بسم الله الرحمن الرحيم:
فتح الباب ودخل وكانت خلفه ابتسمت وهي تشوف مينا تركض لها انحنت وشالتها بين يدينها وحضنتها باستها والتفتت لقيس شافته هادي عكس لمن كان بالمحكمه عرفت وش يدور بباله تقدمت له ومسكت يدينه وجلسوا على الكنب واردفت :
هِتاف:خايف على غروب
هز راسه بالايجاب :اكيد وش عندي غير غروب اخاف عليه
هِتاف:دامك خايف ليش ماتروح تزورها
قيس رفع راسه لها:تحسبين اني مارحت تحسبين اني مهملها رحت والله بس ترفض بكل مره اروح لها مالقى منها الا الرفض ماتبي تشوفني هي ابوي ويالله بعد اصلا ماكانت تدري انه هو الي زايرها ولا كان ماطلعت مدري هي ليه ترفض تشوفنا
هِتاف اخذت نفس:لانها ماتبي تضعف قدامكم هي لو شافتكم راح تضعف اكثر من قبل قيس غروب اختك وانت ادرى فيها وب اطباعها
ناظر فيها واردف بتردد:فارس
لانت ملامحها واكمل:وش سوا بغروب
هِتاف بلعت ريقها:غروب اذا طلعت ان شاءالله بتقول لك بنفسها بعض الاسأله اجوبتها ماراح تلقاها عندي بتكون عند غروب
تنهد ومدت يدها تلامس خده:انت لازم تصير قوي اذا شفتها بكرا محاكمتها حسسها انك معها وماراح تتركها
قيس:وهو انا فعلا معها وماراح اتركها
هِتاف ابتسمت واكمل قيس:كنتِ تدرين ان فارس كان عايش قبل لايسوي الحادث
هِتاف هزت راسها بالنفي:لا ماكنت ادري بالبدايه بس المحامي خبرني قبل المحكمه بيومين
قيس:والله لو اني هناك وقتها ذبحته بيديني وماخليت يدين غروب تتلوث بشخص مثله
هِتاف:قيس خلاص شي صار وراح
قيس ابتسم:اهلك بيجون اليوم
انصدمت واردفت:ابوي وامي
هز راسه بالايجاب:ايه ابوك قبل المحاكمه جاء عندنا وشرحنا له الي نعرفه هِتاف الندم كان واضح بعيونه
ابتسمت:تدري وشو يحز بخاطري انه ندم بوقت متأخر بس الحمدالله
حاوط وجهها وباس جبينها:ولو يبقى ابوك وانتي فاهمه واعرف ان قلبك طيب
ابتسمت له والتفتت لمينا وشالتها وقريتها له ابتعد عنها:شوفي انا جبتها عشانك بس ترا مايعني اني حبيتها
هِتاف رفعت حواجبها:حلوه ذي بتحبها لانها لي
قيس:لا والله وخريها هِتاف تنتقمين لشروق انتي وخريها عني
ضحكت هِتاف ورمت مينا عليه صرخ وهو يرميها عليها ضحكت واردفت:افا وين الهيبه تخاف من قطوه
قيس نفض ملابسه:اي هيبه ياشيخه لا تشوفها عيني
هِتاف:لو ادري انك بتصارخ كذا صورتك لشروق
رفع حواجبه:تضحكين عاجبك الوضع
هزت راسها بالايجاب وتقدم وقفت ضحك وبسرعه نزل لمستواها وشالها مع خصرها وبدا يدغدغها وكانت منهاره ضحك:كذا احلى في سبب للضحك
دمعت عيونها وهي تضرب كتفه عشان يبعد عنها بس لا حياة لمن تنادي صرخت وضربته اقوى من قبل:قيس يابزر خلاص بطني اوجعني بوخرها عنك بس اتركني
ابتعد عنها ورجع شعره للخلف:ادب
مسحت الدموع الي نزلت بسبب كثرة الضحك وضحك عليها بهدوء
|بداية يوم جديد|
