بسم الله الرحمن الرحيم
البارت مئه والواحد والاربعون:
دخل البيت بتعب واتجهه لغرفته دخل للداخل وشافها جالسه على جوالها تقدم لها وارتمى بحضنها ابتسمت بهدوء ونزلت راسها لناحية مسك يدينها وحطهم على شعره واردف:
أوس:العبي بشعري
مدت يدينها وهي تدخلهم داخل شعره وتلعب فيه بهدوء حس بالراحه لمن لامست اناملها شعرها واردفت:
جوري:شفيك
أوس:تعبان
جوري باست جبينه:بسم الله عليك من التعب
رفع عيونه بصدمه:بسم الله عليك انتي ياحبي شفيك تسوين اشياء لو صار شي بعدها انا مو مسؤول
ضحكت بخفه ورجعت باست جبينه:ماتقدر تسوي شي عندي لك مفاجاءه
أوس:تكفين محتاج وش هي مفاجاءتك
جوري هزت راسها بالرفض:ماراح اقول يبي لها سريه تامه
أوس:أوف لدرجه ذي
جوري ضحكت:وأكثر
ابتسم واردفت بتردد:وش صار بشغلك
انزاحت ابتسامته:الوضع صار اكبر تعقيد من قبل
جوري باستغراب:ليه وش صار
أوس:اليوم جو اهلها وقالوا انها كانت تتعالج بسبب انها مريضه نفسيا وفي احتمال كبير انها امر ارتكبت الجريمه كانت راجعه لنفس الحاله
جوري:مريضه نفسيا قصدك؟
هز راسه بالايجاب:ايه هذا اولا بيكون بصالحها وثانيا انها كانت تدافع عن نفسها وعن زوجة اخوها وانها كانت مخطوفه من نفس المقتول من قبل لا تصير الجريمه
جوري سكتت واكملت:يعني لو تبرت تقدر تطلع
هز راسه بالنفي:حتى لو تمت تبرائتها بتنسجن بالمصحه بالحالين سجن
جوري تنهدت واردفت:اقدر اشوفها أوس
اعتدل بجلستها ولف لها:مستحيل اولا موعد جلستها قرب ثانيا انا مستحيل اسمح لك تقابلينها
جوري:أوس ليه بشوفها؟
أوس هز راسه بالرفض وسحبها لناحية وسند رأسه على صدره:جوري خلاص انتهى النقاش بعدين انا جاي عندك ابي ابعد عن كل شي يخص الشغل جايك ابيك انتي
سكتت بهدوء واستغرب نزل راسه لها وناظر وجهها ضحك وهو يحاوط وجهها بيدينه ويقبلها ابتعد عنها وقبل خدها وجبينها اكثر من مره صرخت بخفه وابعدته عنها:
جوري:أوس خلاص
ضحك واقترب له عقدت حواجبها باستغراب:شتبي بسم الله
ضحك وسحبه له وبدا يدغدغها صرخت وحاولت تبعد لكن كان مثبتها ضحكت بقوه وصرخت:خلاص خلاص بموت اتركني
ابتعد عنها وهو يضمها ويسند راسه بحضنها واردف:بعد يوم طويل حضنك انتي وش هالنعيم الي اعيشه ما اقول الا الحمدلله يارب
سكتت ورفع راسه وطاحت عيونه بعيونها واردف:
عُقب ماتهِت بالايام ،حصلتك الضيّ
من عرفتك عرفت ان كُل ماراح خيرهَ
توردت خدودها بخجل بكل مره مايفشل انه يخجلها بكلامه رفع نفسه يبوس خدها ورجع يسند راسه بحضنها ابتسمت وانسدحت جانبه وغطت بالنوم معه بعد يوم كان مليان متاعب ومشاعر مهلكه للكل
بسم الله الرحمن الرحيم:
البارت مئه الثاني والاربعون:
كانت بالمطبخ تجهز اكل استغربت الاصوات وتركت الي بيدينها وطلعت من المطبخ اتجهت لمصدر الصوت وفتحت الباب وقفت بمكانها وهي تشوف بسام يدغدغ ملاك وهي منهاره ضحك ابتسمت ودمعت عيونها شدت على مسكة الباب وضلت تراقبهم بهدوء ضحكت بخفه لمن التفت لها بسام من نادت عليها ملاك ابتسم واردف:
بسام:اصواتنا مزعجه
هزت راسها بالنفي:ابدا لدرجه اني تركت الي بيدي وجيت اشوفكم
ضحك واقترب لها يحاوط اكتافها ويبوس راسها:وش تسوين
نُهى:بسوي اكل عشان نبي نتابع فلم بالحوش
بسام:خليني اساعدك دام ماعندي شي
نُهى:ماقول لا
لف بسام على ملاك واشر لها بيدينه:تعالي نساعد ماما
ركضت ملاك ونزل لمستواها يحملها بين يدينه واتجهوا للمطبخ نزل ملاك على الطاوله ولف يساعد نُهى التفتت نُهى لمن حست فيه واقف خلفها توترت واردفت:
نُهى:سو بان كيك مع ملاك ترا تحبه
ابتسم بهدوء لمن عرف انها تصرف ومستحيه منه هز راسه بالايجاب والتفت لملاك:لولي نسوي بان كيك
هزت راسها بحماس:يلا يلا
اتجه لها وبدا ياخذ الصحن ووقف امام ملاك ورفع يدينه عشان يطلع الطحين فتح الدرج ومسك الطحين نزل رأسه لمن صرخت ملاك ووسع عيونه لمن زلق من يدينه الطحين وتنثر عليه وعلى ملاك لفت لهم نُهى بصدمه ووسعت عيونها من اشكالهم الي صارت بيضاء بسبب الطحين لف لها بسام وضحكت بعدم تحمل لاشكالهم رفع حواجبه ولف لملاك غمز لها وهو ياخذ الطحين من خدها وشعرها وابتسمت ملاك بحماس لف لنهى ومد يدينها يمسح الطحين بوجهها شهقت بصدمه واردفت:
نُهى:بسااام
ضحك بسام ورفع كتوفه:شفيك نبي نضحك
التفتت لملاك الي كانت تضحك وتصفق:ماما شكلك يضحك
رفعت حواجبها وابتسم بسام ضحكت وهي تمسح الطحين على وجهها :ياربي اطفال
بسام:حاس ان الكلام يمسني
رفعت راسها له وضحك :يلا جاين تطبخون الحين نظفوا حوستكم وانا اسوي الاكل
هز راسه بالايجاب ونزل ملاك معه وهمس:بنظف عشان ماما ماتقطعنا بدال البطاط الي بيدها
ملاك حطت يدها على فمها تضحك وباس خدها بسام وبدوا ينظفون الطحين
