يوم وتحسبني م انتبه لها
هتاف: لا تفهمني غلط انا م كنت اراقبك لو سمحت
قیس :شایفه قدام بزر او وش ترا واضح انك تكذبين
هتاف :عقدت حاجبها وانت وش عرفك فيني عشان تعرف اذا كنت اكذب
قيس :ياروحي واضح وضوح الشمس انك تكذبين
ناظرت فيها لثواني وكلمة روحي لعبة بأوتار قلبها شتت نظرها وكانت بتطلع بس بحركه سريعه من قيس مسك يدها وجذبها من خصرها حتى التصق صدرها بصدره غمضت عيونها بتوتر بسبب قربه لها ورقع قلبها لدرجه تحس انه يسمع نبضات قلبها رفعت يدينها وحطتهم على صدره وحاولت تبعده اردف وهو ملاحظ توترها وارتباكها والسبب قربه الي يهزهز ثباتها :
قيس :قربي لك يوترك لهدرجه هذا وانا م سويت شي لو اسوي شي وش بتسوين
هتاف وسعت عيونها بصدمه ودفته وضربته كف واردفت : هتاف: هي انتت م اسمح لك تتكلم معي ب الطريقه ذي قيس لف وجهه لها وكانت عيونه حمرا ارتعبت هِتاف من منظره ورجعت على و را بخوف قرب لها وهو يمد يده ويكور كفه وكان على وشك ضربها لولا انها مالفت لورا وبانت تفاصيل ضهرها وبانت الكدمات الي عليه ارخى يده ووسع عيونه من هول الي يشوفه مسك كتوفها ولفها لورا وصار يمرر يده على تفاصيل كدمات عضت شفتها بألم ولفت بسرعه وناظرت عيونه تلقائي واردف بصدمه:
قيس :هذا وش من سوا فيك كذا انتي من السبب ب الكدمات ولا ليكون زوجك إلي يسوي كذا
ناظرت عيونه بتوتر وبعدت عنه بسرعه لحقها ومسك يدها واردف :
قيس : قولي هو الي سوا كذا هو سبب اللوحه الي بضهرك ؟
هتاف بسبب توترها صرخت : اي اي هم سبب كل شي مو حلو بحياتي ارتحت الحين
قيس ترك يدها وهو مصدوم ومو قادر ينطق بأي حرف مشت بخطوات سریعه خارج غرفته لكن قبل لا تطلع لفت له وناظرت فيه بعيون دامعه راجيه وكملت طريقها خذت عباتها وطلعت بسرعه برا بیت ناصر ابو قيس واتجهت لبيتها.
البارت الخامس عشر :
كانت جالسه وتطالع فيهم بصمت بدون اي ردة فعل وجهت نظرها لجوالها الي اصدر رنه معبره عن وصول رساله مسکت جوالها وبمجرد م فتحتها ارتعش جسمها بخوف وكان محتواها "اطلعي برا ، ولا تفكرين تسحبين لان وقته بذبح كل العائله" بلعت ريقها وهي تناظر فيهم وقفت بتوتر وارتباك م غاب عن عيون شروق الي كانت تراقبها طول الجلسه ،طلعت وقفت وصارت تتلفت يمين ويسار وسرعان م تجمدت خلايا جسمها لمن حست فيها يمرر يده على كتفها العاري عضت شفتها بقوه وغمضت عيونها وسرعان م فتحتهم وشهقت بألم لكن سحبها ودفها لناحية الجدار ليصدم ضهرها فيه ابتسم بسخريه واردف:
:اييه ورجعنا تقابلنا والله م توقعت تطلعين من المستشفى بالسرعه ذي قلت يبي لك يومين ثلاثه يمكن اخلص شغلي فيهم بس لسوء حظي ولحسن حظك طلعتي
ارتجفت خلايا جسمها بخوف بسبب كلامه ايش يقصد يعني لو طولت ب المستشفى بيسوي لها شي ذا السؤال الي كان يدور براس غروب ضحك بسخريه وهو يشوف لمعة الخوف بعيونها وسرعان م اختفت الابتسامه من على وجهه قرب لها وهو يمسك فكها واردف :
: كيفك بعد ١٥ كيف صرتي ان شاء الله تحسنتي بعد ما تسببتي بجريمة قتل
وجهت نظرها له بصدمه من كلامه وبسرعه فهمت مقصده هزت راسها ب النفي واردفت :
غروب :انا م سويت شي ولا تسببت بجريمة قتل
: الا الا ونص بعد قاتله انتي مجرمه مجرمههه تسمعين غروب حطت يدينها على اذانها وغمضت عيونها : لا مو مجرمه مو مجرمه بعددد بعدددد مو مجرمه تسمع
فتحت عيونها لمن جاها صوته المستغرب وشافته كيف ناظرها اما هو الي كان خارج من بيت عمه سمع صراخ وتفاجئ من منظر غروب واردف :
یوسف ؛غروب وش تسوين هنا وليش تصارخین
سكت لمن ماسمع منها رد وناظر عيونها الدامعه وبحركه سريعه منها ارتمت بحضنه وكأنها تدور بحضنه الامان الي فقدته من سنين اما ب النسبه ليوسف الي تفاجئ من حضنها له تنهد وماكان منه الا ان يبادلها ويحتويها ويحسسها بلذه الامان المفقوده من ١٥سنه اجهشت ب البكاء وصارت تمتم بكلام مو مفهوم ب النسبه ليوسف الي م فهم غير كلمة مجرمه وعقد حاجبه باستغراب منها
———
انتهى⚜️