نزلت من السياره وناظرت الشوارع مر وقت طويل ماشافت فيه الشارع التفتت للامام وكملت طريقها تدخل للداخل جلست ورفعت راسها تشوف المحامي ولف تناظر وكان خلفها اهلها طاحت انظاره عليها وهز رأسه بالايجاب التفتت للأمام وعم الهدوء القاعه لمن ضرب القاضي الطاوله وانتبه له الكل تقدم المحامي للأمام ولف لها يطمنها بدت محاكمتها تسمع دفاع محاميها عنها والمحامي الاخر ضدها حست بضياع كبير وكل الي يتراود ببالها هي وش جابها بالمكان هذا بنت نفسها المفروض الحين تكون بجامعتها تدرس وتكافح لأجل مستقبلها بس هي بقاعة محاكمه بدال مانكون بقاعة جامعه تنهدت تسمع اصواتهم لكن هي مو معهم رفعت راسها من اردف محاميها:
المحامي:عندي الادله الي تثبت برائتها وان كل الي صار للضحيه كان حادث سير والي سوته هي كان دفاع عن نفسها
تقدم وهو يشغل الفيديو الي يدخل فيه فارس للبيت ويسحب هِتاف:مثل مانشوف هنا الضحيه تهجمت على موكلتي وطعنتها طعنتين وكلهم بالكتف واصابة الكتف اليمنى اعمق انا عندي صور تبين عمق الجرح لموكلتي
تقدم لهم وهو يعطي الاوراق للقاضي ورجع نظره للمقطع لمن فارس سحب هِتاف وكان الواضح ان الي يصير رغما عن هِتاف وبالاجبار واندفاع غروب عليه وضربها له
التفت المحامي:عندي اكثر من شاهد اطلب هِتاف عايد
التفتت هِتاف لقيس بخوف وشد على يدينها وقفت بتوتر وتقدمت لهم التفت لها المحامي :الضحيه قبل وفاته كان يسحبك معه رغما عنه؟
هز راسه بالايجاب:اي
المحامي :تقدرين تقولين لنا وش صار ذاك اليوم
هزت راسها بالايجاب وبدت تشرح له كل شي صار من لحظة هروبها من فارس للحظة الي لقاها فارس
هز راسها بالايجاب ورجعت هِتاف جانب قيس والتفت المحامي وعرض مقطع فيديو ثاني وكان عباره عن كاميرات المراقبه لحظة وجود فارس ب السياره:موكلتي ماكانت موجوده بالارجاء وهنا نقدر نشوف سيارة الضحيه تتحرك للطريق العام وتعترض لها شاحنه
اردف المحامي الي يدافع عن فارس:بما ان موكلتك كانت تدافع عن نفسها ليش م اكتفت بطعنه ليش طعنته اكثر من مره ومثل ماشفنا بالفيديو هي الي سحبته للخارج وش تفسر هذا
التفت المحامي لغروب الي وقفت ناظرت بياسر الي كان ينتظر اعترافها واردفت بهدوء:انا صدق سحبته لاني خايفه بس لمن كنت اسحبه كنت ابي اطلعه برا الشقه بس لكن ماعرف شلون هو صحى وتهجم علي وهرب ومن بعدها سمعت صوت قوي برا
المحامي:بس انتي الي اتصلتي على الشرطه
هزت راسها بالايجاب :اي انا بلغت عشان الحادث الي صار له
ناظر أوس فيها بصدمه كيف غيرت كلامها والتفت لياسر ولمح طرف ابتسامه استغرب كيف والاقوال الي قالتها شلون ماتنعرض لكن بمجرد ماشاف ابتسامة ياسر عرف انه هو ورا الي صار التفت للمحامي الي اردف:عندي شاهد الدكتور النفسي الي عالجها هي كانت تتعالج لكن ساءت حالتها بعد خطف فارس لها وهذا الشي ادى انه تطلع عن طورها وتطعنه اكثر من طعنه
تقدم الدكتور وبدا يتكلم:كانت تجيني بعد الحادثه الي صارت لها وقالت لي عن حالة الخطف وحالتها كانت سيئه رغم انها تعالجت برا لكن الي صار ادى لسوء وضعها وهذا الشي ادى لفقدانها الادراك والناتج عن تصرفها هذا
ناظر فيهم القاضي وهز رأسه المحامي دليل على انتهاء كلامه ضرب القاضي على الطاوله واردف:
القاضي:يتم اصدار حكم بعد ساعتين من الان
وقف الكل وخرج من القاعه وتقدمت السجانات ياخذون غروب معهم
