بسم الله الرحمن الرحيم
طلعت لبرا القاعه تحس بالألم داهمها فجاءه وضعت يدينها على اسفل بطنها الالم الي تحس فيه مو طبيعي رفعت جوالها ويدينها ترتجف الالم كل ماله يزيد اتصلت على ابوها ووضعت الجوال على اذنها لعل وعسى يرد عليها لكن كان جواله مغلق نزلت دموعها بضعف ورفعت راسها رمشت بهدوء،كان داخل حوش القاعه لأن امه قالت له تبيه وخبرته يوقف عند الباب لكن طاحت عيونه عليها واقفه ويدها اسفل بطنها ويدينها ترجف لمح دمعتها الي سقطت على خدها شد على قبضة يده يشوف دموعها تنزل بشكل لا ارادي وواضح من وضعيتها بالوقوف انها تتوجع ووجعها وجع مو عادي ابدا وسع عيونه وهو يشوف قطرات الدم تنتشر على الارض رجلينه مو قادره تقوده لها من هول المنظر الي يشوفه تنزف وهي حامل!
حامل بولده هو ركض بسرعه يمسكها قبل لا تطيح يحس الوقت وقف وكل الذكريات بدت ترجع له مثل شريط يعرض له كل لحظات صده عنها واهماله وهو يدري انها بفتره تحتاج الي يوقف معها ارتجفت يدينه وهو يسندها على كتفه سحب جوالها يبي يدق على امها تجيب عبايتها مايقدر ياخذها وهي بالمنظر هذا شكلها فتنه صعب يطلعها كذا ،ماهي الا ثواني وجت ام نُهى وبيدها العبايه لبسها وبسرعه مشى بدون لا ينتظر امها الي كانت تطلب منه ينتظر ومايمشي لكن هو حاليا بموقف عقله مو معه ،ركب السياره وحرك بسرعه للمستشفى الي كان بعيد بحكم بُعد القصر عن المدينه زاد سرعته وماهي نص ساعه ووصل للمستشفى حملها بين يدينه وركض الداخل كان باستقباله عدة ممرضات سحبوها منه وهم يتجهون فيها لغرفة العمليات تراجع للخلف بصدمه شد على شعره وسند ضهره على الجدار انه يشوفها بعد هالمده الطويله من الصد وبالوضع هذا كثير عليه كان يتوقع اللقاء بس مو بهالمكان وبهالشكل بالذات ماكان متوقع يلوم نفسه لأنه صد الحين بس حس بكبر ذنبه تجاهها ليته سمع لها وماشهدت عيونه على وجعها محاجر عيونه محمره ماهمه الي حوله وش يقولون عنه يهمه الي داخل غرفة العمليات وش صار عليها رفع يدينها وكانت ترجف وتمتم بهمس:
بسام: يارب كل شي أحبّه في آمانك مابي أموت من الحزن لمّا يروح عني فجأه
مسح على وجهه وبدا يدور بالمكان بقلق وخوف يسيطر على كل خليه بجسمه ،بعد مرور ساعه طلع الدكتور وفز بسام وقف قدامه واردف بخوف:
بسام:بشر دكتور
ابتسم الدكتور ومد يده يربت على كتفه:الحمدالله الطفل الام بخير المزيف ببداية الشهور شي طبيعي الحمدالله ان النزيف ماكان قوي ولا كان صار اجهاض بس تحتاج راحه
استهل وجهه بفرح وابتسم وهو يمسك يد الدكتور ويشكره سجد سجدة شُكر وشافهم ينقلونها لأحد الغرف
ناظرت الجميع يرقص ابتسمت وهي ترسل له تطلب منه تقابله بهاللحظة قررت وعرفت هي وش تبي وصلت لها رسالته وطلعت لبرا ابتسمت وهي تسمع الاغنيه الي مشغلينها "يا ابن الاوادم" طلعت ولمحته واقف مشت وهي تأشر له مع كلمات الاغنيه وترقص:
"يا ابن الاوادم ترا مليت المح لك
انا اعزك واحبك واعشق ترابك"
هز رأسه ومسح على وجهه هالبنت مو صاحيه وناويه عليه ضحك وهو يشوفه تقرب وعلى وجهها ابتسامه واردف لأجل يستفزها:
أسير:ترا خياس
رفعت حاجبها :والله
هز رأسه بالايجاب واكملت:اجل خلاص حبي روح اسمع ردي من أبوي
وسع عيونه وسحبها قبل لا تمشي :تعالي تكلمي
مسكت يده تبعدها عن يده:لو سمحت لا تمسكني
اسير:بدينا حركات مبزره
وهج:لا صدق عاد تبي تسمع من ابوي شكلك
اسير:تذليني الحين
ضحكت وهي تشوف وجهه:ماتستاهل؟
مسح على وجهه:يابوي المذله اسمع من ابوك ابرك لي
ضحكت:خلاص بقول لا تصيح
اسير وسع عيونه:ياشيخه طيري
وهج وقفت قدامه:خلاص بسم الله نمزح
اسير ناظرها بطرف عينه:تكلمي
وهج رمقته بنفس النظره:تعدل واتكلم
ضل على نفس وضعه وتكتفت وهج:والله ما اتكلم اذا ماتعدلت
عدل وقفته واعتدلت هي بحماس وناظرت فيه :مستعد
هز رأسه يجاريها:يلا
ابتسمت وسرعان ما تحولت ملامحها للجديه:فكرت اسير قراري ماكان سهل واتمنى انك تتفهمني تعرف اني احبك بس بعد قدامي مستقبل اهتم فيه واسعي لك
اعتدل بتوتر بدا يسري داخله:وهج؟
نزلت راسها واخذت نفس :وعشان كذا موافقه
رمش بصدمه م استوعب كلامها:وش تقولين
رفعت راسها :وش اقول يعني موافقه اقول
ضحك بعدم تصديق وصرخت لمن حست بأن رجولها ماعادت تلامس الارض ضربت كتفه:اسير نزلني
دار فيها بعدم تصديق الي قالته بالبدايه خوفه بس نهاية كلامها ريحته ضحكت وهي تعتدل بعد مانزلها التفت حوله واستوعب نفسه:المكان غلط
هزت راسها:الحمدالله تدري يعني روح
ابتسم حتى بانت صف اسنانه:طرده
رفعت كتوفها:وش فهمت منها
اسير:خوش والله الوعد بعدين
وهج رفعت راسها ورمشت بسرعه:حبيبي صحصح على نفسك تهدد مين
أسير:ذبحتينا ترا
وهج ابتسمت بتوسع:توك ماشفت شي قدامنا عمر
غمز لها ونزلت لمستواها:راضي دامك معي
توردت ملامحها بخجل بسبب قربه وكلامه يدري انها تخجل بسرعه واستغل هالشي فيها ضربته وهي تبعده:
وهج:يمه حيوان
قرب بسرعه:ما اسمع
تراجعت لورا:ماقول شي خلاص روح
هز رأسه :عبالي بعد
وهج شافته يمشي واشرت بيدها:يلا بس يلا
التفت لها بصدمه ومدت يدها ترسل له بوسه بالهواء ضحك وهز رأسه بأسى ومشى يطلع برا بينما هي ضحكت بحماس ودخلت للداخل
