بسم الله الرحمن الرحيم
دخل الغرفه وشافها مستنده على الجدار تقدم لها وباس جبينها:الحمدالله على السلامه
اردفت بصوت باين فيه التعب:الله يسلمك
رفعت راسها من دخلت امه وعقدت حواجبها باستغراب لف لها واردف :امي هذي
ابتسمت وهزت رأسها جت بتجلس لكن تقدم ام أوس بسرعه ومسكت اكتافها:خليك مكانك لاتقومين
سلمت عليها:الحمدالله على السلامه ومبروك ماجاك يابنتي
ابتسمت لها جوري :الله يبارك فيك ويسلمك
التفتت جوري لأوس:ابغى اشوفه
هز رأسه بالايجاب وطلع يقول للمرضه بعد خمس دقايق دخلت الممرضه وهي تسحب سرير تقدم اوس وهو يقربه لجوري ناظرت فيه جوري وامتلت عيونها بالدموع مدت يدينها وشالته حضنته وهي تشم ريحته والتفتت لأوس وضحكت بعدم تصديق :أوس شوف
هز رأسها وهو يقرب للولد ويبوس جبينه التفتوا كلهم للباب الي انفتح ودخلوا منه بنتين ورجال كبير بالسن كان بيدهم بوكيه ورد وكاكاو ابتسم أوس باتساع واتجهه يسلم على ابوه والبنات تقدموا لجوري يسلمون عليها ويباركون لها تقدم ابو أوس وناظر بجوري مد يده وحطها على راسها رفعت راسها وناظرت فيه ابتسم وهو يمسح على شعرها واردف:الحمدالله على السلامه يابنيتي ومبروك
اردفت بخفه:الله يسلمك ويبارك بعمرك
ابتسم وهو يناظرها واردف:اعذرينا يابنتي على القصور والقطعه ولكن الظروف كانت اقوى مننا
هزت راسها :معذور عمي
ابو أوس:انا بطلب منك طلب
ناظرت فيه:امر
ابو أوس:ما يأمر عليك عدو انتي الحين صرتي مننا وفينا وجبتي لنا اول حفيد يعني انتي الحين بنتي ومعزتك عندي مثل معزة ريم واطياف مابي اسمع منك كلمة عمي قولي لي ابوي احسن
ابتسمت بهدوء:ابشر يابوي
حست بشعور غريب يجتاح قلبها بسبب الكلمه وبسبب حنية ابو بسام المفرطه ناظرت فيها كيف ماسكين ولدها ومبتسمين ويسولفون مع بعض اول مره تحس بشعور وجود عائله حقيقه جنبك شد على يدها من عرف الي تفكر فيه ناظر فيها وابتسم وحاوط اكتافها تنحنت اطياف واردفت:نحن هنا ياخوان ماطلعنا
نزلت راسها جوري باحراج وتقدم ريم تضرب اطياف بخفه:ملقوفه وش دخلك
التفتت لجوري وأوس ومدت لهم الولد واردفت:وش بتسمونه
اردفوا جوري وأوس بنفس الوقت:جابر
ابتسم الكل وهم يناظرون فيهم التفتوا لبعض بصدمه وضحكوا بعدم تصديق
حطت يدينها على وجهها من داهمت الشمس عيونها نزلت انظارها وناظرت الشارع ابتسمت بهدوء لفت انظارها للسياره الي تدق بوري اتسعت ابتسامتها وهي تشوف ابوها فاتح الشباك ويأشر لها مشت ناحية السياره وفتحت الباب وركبت ناظرت ابوها وضحكت بعدم تصديق حاوط اكتافها وحضنها وباس راسها واردف احب:الحمدالله على سلامتك ياعيون ابوك
ابتسمت واردفت بخفه:الله يسلمك
فزت بخوف والتفتت للخلف بسبب الصراخ الي داهم مسامعها ضربتها على كتفها بخفه:شروق خوفتيني
شروق مسكت كتفها ومسحت عليه واردفت بمزح:بسم الله شفيك صرتي دفشه بسوي لك مفاجاه
ضحكت وسحبت الورد الي كان بين يدينها:وصلت ياعيوني المفاجاءه
شروق مدت يدها:هاتي ماتستاهلين
قوست شفايفها واقتربت لها وباستها على خدها واردفت شروق:لا امزح تستاهلين
ضحكت غروب والتفتت لابوها الي حرك السياره واردفت:بابا وين بنروح هذا مو طريق البيت
هز رأسه :بوديك المول تشترين لك فستان وبعدها بوديك المشغل اليوم ملكة اختك
التفتت لشروق بعدم تصديق وابتسمت شروق واقتربت لها وهمست :يوسف
ابتسمت لها غروب ووسعت عيونها هزت راسها بالايجاب واشرت على ابوها :اخترنا نسوي الملكه اليوم لان ندري انك اليوم تطلعين ماحبيت اسوي ملكتي وانتي مو معي احتاجك تكونين بجنبي
ابتسمت لها غروب واردفت:بابا اول شي خلينا نروح البيت مايحتاج مشغل الفستان هين عندي كثير مالبسته مايحتاج المول بعد ابغى البيت
هز رأسه :ابشري
ابتسمت بهدوء والتفتت قدام سندت ضهرها على الكرسي ناظرت الورد وبدت تلعب فيه بعشوائية ماتدري ليش خطر ببالها ياسر طول المده الي قضتها بالمصحه كان يزورها بس من قبل خروجها بثلاث ايام صار مايجيها تنهدت وهي جدا صارت تحس بتحسن اكثر من قبل تحس انها تحررت من اشياء واجد فكت الدريشه وشمت الهواء الي داهمها ابتسمت وناظرت الشوارع كأنها انولدت من جديد بدون مشاكل وهموم اتسعت ابتسامتها لمن وقفوا قدام البيت فتحت الباب ونزلت بسرعه ركضت وهي كل الي ببالها تشوف امها فتحت الباب وداهمتها ريحة البخور والعطور عضت شفتها وركضت للداخل شافت امها واردفت بصوت مخنوق:ماما
التفتت لها امها وهِتاف الي كانت تبكي جنبها ركضت وحضنت امها بكت هيفاء وبادلته الحضن بعد ٩ شهور قدرت تشوفها بنتها الي فقدتها ٩ شهور هي الحين قدامها وبين احضانها
