بسم الله الرحمن الرحيم:
ما اسامح الي يقرا بدون لايك⚜️:
البارت مئه وثلاثه:
ارتجفت يدها وسعت عيونها وهي تناظر خلف قيس بالضبط رفع راسه قيس لمن حس بهدوءها المفاجىء عقد حواجبه وفز من مكانه بسرعه لمن شافها ترجف وتنتظر خلفه جلس جنبها وهو يلفها عليه واردف:
قيس:هِتاف بنت
ماكان فيه منها اي رد لف للمكان الي تطالع في وعقد حاجبه باستغراب وداهمته الخوف لمن مالمح شي غير الفراغ وجع لف لها وهو يهزها وبصوت اعلى:هِتاف صحصحي
فزت بخوف والتفتت لقيس ثم لنفس المكان الي كان واقف فيه فارس نزلت دموعها ووفعت يدينها لشعرها وهي تشد عليه حطت يدها على صدرها وسحب اكبر قدر ممكن من الهوى ناظرت فيه لمن مد لها ماء اخذتها وشربتها دفعه وحده لفت عليه ومسكت وجهه واردفت بخوف :
هِتاف:انت بخير
قيس :بسم الله عليك مافيني شي انتي الي شفيك
سكتت وهي تناظر فيه تقدمت له وحضنته بخوف ودموعها مو راضيه توقف واردفت:مدري شفيني
سكت باستغراب وحاوط كتوفها بيدينها وباس راسها دفنت وجهها مابين كتفه وعنقه وغمضت عيونها بعمق خوف من انها ترجع تفتحها وتشوفه للمره الثانيه شد عليها وهو يقرا المعوذات ويمسح على راسها تنهدت براحه وشدت على حضنه اكثر بعد دقايق ابتعدت عنه واردفت بعد ماحاوطت يدينها يدينه وهي تناظر عيونه :
هِتاف:والله انك جيتني عوض لأيامي المره وحياتي الباهته احبك قيس ماتتخيل وش كثر اخاف عليك
اعتلت على وجهه ابتسامه وشد على يدينها واردف:والله مالعوض الا انتي ولا تفكرين انه ممكن بيوم اتركك بكون معك بحزنك قبل فرحك بذوق مرك قبل حاليك هِتاف انتي زوجتي اذا ماوقفت معك وشاركتك تفاصيل حياتك وش فايدتي وقتها مستحيل ارضى بشي ممكن يأذيك
ابتسمت بتوسع لمن سحب يدينها وباسهم بعمق توردت
خدودها بخجل ضحك بخفه واردف:
قيس:اليوم بنروح مكان حلو تجهزي
عقدت حواجبها باستغراب:وين مو على اساس نتغدى برا
هز راسه بالايجاب :ماعليك مسوي مفاجاءه
هِتاف :وش هي
قيس:لو قلت ماراح تصير مفاجاءه
زمت شفايفها بعدم اعجاب:ما احب المفاجات
ابتسم :بتعجبك صدقني الحين قومي تجهزي عشان نطلع
هِتاف :الحين؟
هز راسه بالأيجاب واستوقفت هِتاف لإجل تتجهز
بسم الله الرحمن الرحيم:
ما اسامح الي يقرا بدون لايك ⚜️:
البارت مئه واربعه:
ركبت السياره بعد ماتصل عليها وقال لها انه موجود برا ابتسم وهو يلف لها واردف:
أوس:الله حي هالوجه
سكتت بدون اي رد منها سوا انها تطالع قدام عقد حواجبه باستغراب :شفيك ليش ساكته
جوري تنهدت ولفت له:أوس
أوس :لبيه
جوري شبكت اصابعها ببعض ونزلت انظارها ليدينها:تعرف من البنت الي رحت لبيتها
هز راسه بالنفي وعيونه على الطريق:لا من هي
جوري اخذت نفس:ميس
انتابها الرعب لمن استوقف بسيارته على جنب الشارع ناظرت فيه وكان يطالع قدام واردف:
أوس:يعني؟
جوري:أوس تكفى لا تصير كذا سلم نفسك الله يخليك
رمشت بخوف لمن لف لها ووجهه يعتليه البرود:كم مره عدنا الموضوع
مسحت على وجهها ورفعت يدها لتستقر على خده:اسمعني مانقدر نعيش وانت مجرم تسرح وتمرح وسالب روح انسان
أوس:كان زياده على المجتمع
نزلت دمعه على خدها:بس انا ماقدر اكمل مع انسان مجرم انت ماتحس فيني انا مابي اذا جبت طفل يعايرونه بولد المجرم ابي يجينا ببيئة حلوه وصافيه
عقد حواجبه وهو يبعد يدها عن خده:انتي ليكون عشان كذا ماتسمحين لي اقرب لك
