بسم الله الرحمن الرحيم :
ما اسامح الي يقرا بدون لايك وكومنت ⚜️:
البارت مئه والواحد والسبعون:
وقفت بتوتر تناظر جوالها فزت بهدوء لمن انفتح الباب ناظرت غروب باستغراب واردفت غروب بابتسامه:
غروب:جيات يوسف كثرانه
عقدت حواجبها:ليه موجود
هزت راسها بالايجاب:اي ويبي يشوفك ابوي يقول تعالي
شروق هزت راسها بالنفي:مابي
غروب باستغراب:ليه وش عندك
شروق:خايفه
غروب:تستعبطين بيصير زوجك قريب لازم تتعودين عليه بعدين مو هو حب الطفوله وش مخوفك
شروق:مو كذا بس مدري احس بشعور غريب
غروب:عادي يابنت تجهزي وانزلي تحت ترا بالمجلس الخارجي وابوي بيروح فابسرعه قبل لا يطفش ويسحب عليك
شروق هزت راسها بالايجاب وطلعت غروب من الغرفه تتركها تتجهز اتجهت شروق تتجهز وطلعت لها فستان مناسب يوصل لنصف الساق باللون السماوي رفعت بعض من خصلات شعرها واكتفت بـ مسكره وقلوس وشوية بلشر رشت من عطرها رشتين وابتعدت تناظر شكلها بالمرايه ابتسمت بتوتر ونزلت للأسفل طلعت برا متجهه للمجلس الي هو فيه دخلت ورفع راسه من داهم صوت كعبها مسامعه بلع ريقه وهو يشوف شكلها وملابسها الي تختار الوانها بشكل يتناسب مع لون بشرتها وبشكل كثير على قلبه ابتسم بهدوء اقتربت له وجلست بعيد عنه اقترب له وجلس بجانبها مسك يدينها وهو يناظر عيونها واردف بهيام :
يوسف:اخترت قربك بين هالناس نقوه
واعميت عيني عن غلا كل مخلوق
ارتسمت الابتسامه على شفايفها لا شعوري بسبب كلامه هو مايعرف كيف استحلت كل انش بقلبه وتفكيره بالفتره القصيره ذي يلوم نفسه لأنه كان ساهي عنها كيف كان بيفرط فيها وبمشاعرها كان راح يخسر انسانه بتكون له مصدر امانه هي فعلا استحلته كله مو بس عقله وقلبه قدرت تجذبه وهام بتفاصيلها ووقع بحب سمارها الي قدر يجذبه تجاهها باقصر مده وفتره وملامح وجهها الي يبصم انه ماشاف بمثل حلاها حلى ماهقى انه بيميل لها لكن كل هالهقاوي صارت من سراب باللحظه الي طاحت عينه عليها ابتسم بهدوء ومد يده يحاوط وجهها اقترب لها وهو يبوسها اشتعلت شروق من الخجل وعقد حواجبه بسبب الشي الناعم الي حاوط رجله نزل راسه وهو يناظر بمينا استغراب ونزلت انظارها شروق تناظرها ابتسمت وهي تشيلها وتحطها بحضنها واردف:
يوسف:حقتك
هزت راسها بالنفي:لا قيس جابها لزوجته بس اخر فتره صارت عندي لأن هِتاف انشغلت وانا كنت امل فكنت اخذها عندي استانس اذا هي موجوده
يوسف:ليش ماعندك وحده
شروق:قيس مايحبها وبابا بعد بس مدري وش صار وجابوها لهِتاف بس عادي تكفيني مينا حاليا
يوسف باستغراب:مينا
هزت راسها بالايجاب:اي مينا هذا اسمها
ابتسم ومد يده تلامس يد شروق وهو يمسح على راس مينا بهدوء توترت من يدها الي لامس يدها ورفعت راسها تناظر فيه حس بانظارها عليه ولف لها يناظر شتت نظرها عنه بسرعه ورفعت مينا تمدها له ضحك باستنكار:
يوسف:وش اسوي فيها
غمضت عيونها باحراج ماتدري ليه سوت كذا ورجعت نزلتها ناظرت فيها وتحديدا رموشه الكثيفه ابتسمت بهدوء واردفت:اقدر امسك رموشك عادي
ضحك باستغراب وهز رأسه اقتربت له ومدت يدينها لتلامس اصابعها رموشه ابتسمت ومد يده يحاوط خصرها حتى التصقت فيه عضت شفتها وحطت يدها على عيونه تمنعه من النظر ضحك بقوه وبانت اسنانه ابتسمت واردف:يابنت عيوني
هزت راسها بالنفي:مو لازم
يوسف :شلون مو لازم بشوف
مد يده وهو يمسك يدها يبعدها عن عينه ناظر ابتسامتها وعيونها الي صغرت اثر ابتسامتها وابتسم هو الاخر بتوسع مسح على خدها بهدوء الي برز من ابتسامتها واقترب لها وهو يبوس خدها وعيونها
