بسم الله الرحمن الرحيم:
طلعت من الجامعه بعد ماقنعوها اهلها ترجع تسجل فيها تنهدت وحطت يدها على وجهها بسبب اشعة الشمس الي تسلطت على وجهها ركبت سيارتها وشغلت المكيف حركت سيارتها واتجهت للصيدليه وقفت سيارتها قدام الصيدليه ونزلت دخلت للداخل تقدمت للصيدلاني واردفت :
غروب :ابغى مرهم حروق
كان جاي ياخذ علاجات نُهى الي صرفتها لها الدكتوره وعقد حواجبه بسبب الصوت الي داهم مسامعه يعرف الصوت عدل مستحيل مايميزه رفع راسه والتفت له زادت تعقيد حواجبه واردف بهمس:غروب؟
التفتت بهدوء وناظرت فيه شتت انظارها بسرعه مد الصيدلي لها المرهم واعطاه علاجات نُهى مشت بسرعه ولحقها بخطوات سريعه ينادي عليها لكن ماوقفت تقدم بسرعه ومسك معصم يدها التفتت له وطاح الكيس من يدها واردف:
ياسر:شفيك اصوت لك
نزلت بسرعه تاخذ الكيس ولامست يدها يده بسبب انحنائي هو الاخر عشان ياخذ اغراضها سحبت يدها بسرعه وشال الكيس مده له وعقد حواجبه بعصبيه:غروب سلامات ليه تهربين
غروب شدت على الكيس:ماهربت
تقدم لها:تستهبلين اصوت لك ماتردين
غروب :ماسمعت
ياسر:بنت قولي شعندك تراك مو طبيعيه
غروب اخذت نفس وناظرت فيه :ياسر بمكان عام حنى وقلت مافيني شي
تنهد وهز راسه :طيب غروب
رفعت راسها تناظر فيه:بخطبك
لفت راسها للجهه الثانيه وكانت بتتكلم لكن قطع كلامها دخوله للصيدليه عقدت حواجبها واردفت بهدوء:يوسف؟
رفع راسها وشافها قدامه وقف بهدوء والتفت لياسر عقد حواجبه وتقدم لهم واردف:غروب
ابتسمت بهدوء:اخبارك
هز راسها:الحمدالله بخير
التفت لياسر وناظروا بعض باستغراب توترت غروب لمن التفت لها يوسف واردف بهدوء مريب:وش تسوين هنا
ناظرت فيه واردفت بتوتر:شروق جيت اخذ لها مرهم يدها احترقت
وسع عيونه بصدمه:من وش
رفعت كتوفها بعدم معرفه :مدري ارسلت لي
التفت لياسر واردف :وانت من تكون
ابتسم ياسر بهدوء مماثل لهدوء يوسف المريب:ياسر الضابط ياسر
ناظر فيه يوسف وهو عارف من يكون التفت لغروب :اكيد اختك تنتظر وديه لها بسرعه
عقدت حواجبها بسبب اسلوبه معها وانتبه لها ياسر التفت لها وناظر فيها ناظرت فيه اخذت نفس ومشت تطلع برا الصيدليه التفت ياسر ليوسف وابتسم له بهدوء وطلع برا الصيدليه فتحت باب سيارتها ورمت المرهم التفتت لياسر الي تقدم لها سحب يدها وفتحت وحط بين يدينها حبوب الصداع الي طاحت منها :بنتظر جوابك على كلامي
سحبت يدها وشدت عليها واردفت:اذا للحين عند الاتفاق انا ادرى بالجواب
رفع راسه بصدمه وابتسمت له بهدوء ركبت سيارتها وحركت السياره بهدوء متجهه لبيتها ضل يناظر بصدمه وفز بهدوء لمن دقت امه بوري ركب السياره واردفت:وش هالتأخير
ياسر:زحمه يمه
ام ياسر:امش امش