بلعت ريقها وضلت ساكته وسع عيونه واردف:تكلمي
جوري ناظرت بعيونه:ابسط حقوقي اتمنى بيئه حلوه لطفلي
ضحك بصدمه وهو يناظر فيها كان حاط احتمال انها خايفه وانها مو مستعده لكن انها ترده عنها لسبب زي كذا هذا فوق قدرة تحمله مد يده وهو يسحبها بقوه:
أوس:انتي جنيتي على نفسك اصلا انتي وش تعرفين عن حياتي تعرفين انا وش اشتغل تعرفين سبب قتلي له ولا لا ماعمرك تسألتي شلون على قولتك اسرح وامرح ولحد الان محد مسكني لأنه هذي طبيعة شغلي هو كان مجرم مطلوب سواء كنت انا او غيري كان راح يموت بس من حظي الحلو صادف انه كان يتحرش فيك صدقيني جوري فتحتي على نفسك باب تحملي الي بيجيك مني
بلعت ريقها بخوف بسبب سرعته وصدمه من كلامه واردفت :
جوري :أوس تكفى هد السرعه بنسوي حادث
أوس :اسكتي احسن لك
جوري رمشت بقهر:وش بتسوي يعني
أوس لف لها وبعيون تخرج منها نيران:باخذ حقي منك
وسعت عيونها لمن استوقف قدام بيتهم ونزل متجهه لجهتها فتح الباب وسحبها معه للداخل
بسم الله الرحمن الرحيم:
ما اسامح الي يقرا بدون لايك وكومنت ⚜️:
البارت مئه وخمسه:
دخل للداخل واتجهه الصاله ابتسم وهو يشوف جميع اهله متجمعين جلس جنب اخته وضحك لمن ركض له عزيز شاله وحطه بحضنه واردف:
بسام:حي ام عزيز
ابتسم اخته:الله يحيك وين غاط مانشوفك شعندك
بسام تنهد وهو يبوس عزيز:والله ياختي اشغال تعب تعب
اخته:الله يعينك
بسام:امين
لفت له امه واردفت:بسام امي
بسام ناظر فيها:لبيه
ام بسام:ابوك يبيك بمكتبه
عقد حواجبه باستغراب :ليه في شي
هز راسها:تعرف منه يامي روح له ينتظرك
هز راسه بالايجاب ونزل عزيز جنب امه ومشى متجه لابوه التفتت اخته لامه واردفت:ابوي مصر لدرجه ذي
هزت راسها بالايجاب:ابوك راسه يابس وبسام طالع له خليهم يتفاهمون بينهم احسن
تنهدت:الله يعين بس
وقف قدام مكتب ابوه وطق الباب دخل للداخل بعد ماسمح له ابوه يدخل واردف :
بسام:سم يبه
ابو بسام :سم الله عدوك اجلس ابيك بموضوع
هز راسه بالايجاب وجلس امامه واردف:وش
او بسام شبك يدينه واردف:مو ناوي تتزوج
ضحك بخفه:تو الناس يبه
هز راسه بالنفي:وين تو الناس يابوي كمل نص دينك خلاص نبي نشوف عيالك
بسام هز راسه بالرفض:بدري على الزواج مالي نيه اتزوج
ناظر فيه ابوه:ماني منتظر لين تصير لك نيه بكرا بنروح ونخطب بنت خويي
بسام رفع راسه:يبه الله يهديك ماني رايح لا تروح وتحرج نفسك
ابو بسام:جاك العلم انا اعطيتهم خبر وبكرا بنروح نخطب تسمع
وسع عيونه :ماعدني بزر بتجبرني على الزواج بعد ماني متزوج لا تحاول السالفه غصب
ابو بسام بغضب:قصر صوتك قدامك ابوك عمرك بيصك الثلاثين وانت توك ماتزوجت
بسام وقف:ابوي على عيني وراسي بس سالفه تجبرني وانا مو متقبل السالفه هذا شي ثاني زواج ماني متزوج
رفع ابو بسام اصبعه بتهديد:اقسم بالله يابسام بكرا العصر ان ماشفتك والله لاتشوف شي بحياتك ماشفته وانت تدري وش اقصد
وسع عيونه:تهددني يبه
ابو بسام :افهمه مثل ماتبي
طلع بسام من المكتب بغضب ونزل للصاله قابل بطريقه امه واخته وطلع من البيت بكبره تنهدت ام بسام واردفت:
ام بسام:مدري لمتى بيجلس يعاند ذي هي سنة الحياة
اخت بسام:بس يمه مو حلوه تجبرونه وتظلمون البنت معه
ام بسام:ماعليك ماراح نظلمها ان شاءالله البنت تجنن بتاخذ قلبه
اخت بسام:من بنته هي
ام بسام:نُهى بنت صديق ابوك
-
انتهى⚜️
