دخل الغرفه ورفعت راسها له وناظرته بهدوء واردف:
بسام:نقدر نطلع الحين
نُهى:نطلع؟
هز رأسه بالايجاب:يعني اكيد ماكنتي متوقعه اتركك لحالك وامشي
سكتت وهي تناظره تأكد له صحة كلامه هز رأسه بهدوء و قرب لها لكنها بسرعه قامت تلبس تنهد واردف:
بسام:بنتظرك برا على ماتخلصين
طلع بدون ما يسمع منها رد لانه يدري بأنها مارده تعطيه اي رد وقف قدام الباب ينتظرها تطلع وماهي دقايق وطلعت لفت له ومشى ومشت معه ،فتحت الباب الخلفي لكنه تقدم لها بسرعه وقفل الباب واردف بهدوء وهمس:
بسام:اقعدي قدام
تراجعت للخلف وفتحت الباب الامامي وركبت بهدوء ركب وحرك السياره،كان الصمت بينهم سيد المكان والموقف واصوات انفاسهم هي الوحيده الي تنسمع شد على الدركسون بقوه واخذ نفس واردف :
بسام:نُهى ارجعي لي
التفتت له بصدمه ولف هو الاخر يناظرها واردف :ارجعي لي نُهى تدرين ان طلاقي عليك ماوقع لأني قلتها بلحظة غضب انا سألت الشيخ نُهى ارجعي لي اهتم فيك و بملاك و طفلنا واعوضكم انا حياتي تدهورت من بعدكم كنت ضايع
رمشت بهدوء وهي تناظره بصدمه ماكانت مستوعبه كلامه بلعب ريقها وصدت بهدوء .
وقف قدام بيتهم ووضع يده على يدها وشد عليها قبل لا تسحبها واردف:
بسام:كنت ضايع نُهى وقتها لا تلوميني اعذري ضياعي وارجعي لي انا احتاجك انتي
اتسعت عيونها بصدمه و تصنمت بمكانها لكنها تداركت نفسها بسرعه وسكتت لدقايق واردفت:
نُهى:بسام برجع معك بس مو عشانك برجع معك عشان ملاك الي يوميا تسأل عنك وعشان الطفل الي ببطني لاجاء على الحياه يجي بين امه وابوه مابيه يضيع ويتشتت لاسباب تافهه
جرحته بكلامها لكن حس بالامل يتسلل لصدره اذا هي وافقت ترجع معه حتى لو انه مو عشانه بيخليها تنسى زعلها ويرجعون نفس قبل واحلى اهم شي انها وافقت ترجع له هز رأسه بالايجاب واردف:
بسام:الحين؟
هزت راسها بالنفي:لا بكرا احتاج اجمع اغراضي واغراض ملاك الحين مايمدي
هز رأسه وفتحت الباب لأحد تنزل لكنه سحبها بسرعه وضمها لصدره واردف:
بسام: جيتك غريبٍ ضايع
الخطوات في ليلٍ طويل
ابصرت بك فجرٍ ضحك لي
نوره وغيثه هّمى
دق قلبها بقوه وحست بالفراشات تتلاعب وسط صدرها خذت نفس وعضت على شفايفها ابتعدت عنه بسرعه بدون لايشوف وجهها ونزلت لانها راح تنفضح لو شافها
كان يدور بالممر بخوف وتوتر مر وقت كثير وصار لهم ٥ ساعات هنا وخوفه كل ماله يزيد اتجهه لأمه ورجوله مو قادره تشيله يحس ان الوقت زاد عن حده وهي تأخرت مره وقف قدام امه ونزل لمستواها مسك يدينه واردف بتوتر:
قيس:يمه ليه تأخروا
رفعت يدها تمسح على شعره:قيس يامي نصهم ياخذون عشر ساعات يالله يطلعون هذي ولاده مو شي عادي يعني التأخر شي طبيعي لا تنسى انها جالسه تولد روح
تنهد ووقف يجلس جنبها واردف:يمه تتوجع هي
مسكت يدينه واردف بابتسامه:
هيفاء:اكيد مافي وحده تولد ماتتوجع تدري انا لمن كنت انت كنت بموت من الوجع وحسيت روحي بتطلع من مكانها كنت احس نفسي على فراش الموت بس كل هذا زال لمن سمعت صوتك تصيح وشلتك بين يديني كل شي مريت فيه انمحى برمشة عين لمن شفتك وهِتاف كذلك راح تنسى كل الوجع الي مرت فيه لمن تشوف مولودها
ابتسم ومسح على شعره يناظر غرفه العمليات ينتظرهم يطلعون فز بسرعه ووقف يمشي تجاهه الدكتور الي طلع بخطوات سريعه اشبه بركض وقف قدامه واردف :
قيس:دكتور بشر وش صار كيفها
ابعد الدكتور الكمامه وبانت ابتسامة الدكتور لقيس واردف:الحمدالله يارب الام بخير وربي رزقكم بطفله
ابتسم بفرح ولف لأمه يضحك ابتسمت له وقربت تحضنه واردف:
قيس:يمه تسمعين يقول بنت يمه
هزت راسها ومسحت على وجهه :مبروك يروحي مبروك
قرب ابوه واردف:الف مبروك يابوي
مسح على وجهه بفرحه:الله يبارك فيكم اقدر اشوفهم
التفتت هيفاء وهي تشوفها ينقلون هِتاف واردفت:اي اكيد بس لازم تصحى اول شي هِتاف وينقلونها لجناحها
هز رأسه بالايجاب والتفت يشوفها يطلعون بنته اتسعت عيونه بفرح واعجاب تقدم لها والتفت لامه يأشر:يمه شوفي الحجم
ضحكت هيفاء بسبب فرحته وتعجبه كان جدا فرحان واول مره تشوف قيس فرحان بهالشكل هذا التفتت لناصر وهز رأسه بضحكه تقدمت له واردفت:
هيفاء:يالله امش نروح عند هِتاف لين تصحى
هز رأسه :لا بروح اشوف وين يودونها واجيكم
هزوا رأسهم بالأيجاب ومشوا خلف هِتاف بينما قيس من شدة فرحته بينته رفض انه يتركها ومشى معها الين دخولها الحضانه وقف من خلف الشباك يناظرها ويبتسم مايقدر يعبر عن الفرحه الي بداخله ربي رزقه ببنت شعور مايوصف باللحظه ذي ،مرت ساعه وقيس كان واقف يتأمل بنته التفت لمن حس بيد تربت على كتفه وابتسم لمن شاف ابوه:
ناصر:يالله قيس زوجتك الحين تصحى بنتك بيجيبونها لمن تصحى هِتاف
هز رأسه بالايجاب ومشى مع ابوه دخل الجناح وهو يشوف هِتاف مستلقيه على السرير وتناظر امه الي كانت واضح انها تبارك لها تقدم لها وهو يبوس راسها وهمس عند اذنها:
قيس:الحمدالله ربي رزقنا بأول ثمرة لصبرنا وحبنا الحمدالله على السلامه
ابتسمت بتوسع ورفعت راسها له:بشوفها قيس
هز رأسه بالايجاب :الحين اخليهم يجيبونها
