بسم الله الرحمن الرحيم :
اسامح الي يقرا بدون لايك ⚜️:
البارت السابع و التسعون :
فزت بهدوء بعد ما سمعت طق الباب غمضت عيونها وفركتهم حرکت رقبتها يمين ويسار بألم واردفت :
نهى:کیف نمت انا ياربي
وقفت وهي تفتح الباب وسرعان مابتسمت بتوسع لمن ارتمت ب احضانها ملاك نزلت لمستواها ورفعتها باست خدها اكثر من مره واردفت :
نهى : اوه م نمتي انتي
ملاك :ماقدرت انام لازم انتي تنوميني
نهى ضمتها بقوه: اجل خلينا نأجل نومتك وننزل تحت نسوي لنا اكل شرايك
رفعت يدينها بحماس وصفقت :يالله يالله
نهى ابتسمت بتوسع ونزلت للمطبخ حطت ملاك فوق الطاوله واردفت :
نهى:ایوه قولي وش تبين نسوي لك
ابتسمت ملاك: امم اي بان كيك
نهى : بان كيك الحين ؟
ملاك :ايه ايه هزت
راسها ب الايجاب وبدت تطلع الاغراض الي راح تستخدمها ناظرت ملاك واردفت :
نهى: لولي تعالي راح تساعديني
تقدمت ملاك لها وبدت تحط الطحين لكن فجاءه فلته وطاح على الطاوله غمضت نهى عيونها لمن حست فيه ينكب بعضه عليها فتحت عيونها وهي تناظر ملاك الي كانت تضحك على شكل نهى تقدمت لها نهی واردفت :
نهى:تضحكين تضحكين
هزت راسها ب الايجاب وبدت نهى تدغدغها وضحكات ملاك كل مالها ترتفع ابتعدت عنها بعد ماقالت ملاك :
ملاك: خلاص خلاص اسفه
نهى ابتعدت عنها واردفت ب ابتسامه : ايوه شطوره والحين خلينا ننظف الحوسه ونكمل اكل
لكن سرعان م اختفت ابتسامتها وهي تسمع صوت اخوها وهو يقول:
ياسر تكتف واستند على الجدار: تبون اساعدكم؟
نهى ناظرت فيه ببرود : لا م نحتاج حنى نكفي
تنهد واردف :نهى لمتي خلاص
نهى ناظرت فيه بحده واشرت على ملاك تنهد وتقدم ملاك واردف وهو يمسح باقي الطحين الي على خشمها:
ياسر :لولي تبين اساعدكم
نهی ناظرته بحده بينما اردفت ملاك ببرائه: ماما قالت م نحتاج يعني مو لازم خالو
ابتسمت نهى ب انتصار وهي تطالع وجهه الى اعتلت فيه الخيبه تقدمت من ملاك وباست خدها تحت انظار یاسر
بسم الله الرحمن الرحيم :
م اسامح الي يقرا بدون لايك ⚜️:
البارت الثامن والتسعون :
حطت يدها على صدره وابعدته عنه اعتدلت بجلستها والتفتت له بغضب واردفت :
جوري:أوس لمتى يعني ذي الحركات
أوس قرب من وجهها واردف :زوجتي طيب مافي مشكله
جوري تراجعت: بس انا مو راضیه أوس
أوس تنهد وابعد عنها واردف بعد م استند على الكنبه :
أوس : طيب انتي الي لمتى كل م قربت لك رفضتي تراك زوجتي
جوري شبكت يدينها وفركتهم ببعض بتوتر :ماني مستعده
أوس التفت لها : السبب
جوري ناظرت فيه : مدري مدري
أوس تنهد واردف ب ابتسامه : طيب احبك
توردت وجنتيها بخجل من كلمته المفاجئه نزلت راسها لتحت وغمضت عيونها بقوه بينما اکمل أوس
أوس :احبك بكل حالاتك بخجلك وحزنك وسعادتك وغضبك لدرجه مو قادر احط حد لحبي لك احبك لدرجه م تتصورينها
التفتت له واردفت بهدوء : حتى لو م كنت احبك
هز راسه ب الایجاب :حتى لو كنتِ كارهتني انا اشوف حبي لك يكفينا حنا الاثنين
رجعت شعرها خلف اذنها بخجل واردفت ب استذکار
جوري:أوس عندك اهل؟
استغرب سؤالها واردف:اي ليش
