مسحت على وجهها بصبر واردفت تهدي نفسها وتبتسم:
شروق:يوسف حبيبي انت من بيعرفنا هنا ابي افهم
يوسف:شروق يابنتي البسي عبايتك طلعه بدونه مافي
شروق:يوسف لا تجنني وتحسسني قايله لك بطلع بملابس مو ساتره
يوسف:مو نفس الشي
هزت رأسها بالنفي:والله مو نفس الشي بلبس بالطوا طويل الدنيا برد برا بيكون كأنه عباية
يوسف:ماش ما اقتنعت
شروق جلست على الكنبه بتعب وحطت يدينها على راسها:صدعت ياربي
يوسف جلس جنبها:شروق تكفين افهميني اصلا لو على كيفي نقبتك
التفتت له تناظره:يوسف انت الي افهمني ترا انا نفسك ما ارضى اطلع بمنظر مايرضي الله بس ترا بلبس شي اشبه بالعبايه
يوسف:قلتيه اشبه بالعبايه
استندت على الكنب بخيبه:والله ما اطلع معك ترا
يوسف ناظرها لثواني واستغفر:خلاص يابنت قومي بتنازل هالمره بس
فزت بسرعه وهي تضمه بقوه ضحك وهو يبادلها الحضن ابتعدت عنه واردفت:دقيقه بس واجيك بسرعه
ركضت للداخل تلبس وماهي دقايق طلعت هي وياه برا حاوطت ذراعه واردفت لمن شافته بيركب السياره:
شروق:يوسف شرايك نتمشى
رفع رأسه يناظرها واكملت:يعني شوف الاجواء حلوه واصلا المكان الي نبيه مو بعيد من هنا
هز رأسه بالايجاب:خلاص تم امشي
ابتسمت وهي تمشي معه بالشوارع وناظرت حولها واردفت:
شروق:صدق راشد لمن قال لندن ترد الروح من بعد نظره
ارتسمت ابتسامه على شفايفه:اي والله
سندت رأسها على كتفه وحاوطت ذراعه بيدينها واردفت:
شروق:يوسف
يوسف:لبيه
رمشت بهدوء:تدري متى اول مره حبيتك فيها
التفت لها واردف:متى
شروق:لمن انخطفت غروب وكنت انت الي تواسيني وتهديني
وقف يوسف بصدمه:كنا صغار
شروق رفعت كتوفها:تراك الحب الطفوله لو ماتدري
يوسف:تدرين اني اتحسف على كل وقت راح وانا ماحسيت بمشاعرك
شروق:قلتها وقت راح علينا من الوقت الي حنى فيه والوقت الي بيجي
يوسف:بحبك بكل الاوقات
شروق:بس بالماضي لا
يوسف:بدينا
شروق ضحكت:بحسفك شوي
يوسف:متحسف والله على كل وقت مضى مادق قلبي لك
شروق:تراك كنت تقهرني
يوسف:صدق عاد بدينا الحركات
شروق باست خده:امزح معك شفيك
يوسف:امشي قربنا للمكان الي نبيه
شروق:ترا ابي اتقهوى مابي اكل شي
يوسف:تبشرين بالي تبين
شروق :ياخي انت وكلامك احبك
يوسف:ماضنيت كثر حبي لك
شروق رمقته بنظره وضحك مسك كف يدها وشبك اصابعه باصابعها ودخلوا المكان الي كانوا قاصدينه
|بعد مرور اسبوعين|
رفعت رأسها لمن دخل البيت ناظرت بملاك الي ركضت له تحضنه رفعت شعرها لفوق وطاحت عيونها بعيونه اخذت نفس وهي تناظره تقدم لها وهو يبوس خدها وابتسم لمن ماشاف منها اي مقاومه التفتت له واردفت:
نُهى:بكرا عليك دوام
هز رأسه بالنفي :لا
ابتسمت واردفت:بنتغدى برا بكرا نغير جو
ابتسم باتساع تاخذ وتعطي معه والحين تقول له نتغدى برا كل هذا قادر ينشر السعاده بقلبه:خلاص انتهى
تنهدت وهي تناظره:انتهى لأني شفت انت وش كثر ندمان
بسام حضنها بقوه وابتسمت بهدوء طول هالأسبوعين كانت تشوفه يتردد عليها كثير وملامح الندم باينه على وجهه كسر خاطرها كثير وحست بأن الزعل والصد بينهم طال ،ابتعد عنها وناظرها واردف:
بسام:وش اقول عن ايام الصد الي كنا نعيشها اسبوعين كأنها سنتين نُهى
نُهى:كنت تستاهل بسام الي سويته مو شي بسيط
بسام:ادري والله بس كان المفروض تقولين لي ولا تخليني اكتشف الموضوع بالطريقه هذي
خذت نفس بعمق واردفت وهي تناظر عيونه:بسام بقولك شي وانت براحتك تصدقني ولا لا انا لمن خطت رجلي ببيتك كل شي عشته رميته وراي حلفت اني مادخل حياتك وانا ببالي شخص ثاني انا ابي ابدا حياه جديده مع شخص جديد وانت بسام والله نسيتني كل شي صار لي انا بسألك عمرك حسيت اني مقصره تجاهك بشي
ناظرها لثواني والاكيد انها ماقصرت معه بشي بس هو معرفته بأنها كانت تحب غيره لعبت بحسبته لعب مد يدينه ومسك كفوف يدينها وشد عليهم:
بسام:والله يانُهى القلب ماشفت منك اي تقصير اعذري غيرتي على الجرح
رمشت بهدوء وهي تسمع كلامه ابتسمت له وشدت هي الاخرى على يدينه :
نُهى:ننسى الي صار ونستمر حياتنا بينورها طفل بكرا بيكون لي ولك ثمره صبر وحب ولملاك يمكن اخ او اخت
ابتسم بتوسع:تسأليني نُهى كم صار لي اركض ورى رضاك انتي تعرفين جواب سؤالك اكثر مني
ابتسمت على لهفته عليها وحبها له تحبه ما تكذب ابدا صدق زعلت عليه وصدت عنه بمثل صده واقوى بس ماهان عليها شوفته وهو يبيها ويبي قربها اكثر من اي شي ثاني بحياته بفترة صدها عنه شافت بسام ثاني تماما من الي كانت تشوفه دايم شافت بسام الي يموت عليها ويبيها بأي طريقه ترجع له شافت بسام الي يكافح عشانها وحتى بصمته يبين انه يبيها لمعت عيونها وحضنته للمره الثانيه ضحكت لمن حست فيه يدغدغها بخفه وابعدت عنه ورجع يدغدغها وسعت عيونها:
نُهى:بسام
سكت وهو يكمل يدغدغها وضحكت بصوت عالي وهي تحاول تبعده عنها صرخت بقوه:
نُهى:بسام خلاص
ضحك وهو يبعد عنها لمن لمح ملاك تناظرهم من بعيد مد يدينه لها وركضت له رفعها وهو يجلسها بحضنه ويدغدغها وانهارت ملاك من الضحك ابتسمت نُهى وهي تمسك يدينه :
نُهى:بسام خلاص بتموت وجهها صار ازرق
ابتعد بسام وهو يبوس خد ملاك اكثر منه مره ولف يناظر بنُهى ويبتسم