مشى وابتسم بهدوء ناقصه امه توافق وبيروح يخطبها اكيد كان ينتظر موافقتها على كلامه ووصلت له الموافقه بطريقه غير مباشره ابتسم بتوسع وكمل الطريق للبيت
بسم الله الرحمن الرحيم:
ما اسامح الي يقرا بدون لايك و كومنت⚜️:
البارت مئه والسابع والسبعون :
عقدت حواجبها بسبب الصوت العالي طلعت للصاله وشافتهن يتهاوشون وسعت عيونها اول مره تشهد وتشوفهم يتهاوشون تعودت عليهم باوضاعهم الهاديه وتغزل قيس فيها قدامهم تقدمت لهم واردفت:
شروق:هوب هوب شفيكم تتهاوشون
هِتاف رفعت راسها لشروق:تعالي شوفي اخوك وش بيسمي الطفل الي بيجي
شروق عقد حواجبها:انتم تتهاوشون عشان اسم طفلكم الي للحين ماجاء
قيس سحب شروق وصرخت بخفه وجلسها جنبه والتفت لها:شروق اقوله لو بنت نسميه ياسمين وتقول لا واقول ليه وماتتكلم
التفتت شروق لهِتاف:ليش رافضه ياسمين
هِتاف مسكت مينا ورفعتها:ذي مينا وتبوني اسمي بنتي ياسمين وش ادلعها بالله مينا
وسعوا عيونهم قيس وشروق بصدمه والتفتوا يناظرون بعض واردف قيس:صاحيه انتي
هِتاف:ياسمين مافي ابي بنتي تتميز بالدلع
شروق انفجرت ضحك والتفت لها قيس يضربها:فجرتي اذني وجع وبعدين على وش تضحكين
دخلت غروب ورمت المرهم على شروق وجلست تناظرهم:شفيكم
التفتت لها هِتاف وعدلت جلستها واردفت :غروب تخيلي يقول لو جتنا بنت نسميها ياسمين رفضت مابي اسمها ياسمين وش ادلعها نفس دلع القطوه مينا بالله مو من حقي ارفض وزعلان
التفتت لهم بصدمه وهزت راسها شروق بضحكه التفتت لها:لا حقك طبعا
قيس :وش تبين تسمينها اجل لو بنت
هِتاف:ميهاف حلو وقريب لأسمي
قيس:لا مو حلو هِتاف وش هالاسماء الي تطلعينه
غروب :من جدكم تتهاوشون الحين خل تجيب وتطلع بالسلامه وبعدها تناقشوا باسماء عيالكم
شروق:وربي شفيكم من جد مو صاحين بعدين انتم على اسماءكم ذي بخلي احد غيركم يسميها
التفت لها قيس:من مثلا يوسف
ارتخت ملامح وجه غروب وضربته شروق :يع مليق اسكت
قيس استند على الكنب:وربي شروق طلعت تعرف تستحي ماشفتوها
شروق:قيس عاد خلاص
قيس ضحك والتفتت لهِتاف:يمه يقهر الله يعينك
هِتاف:حبيبتي حدك عاد الا زوجي مارضى عليه
ابتسم قيس ووقف يجلس جنبها حاوط اكتافها وجذبها ناحيته ناظرتهم شروق بقرف:يع يع الله يعينني انا واهلي كلهم عليكم
قيس:اقول اسكتي واحمدي ربك لا اكب عفشك هنا
غروب التفتت لشروق:شفت يوسف بالصيدليه
شروق التفتت لها وعقدت حواجبها:ليش وش يسوي
رفعت كتوفها بعدم معرفه:مدري ماقال لأن طلعت بسرعه كنت مستعجله بس سلمت عليه
هزت راسها بالايجاب والتفتت شروق تناظر قيس وهِتاف وقفت وتقدمت لهم بقرف سحبت مينا من بينهم :الله يعطيكم العقل يارب هاتو مينا لا تعدونها ماتستاهلونها والله
هِتاف:وي عصبت شوشو نمزح هدي
شروق شمقت لهم وضحكت هِتاف هز راسه قيس بهدوء وهو كاتم الضحكه لان يدري لو ضحك عادي جدا انها تضربه بمينا