جوري: لا بس م عمري شفتك تجيب طاريهم او احد يجي يزورك هنا
أوس هز راسه: لان مو ساكنين ب الرياض
جوري ب استغراب:وينهم اجل م تشتاق لهم م فقدتهم
أوس تنهد بعمق : لا والله اشتقت لهم بس م اقدر اروح بسبب شغلي
هزت راسها ب تفهم واردفت :أوس
أوس :عيوني
جوري بتوتر : ابغى اطلع لصديقتي
أوس لف لها وهز راسه ب الرفض :
لا جوري بترجي : الله يخليك والله مليت من جلسة البيت بطلع
أوس: انا اطلعك مو شرط تطلعين معها
جوري: لا مليت كل شوي معك مابي ابي اغير جو
تنهد واردف: م هقيت هالكلام منك كسرتي قلبي
جوري : اروح ولا
أوس: طيب بس انا اوديك ترا
جوري فزت بفرحه وارتمت بحضنه اعتدل بخرشه من حضنها المفاجئ ابتسم وهو وهو يبادلها بتملك
بسم : الله الرحمن الرحيم:
م اسامح الي يقرا بدون لايك⚜️:
البارت التاسع و التسعون:
بعد ماصعدت دخلت اول غرفه بوجهها سكرت الباب وارتمت على السرير بعد مارمت جوالها بقهر دفنت وجهها بوسط الوساده م قدرت تتحمل وانفجرت بكي هالشي فوق طاقتها مو قادره تستوعب الي حصل صعب عليها الشعور الي يراودها هد حيلها هد شهقت بقوه وبشكل يقطع القلب كتمت صرختها ودموعها تنزل بشكل متواصل ،دخل الغرفه وسكر الباب بقوه فزت وهج والتفتت له بخوف ناظر فيها وانصدم من وجودها هنا میل راسه برجاء وتقدم لها وقفت بسرعه لكنه مسكها مع كتوفها ورجع جلسها حاولت تقاوم لكن مافي اي فايده صرخت بقوه :
وهج:اتركنييييي
تفاجئ من صرختها وابعد يدينه عنها بهدوء وقفت وهي ناويه تخرج لكنه بسرعه تقدم لها وحاوط خصرها من الخلف وضمها بقوه غمضت عيونها واردفت:
وهج: اسير
قاطعها وهو يقول: اسمعيني تكفين لا تستعجلين
وهج :ماراح اسمع وابعد عني احسن لك
بدت تتحرك بعشوائيه عشان يفلتها استفزته جدا بحركتها ذي لفها له وصرخ بوجهها بغضب :
اسير بغضب وحده :خلاص اهجدي بتسمعين غصب عليك
وهج وسعت عيونها ودفته بقوه: ماراح اسمع ولا تجلس تصارخ فوق م انت غلطان تصارخ علي شد على يده بقوه وتقدم لها مسك كتوفها وحاول يهدي نفسه واردف :
اسير :وهج خلينا حلوين واسمعيني والا والله انك م تطلعين من هنا
ناظرت فيه بهدوء وبعد لحظات دفته وهي تركض ناحية الباب فتحت الباب وكانت على وشك الخروج لكنه كان اسرع منها سحبها مع خصرها ورجع قفل الباب واردف بحده :
اسير :لا تستفزيني احسن لك محد خسران غيرك
وهج : وش يعني بتحبسني بتجبرني اسمعك
اسیر: ایه بجبرك بجبرك
وهج :مو على كيفك تسمع
اسیر ناظر فيها:م تثقين فيني؟
الجمها بجملته ذي شتتت نظرها عنه تقدم لها ومسك فكها رفع راسها وكرر نفس الجمله:
اسیر:ما تثقين فيني
سكتت للمره الثانيه ابعد عنها واردفت : اسير تمام ياوهج وضح الوضع
ناظرت فيه وكانت على وشك الكلام لكن سبقها لمن فتح الباب واردف :
اسیر :تقدرين تطلعين ماعاد في شي يربطني فيك ي وهج انسانه م تثق ب الانسان الي تحبه او خلينا نقول حاولت تحبه ماني مستعد اكمل معها
صدمها بكلامه ماكان عندها رد فجاءه لسانها انربط مو قادره تنطق ب الحرف الواحد ناظر فيها واقفه مكانها تنهد وطلع من الغرفه
———
انتهى⚜️
